¹ Moto ongo okoangesanaka adjei liwoso la owe. Dee ate ebele enge ebaniani aboolo ebaniane. dendela mboka. Nanga libele. Tetesa wokulu ngbii mene. ² Alikambo ate Yeova akowongosa mene elolo e Yakobi, la elolo e Isalaele, te mpamba te wango wakodeeke mpamba, wawadei iwo mpamba, wabitesi wetee wou. ³ Ndua e wato wande wa wokulu ekkpulami langi watanake, wato wande wa wokulu wa mokolo wakpali wisendje wa langi wotanake aboobo. likalo la wita wuse wungo wokoawongeleke inde wongengi wo misa ma wiwonda winge wanangesa, makonga ma mote mo Yenebiliye mokokpakpaka. ⁴ La Balaba, makalo ma wita makosombaka la ndenge esi e boli. Makohumbwa humbwaka la wibete wa wato kpaa. wokoeneneke nda wongengi wotolosi wokoumbaka obangu nda obalimi. ⁵ Okowamungwa wato wande wa etemia. wakobinga ekikini ango ekosombaka iwo. Wakokee gaga atie etutu e moho, wakodika mboka aboolo. ⁶ Miloduhe ma wibale mikoduhua mene, monguta mosungu mo likumu mokobukia mene. ⁷ Loi woho wotenei; atikali lingbengbele, akokpalana mene, wana wa wali wango wadjei mituke mande wakotilel, nda ekokelaka wapizo, wakotimatia mitema mawu. ⁸ Ninibe opoti ndi ekolama moho, modjakali ebele e eliwa e malia; ase wakotilaka. Amalani! amalani ase toweti te okodenga mbuse. ⁹ Puesani balata; puesani wolo, alikambo ate wiho winge wiwongesena witi la gboo te. wiho wilamu wa ndenge kpaa widjei ebele mene. ¹⁰ Engumba etkali wohola, edjangi wiho eumi mpamba! motema molembi, mauli makogulumaka, libele kpaa lidjei la mwano abooli; kaikonde nda edjangi iwi, wilongi wau kpaa wiumia witanake. ¹¹ Nda ebete ekoataka wasimba, eni buu e mabanga e wana wa simba wango kingi etumi la ngungi, eati ekosombasombaka simba epele laolingeli, atie mana simba opele adjakali, la eati moto te weti te adjakali owangesi eho? ¹² Simba epele edjakali osalakoli la ndenge eenge eengi mene alikambo la wana wa eho, edjakali ohunoli nkingo alikambo la wa simba wa djoho dja wali. Edjakali otumesi mapokosaka ma djaho ma nama lakake la ebele e djaho eodjesi la nama djinge isalakoli iwo. ¹³ Denda! ikowamalelaka owe, woho nde wasi wo Yeova o wigogo, ikotumba likolo la eho la wita la wodja wonulung. Ewuni ekolaka wana wa simba wa owe wango nkingo etumi la ngungi. Ikolongose la mbume nama dja owe lakake, mooli mo wa kpaali eowe etokana alidi te.