¹ Andjelu moikima ongo owa Andjelu sambo wango waikakali teni sambo adjia, andjaselia ndjo: Djaka iowonese esambiselo e moli ondumba, ongo owabati liko la malia masungu. ² Ati ende nde eyalumbali makumu ma mbume la ondumba, mana mande ma ondumba onde makengiaka wato wango wakwabataka la mbume. ³ Akpalia mbai la molimo la lisobe, imuenia moli abati likolo la nama ekongengaka etumi la nkombo mbe, edjéi la mito sambo ndjeka liomu. ⁴ Moli oho akpalakali esidjè engengake, la wolo, mabanga ma motuya la wangbengbe. Aikali la wo ende teni e wolo, etumùi la sambo mbe djinge dja ondumba wonde. ⁵ La elongi ende nkombo, ekomami ndjo: Babylona mosungu, nango o wali wa ndumba la sambo mbe ndjinge dja mbume. ⁶ Imwenia ongo moli alangoia makila ma wasantu la makila ma wandimesi wa loi wa Yesu. Sa la omweni okamwi wosungu ugbotia mbai. ⁷ Andjelu andjaselia ndjo: Nde ekokamwaka owe? ikowewesaekele e moli mpe e nama enge emokpali, ongo odjéi la mito sambo la ndjeka liomu. ⁸ Nama enge eni owe edjali, etikine. Ekotela ongo la ebete ebe, eke ongo la obebesami. Wato wango wakwabataka la mbume, wango nkombo djau itidjali liwoso ate mokili mokelam wango nkombo djau itidjali la buku ewomoi, wako djaweni ate edjali, etikine ekwenene aleti. ⁹ Mine ahala moto ongo odjéi la kandela. Mito sambo mienesi nda ngomba sambo, djinge yabati moli. ¹⁰ Edjéi koto makumu sambo: Watano wakwieke, mwesi adjéi, ongo weti adjaki yo, ango ekodja inde, atiumwa. ¹¹ Nama enge edjali, enge etikine,eho mene edjéi likumu la mwambi edjéi koto la motango modjinge djeti sambo, ekokeke la obebesami. ¹² Ndjeka liomu ndjinge yeneli owe einei wakondji liomu, wango wadjuakiyo ibete isalake, wakodjwaka odongo nda wankondji ngonga kikima la nama. ¹³ Iwokpàa wadjéi la lomungo lokikima, wakohaka nguya ewu okondji wowu ati e nama. ¹⁴ Wakosana la mana o meme, mana omeme akowalonga, ongo edjéi inde mokondji o wa kondji likumu la makumu, la wango wa welami, la wango wa ponomi la wango wa djéi sembo wango wadjéi lainde ebete ekikima wakowalonga. ¹⁵ Asia la mbai: malia mango meneli owe, mango mayabati moli ondumba, mainei wato, miki, minoko. ¹⁶ Ndjeka sambo ndjinge yeni owe la nama wakomotona moli o ndumba, wakomolongese wisindjè wakomotika lingbengbele, wakolaka ndjini ndjande, wakomolongosa koto la misa. ¹⁷ La ebili ende Mwengéi abatiaka la mitema mau wakokese mposa ende la okokesi koto ndi mposa eho, late wahe okondji wowu atie nama, te ndiango ekokokesama sambo dja Engali. ¹⁸ Moli ongo omweneli owe, edjéi moki mosungu mungo modjéi la okondji likolo la mikondji ma mbume.