¹ Yokia nda okpomi wensdjeke wolongoi a ongo la molako, woasiala wandjelu sqambo: kekeni,suani likolo la mbume teni sambo ndja Engali djinge dja omemeli wonde. ² Ongo oliwoso akia, asuia teni ende likolo la mbume; mpota mbe wabingia wato wango wadjali la elembo e nama wango wasambelakali ema enge emokwi. ³ Ongo o wale asuia teni ende la malia mango masungu. ⁴ Ongo o santo asuia teni ende la malia mango masungu asuia koto la malia mango makekemakeke. Mabpongwania makila. ⁵ Imo okia andjelu ongo o malia mango makekemakeke wasi ndjo: Odjéi sembo, owe ongo odjéi, ongo odjali, odjéi mosanto, ongo ekeli owe enge esambiselo. ⁶ La ate wasuali makila ma wasanto ma wasakoli, owahekelia makila la ate wakenge wa engi la maho. ⁷ Yokia etumbelo wasi: Ndjongo, Mwengéi Engali ongo oteteli, isambeselo wowe idjéi olamu iwongi. ⁸ Ongo onei asuia teni ende likolo la moi, emohekelamia awalongose wato la misa. ⁹ Wato walongolia la ehela esungu, waselia obe nkombo e Mwengéi ongo odjéi la okondji likolo la djinge sambo mbe watonia oongi olimbesi la omohekeli Mwengéi odongo. ¹⁰ Ongo otano asuia teni ende likolo la okondji onama. E bete enge ekokondjaka inde etumia la molili, wato wayatwakolia malemi. ¹¹ Wamwaselia Mwengéi obe Mwengéi ongo olikolo, la minyoko mau la pota djau, watonia o mongi Engali olimbesi la misala mau. ¹² Ongo omotoba asuia teni ende likolo la malia mango masungu Efalate. Malia mande mabebia, late mosambi mo wakondji wango wadji ongo ekodjaka liwusawuse mowonge. ¹³ Yenia opundji ongo la monoko mo ndjoo, la monoko mo nama, la monoko mo mosakoli o lokuta, milimo mibe misato mikwani la wangombe. ¹⁴ Ongo edjéi maho milimo mibe, minge mikokelaka wikamweseli minge miokeke ati e wakondji kpàa wango wa mbume, la owabolei la kindo e wuse wo Mwengéi ongo oteteli. ¹⁵ Denda, yikodja iwa. Olamu la wango wakokengeleke, la ongo okowongeleke wisindjè wande, late atisombe lingbengbele late watiene soni ende! ¹⁶ Awaboleia la ebete eweli owo Alamagedo. ¹⁷ Ongo o sambo asuia teni ende la ehoho. Okpomi opumbia ongo la molako, ongo la ebete e okondji, okpomi wo makasi osi ndjo: Ekelamia! ¹⁸ Mikalali, wokpomi, ngombe, ogulumi wo mbume, ogulumi wo mbume wesi wumitiatendi abata moto la mbume ogulumi o mbume wosungu. ¹⁹ Moki mungo mosungu mokabwania la iteni isato, miki minge mikeke moikeke mikwia, Engali amomungolia babilona mosungu, late amohekele teni ende elogo. ²⁰ UIsanga kpàa itilia, koli itieneneli kine. ²¹ Ema ebe enge etwake enge edjali la mbwambwa ndjinge iliti kilo kikima, ewakwelia wato, wato wa motangia Engali, la monyoko mo Enge ema ebe la likambo te monyoko muho modjali mosungu.