¹ Yenia koto ongo likolo elembo eti esungu enge elamu: Wandjelu, sambo waiki iho ibebesake, winge wa gboo, late ati eu omemeli wo Engali wokokesami. ² Yenia nda malia masungu mayabolei la misa, wango walongali nama, la ema enge emokwi, motango mo nkombo ende, wamali likolo la malia mango masungu waiki kidale dja Engali. ³ Wakongangaka lembo lo mose, motuke mo Engali, lembo la mana omeme wasi ndjo: Misa mo owe midjéi misungu mindimami, Engali Mwengéi ongo odjéi la okulu mboka djo owe idjéi alima, ndamu,; mokondji mo mabota. ⁴ Ndai otimowanga, Engali, ongo koto oidomba nkombo eowe? late ndi owe mokikima owongi. Miki kpàa mikodja, wakogumbamela ndi owe, late wikatelui wo owe wieneni. ⁵ Mbuse ango, idendia, mpe molako mokesi Engali, edukoania ongo likolo. ⁶ Wandjelu sambo wango waikakali mùalali mabe sambo wapumbia la ndako e Engali, wakpalui isidjè bubake, wakpali kuluy dja wolo, la mikpoto mau. ⁷ Mwesi mo wikelamu winge widjéi la omoi awahekelia wandje nsambo teni sambo dja wolo, itumi la limemu la Mwengéi ongo okokalaka ilanga la ilanga. ⁸ Ebete ekwabataka Mwengéi etumia la milungu, la odongo o Mwengéi la otetelake wonde, moto te mokikima aikokakali olingeli ebete ekwabataka Mwengéi ndi ndjinge teni sambo dja wango wandjelu nsambo ikokesame.