¹ Mbuse ango, yenia olongoi ongo likolo. Andjelu weti, ongo odjali la okondji osungu, mbume itania la ongengi wonde. ² Asia la moli mwendjeke ndjo: Akwia, akwia, Babulona mosungu! aumia eabatelo e milimo mibe, ebete ekwabataka milimo kpàa minge mibe, ebete ekwabataka mbulu kpàa ndjinge mbe. ³ La ebili ende miki kpàa wakengiaka mana mande mabe ma ondumba wonde, mikondji ma mbume mialumbia ongo ndondo eondumba wonde, wato wa makondja wa mbume wayagumesia la nguya eogumake wonde. ⁴ Yokia ongo likolo wasia ndjo: Mpumbani ndondo ende, wato wa mbai, late otilingeleni ongo ndondo e masumu mnde, otisanganeni la olozi wonde. ⁵ La ebili ende masumu mande makaumika tee ndiongo likolo Mwengéi asumboia obe wonde. ⁶ Mofutani ndenge kikima ndenge nda efutiaka inde, mowongweselani mbala iwale okokani la misala mande. La teni enge esuiaka inde mosuelani mbala iwale. ⁷ Inde ayadombali ayalumbia la wisengo, mohekeleni malozi la logo. la ebili ende inde akwasaka ongo la motema monde: yabati la okondji, igweliti la motopele itiene koto logo! ⁸ La ndenge eho, la lisio likikima, malozi mande makouma, logo, mla ndjala, akolongola la misa late Engali atetli ongo omosambesiaka. ⁹ Makumu kpàa mùa mbume, wango wayalumbali lainde ebete ekikima la ondumba wonde la ogumake wonde, wakoswa poo wakoyasumbwa la tina ende, enge ekwene iwo milungu ma obebesami wonde. ¹⁰ Wakwamala lihehe la owangi onyokwami wonde, wakwasa ndjo: Magba, magba, Babylona mosungu, moki mo nguya! la engele ekikima esambiselo eowe eumia. ¹¹ Wato wa odjui wa mbume wakumesakapoo la tina ende, la ebili ende moto té mokikima asombitikine ihoo wawu. ¹² Wihoo winge wawolo, wa Falanga, mabanga mango ma motuya, wiho ndenge kpàa winge igumesake. ¹³ Wiho ndenge la ndenge, maita mango ma motuya, molla, paline, nama, wenge, la milimo ma wato. ¹⁴ Mbuma ndjinge ibaliaka molimo mo owe ikia lihele lo owe, wiho winge wilamu wilamu wiwungia latina e owe, oti wieneikine. ¹⁵ Wato watambaki winge wiho, wango wayagumesali lainde, wakwamala lihele, la owangi olozi onde, wako pumbesa poo wakodja koto la oleli wo logo. ¹⁶ Wakwasa: Magba! magba! moki mosungu mungo mokpaliaka wisindjè wa mondjele alingamiaka la wolo, la mabanga ma motuya, la engele ekikima ozwi wonde kpàa wobebesamia! ¹⁷ Wato kpàa wango wakosombelaka la enge ebete ndjongo, wato wango wakosombaka la malia la wango wakokelaka nduka ongo la malia masungu, wamaliaka lihele. ¹⁸ Wahumbakali pwi, la weni milungu ma olozi wonde: Nda moki mokokaniaka la mungo moki mosungu? ¹⁹ Waswakali limungele la mito mau, walelakali wadjakali la kilio wahumbakali pui ndjo: Magba! magba! moki mosungu ebete eyagumesali wato kpàa wango wadjéi la wiho winge wikosombaka la malia masungu, la engele ekikima abebesamia! ²⁰ Likolo emela likolo lande! laino koto wasantu, wa toma, la wasakoli, ino koto emeleni! la ebili ende Mwengéi aokeleliani oyengebeni ongo emosambesi inde. ²¹ Aseko andjelu mwesi atotia libanga liesi alilumbia la malia masungu, asia ndjo: Ndjo nde ekolumbama Babilona, moki mungo mosungu, watimwene ikine. ²² Watioka kine ati eoweetale ewango wakobingaka kidale, la wango wakobingaka miziki, la wango wakobingaka wiho ndenge la ndenge, watioka kine etale e wibende winge wikotulaka kine etale ewibende winge wikotulaka wato. ²³ Ongengi wo mwinda wotienene kine ati eowe, okpomi wo motopele la moli wotiokana kine ati eowe la ebili ende wango watambesakali wiho wo owe wadjakali wato wango waewanake la mbume, la ebili ende miki kpàa midjimbisamiaka la owe. ²⁴ La ebili ende yainde waeniaka makila ma wasakoli ma wasantu ma wato kpàa wango wa wateniaka iwo kingo ahala la mbume.