1 Liewesi alikambo la winibe, Boku e ennemi e Nahumu, moto o elekoshe. 2 Yeova adjei Mwengei ongo okongoko ndi onangani la inde ongo okowongosaka wobe, Yeova akowogosaka wobe, Yeova akowongosaka wobe la akodjaka ahue la ooki nkanda. Yeova akawawongoselaka waamalali wobe akowangelaka mitone mande limemu. Yeova atookaka limemu galaa te adjei la wokulu ngbii, te nda ndenge Yeova atodjanga ohekeli eguele te. Aboka eende edjei la ndondo e ehoho enge ekobitesaka koto la e ewongo o ehoho aboolo, mapata madjei nda ebili e miisu ma makolo mande. 4 akopamelaka mbu, akoomesaka eho, adjei mene oomesi wibale kpaa. Bashane la Kalamele wiomi, pulele mene dja kiba Yooni. 5 Mikoli miningani alikambo lande, mikolo mikeke minangwani. Mbume ekoadjamba alikambo la elongi ende, ndenge kikima koto mbume djinge ekowotaka, wango kpaa wakoabaka mine. 6 Ndai woengi wamali liwoso la miano mande? ndai woengi wamaleli misa ma limemulande? te omemeli wonde wokosuakana nda ebeli e misa mabanga mene makobukana alikambo lande. 7 Yeova adjei wolamu, ebele etetelake e libanei la wuse wo wodidi. Akowaewaka wango wakolukaka ebete e otili atie nde. 8 La mpela enge ekolekeke, akoseselangoo ebete e eho kpaa molili mokowatutia mitone mande mene, 9 Nda zma ekoanaka ino omokeli Yeova? Inde aseselaka djiesi kpaa ngoo. Wodidi wotopumba mbala ewale te. 10 Te inga wadjei nda mote mokeke mungo molinganalingana la wadjei nda walangoi mana mawu ma pukapuka dja bee, wakolongola mene kasi dja bee djinge yoomi djiesi kpaa. 11 Menene, moto akolongwa dje owe akoana omokeli Yeova wobe, moto oho akoanaka okeli sambo djinge iwongiti te. 12 Denda wungo waasi Yeova: te inga waeneneli ate waenga la kpaa la wadjakali ngbii la ndenge ehenge, te djongo wakolongosene, la wakoleke. Ikowoenese owe mene wodidi, la itowoenekine owe wodidi alidi te. 13 Sikandjo ikobuka mote monde mo okpale wiho alikambo ate molongwe likolo la owe; ikotena ndiki djinge djoheli owe. 14 Yeova ahekeli tomaka alikambo la owe ate: nkombo eowe etodja la motutiani alidi te. Ikolongose ekeko enge edjemami la ekeko e ewanda enge enangwemisa la monguta mo wa Mwengei wa owe. Ikookelela owe kabuli, alikambo ate oti la gbondo te. 15 Denda la mokoli, makoli ma moto ongo ogeleli la mbli ndamu, moto ongo okotiesakolaka logoo. Te Yuda, kela mapati ma owe; engesa mawuma ma owe; alikambo ate moto mpamba atopota oleki alidi la ndondo e owe te. Akolongoseme moesi kpaa mene.