¹ Idendia, koto yenia, mana omeme amali la ngomba e siona, lainde ebete ekikima wato koto kama la tuku inei la inei, wango wadjali la nkombo ende la nkombo e sango, ikomami la ilongi wawu. ² Yokia ongo likolo etale, nda etale e malia masungu, nda etale e ngombe enge ungu etale eokiaka mbai edjéiaka nda wango wakobingaka kidale. ³ Walembakali mingango miholi liwoso la kiti e okondji, liwoso la wikelamu winei winge widjéi la bomoi la mbange. moto tweti atiewakali lungo lembo, ingate wato koto kama tuku inei la inei, wango wakalesamali la, mbume. ⁴ Edjali wango waibebesamali la wali ongo edjali io seka, wakomobilaka mana omeme ibete kpàa ikokeke inde.Wakalesamiaka ndondo e pele, nda mbuma ndja liwoso dja Engali dja mana omeme. ⁵ La minoko mau okosi otieneneli, late wakoli. ⁶ Imwenia koto andjelu mwesi akohumbwaka ongo likolo aiki mboli enge ekokiti osili, late awasumbele wato wango wakwabataka la mbume, la miki kpàa la mabota kpàa, la nkota kpàa, la wato koto kpàa. ⁷ Asakali la moli mwendjeke: mowangani Mwengéi, mohani odongo, la likambwate enge ende esambesake ewumia, mosambelani koto ongo okeliaka Engali, mbume, malia mango masungu, la malia mango makekemakeke. ⁸ Weti koto, andjelu, andjelu ongo owale andjelu ongo owale adjia asia ndjo: Akpia, akpia, babilona mosungu, ongo okengesiaka miki kpàa mana mande malangwesake ma ondumba wonde! ⁹ Weti koto andjelu ongo o Santo awasi la moli mwendjeke ndjo: inga moto asambela nama la ema enge emokwi, inga koto adja la elembo la elongi ende té la ewo ende. ¹⁰ Inde koto akokenga, masanga makanda endjambe, mango maswani odjangi obolei la ekengeli e nkanda ende, akonyokwama la misa liwoso la wadjelu wasatu liwoso nkoto la mana omeme. ¹¹ Milungu ma onyokwami wàwu makotelaka ilanga, la ilanga wakodjanga ohomi wuse la likolo, wango wakosambela nama la ema enge emokwi, la ongo koto okodjwa elembo e nkombo ende. ¹² Mine ahala ondimi o wana wa Engali la ondimi o Yesu. ¹³ Yokia koto ongo la Engali moli mokwasaka ndjo: dinga:wemeli ndindjo la wango wako gbaka ndondo e Engali ! ndjongo, easi Engali, late wahome la tomu djawu ikowabiliaka. ¹⁴ Idendia, koto yenia, lipata libubake, ongo likolo la lipata moto mwsi abati okwani wonde nda mana o moto, likolo la moto monde elembo e okondji wo wolo, aiki la ewo ende ema ewotake. ¹⁵ Weti andjelu apumbia ongo ndondo endako, akokpomaka la moli mwendjeke la ongo oyabatali la lipata: lumba ewuni eowe enge ewotake, banda ototi mbuma, la likambo ate engelenge etokake mbuma eumia, la likambo ate mbuma itania. ¹⁶ Ongo oyabatiaka ongo la lipata alumbia ewuni nde la mbume. Mbume koto itotamia nda mbuma . ¹⁷ Andjelu weti apumbia ongo la tepelo ongo la Engali, aiki ewuni ewotake. ¹⁸ Weti koto andjelu odjali la okondji wo misa, apumbia ongo la tepelo akpomia moli mwendjeke la ongo odjali la ewuni ewotake, asia ndjo: lumba ewu e owe ewotake atenia maokema mbuma dja mbume late mbuma ekomeliaka. ¹⁹ Motuke alumbia ewuni ende ewotake la mbume. Mpe akotia mite ma Vinia ma mbume mpe alumbia mabakoli masungu ma omemeli wongali. ²⁰ Mpe walongosia mango mabakoli walumbia sa eliwange linge lisungu mpe midimi mitanake mihumia te la minoko ma punda lataka eolai koto motoba sombake la makolo.