¹ Magba la engumba enge ekosuaka makila. Eho kpaa etumi la okosi koto laiwa. nama ndakake edjangiti te! ² Lokindi wo pimbo la lokindi wo etale e maluu madjei, la mpunda djinge ikohumbwaka la likalo linge likohumbwaka. ³ Moto ongo okosombaka la mpunda eende, la misa ma ewuni obalini wolikonga, ebele e wato wango waolani, la ebele e milonda minge mitumin la milonda meti la gboo te. Wakobingaka saa wekikimi la milonda mawu; ⁴ Edjei alikambo la ebele e tomu dja wohulelia wo moli. Owohulelia, ongo okowagulaka wato la wolamu wonde, moli ongo odjei moto olilando ongo woewi mene tomu dja wonganga sisa, moto ongo okodikaka dja witondo la tomu djande dja wohulelia la ma wota la tomu djande wonganga sisa. ⁵ Denda! ikowamalelaka owe, ikolelesa esindje eowe te la elongi ikokeka ate witondo wiene lingbele la owe, makumu maena nsoni eowe, woho nde wasi wo Yeova o wigogo. ⁶ Ikolumbela owe wiho wawonalili, ikokela ate oume ema eodjebeli, ikowoumesa owe ema edengake. ⁷ Ekokelana mene ndjo: moto kpaa ongo okowene owe akotila owe liheele akoasamene ate: Ninive epuesami! Ndai okodja omodengi inde la magba manda? Ikolukela owe mobembelesi nda eati? ⁸ Owe odjei nde wolamu omolekino Amane, ongo adjakali wabati kekele e mboka e malia ma Nile? malia malingali eho wiati kpaa, wogumake wo eho wodjali mbu. ⁹ Etiopi edjali, wokulu wo eho esi kpaa, la Ezipito, eho etidjali la gboo te. Putila wato wa libe wadjakali iwo mene wadjakali oongomesi owe. ¹⁰ Eho koto eongokoli okpalani la mokili modjake, ekeli la ohelami. Wana wa moho watenamali wesuki wisuki la lipotele la wabalaba kpaa, la walumbali djege alikambo la wato wasungu wa moho iwo pkaa wa nanganali la winangele. ¹¹ Pwe mene koto okolangwa, okouma ema enge eisami. Owe mene okoluka ebete etetelake e liabanei liwoso la motone. ¹² Wibete wa owe kpaa winge wibaniani aboolo widjei nda ebili e mote mo pigi mungo modjei la pukapuka dja liwoso djinge itani, mungo inga waninganesa moho, ikokwa mene la ndondo e monoko mo molaki. ¹³ Denda! wato wa owe, wadjei wali la ndondo eowe. La memene, mihule ma moki mo owe mikoduhuana liwoso la mitone ma owe. Misa mikolongosa mene winangese wa owe. ¹⁴ Euka malia alikambo la engele enge ekolenga iwo owe. etesa wibete wa owe winge wibaniani aboolo, hoto mbume dja lima, hela masini oobingi biliki. ¹⁵ Te ongo misa mikoolongosa owe. Ewuni e hoolongose owe. eho ekoolaka owe nde wange pepe wakeke wakolakaka. Yaunesa ebele mene nda ebili e wapepe. ¹⁶ Owoumesi ebele nda ebili e wa pepe otambi ngbii oleki minoto ma likolo, wapepe wakeke wa kplongoseke mene poso dja maho; la mbuse wakohumbaka. ¹⁷ Wadendeli wa owe wadjei nda ebili e wapepe, wakeleli wango wa koumaka nda ebili e walikili wadjei nda liwoke la wapepe. Wakoabataka la kaa enge edjei wopango wo mabanga la wuse wo pio. Inga ndi moimo pumba; wakotilaka mene; la ebete ewu; eati edjei iwo, eewaniti te. ¹⁸ Te likumu la asili, waabanei wa owe wa mpata waoki wilo, wato wa owe wa etemia waabati la wibete wau wiabatake wato wa owe wadjengesani la mikolo; moto oowabolei iwo ebete eikima ati te. ¹⁹ Obembelesi alikambo la huho eowe woti te. wodidi woowe wotosi te. Wango kpaa wakookamboli eowe wakobinga mawo alikambo la huho eowe, te moamba te ndai ongo wobe woowe wodjangali omoumeli inde wiengele kpaa?