¹ Amali la mbume dja owale. Yenia koto ongo la owale nama esi la mpembe ndjongo ilembo dja okondji liomu, likolo la djinge mpembe ndjongo nkombo mbe. ² Nama enge eneli mbai edjali nda: mpange makolo mande madjali nda nama enge eweli iwo ate Oulusse monoko monde nda monoko mo nama eweliwo ate nkosi ndjo emohekelia nguya ende, kiti e okondji ende amohekelia koto okondji osungu. ³ Yenia moto monde mwesi nda okondjoi la logo, okondjoi wonde woogo wokalia. Mbume ndigbo ndigbo idjali mbuse e nama omokumesi. ⁴ Wasambelia ndjo, ongo ehekeleli inde okondji ati e nama, wasambelia nama, aseko wasia ndjo: ndai okokani la nama, ndai okoki osani lainde? ⁵ Wamohekelia monoko mokwasaka sambo mbe sambo ndjinge ileki obe, wamohekelia okondji late akondje ilanga tuku inei la iwale. ⁶ Aluholia monoko monde la omwaseli Engali sambo mbe, waseli obe nkombo ende, ebete ekwabataka inde,la wango koto wakwabataka ongo likolo. ⁷ Wamohekelia ate asane la wana wa Engali, ate awalonge. Wamohekelia okondji late awakondje wato wango wadjéi ahala la mbume wato, minoko kpàa, miki kpàa. ⁸ Wato kpàa wango wakwabataka la mbume wako mosambela, wango nkombo djau itidjali liwoso ate Engali akele mbume la ekpata emana omeme ongo ogwa ate. ⁹ Ongo odjéi la wiokelo aoke! ¹⁰ Ongo moto okoke la wombo, akoke ndi la wombo, ongo okola la etogo wakomoola ndi la etogo. ango nde oiki mpiko la ondimi o wasantu. ¹¹ Alidji iyeni nama eeti ekotelaka a mbume,adjéi la ndjéka iwale nda enge e meme, adjaki owasi nda Dalagona. ¹² Nama eho ekelakali okondji wo nama enge iliwoso ndi ango mine edjei nama eho, nama eho ekelakali ate wato kpà wango wadji la mbume wa sambele nama enge eliwoso enge mpota ende elogo ekaliaka. ¹³ Ongo moli akokelaka sambo sungu sungu la okalesi wato, te olongosi misa likolo odjimbi ono sese la maiso ma wato. ¹⁴ Awa simbesia wato ono la mbume la makamwisi mange ma mohekeleli iwo nde liwoso la nama wasaka la wato wa sésé ate wakele ekeko e nama enge ekodjoali la pota ekpoka edjéi ekohomaka. ¹⁵ Wa mohekelia okulu okpomesake nama, mbuse eho nama ekpomia pe asiate moto kpàa ongo oti la elombo e nama wa mole. ¹⁶ Mpe asiate moto kpàa; motopele wadjui, tuke wadjue elembo mla ewo elilome mpe la elongi. ¹⁷ Ate moto te mokikima atikoke osombi te otambi inga aedjè la elembo, la kombo e nama mpe motango mo kombo ende. ¹⁸ Alandjo ongo odje la lokenge. Ongo odjéi la lomungo obolesane motango mo nama, late edjéi motango mo moto pele, mpe motango monde modjéi kama motoba la tuku motoba la motoba.