¹ Yesu awawelia wango liomu la wale, awahekelia wokulu la makoki likolo la ndiwa,la makoki ma okalesi wikoni. ² Awatomia osakoli wokumu wo Mwengéi,la owakalesi wato wa wikoni. ³ Otiikakeni ema teeti ango okia ino, awaaselia ate,esuki emote,te wapasa te wokoke,te waambele woidjakeni la wisindjè wasese wiale. ⁴ Minguta kpàa mikolingela ino abatani ango,angonde eobalini iwo. ⁵ Ase inga wato watiwoemeleni, umani la enge gbata,ase huholani motuluemo makolo manu,ehoemesi wobe wou. ⁶ Wakia ase waumia moki la moki,osakoli mboli ndamu,la okalesi wato. ⁷ Herode modengeli aokia sambo ndjinge yasanali la ndjinge ilkali,ase mamungwene mamosilia. Alikambo ate wato wadi wakoasaka ate Yoane ongo asusoi gaala logo. ⁸ Wato wadi, waasia ate Elia ongo olimwali,ase wadi waasia ate mwesi o waaseli ongo osusoi gaa. ⁹ Kasi Herode asali ate,mbai imotenali Yoane moto; ndai kasi ongo,enge ekokaka mbai ndjinge sambo?ase amolukia ate omoene. ¹⁰ Waapositolu, wakawongoya,wa mwaselia Yesu sambo kpàa ndjinge ikeli iwo. Awatotia lainde mongindi, wakia ebete esi aati e gbata esi enge ewelani ate Betesaida. ¹¹ Ebele ewato waewia,wamotuteya.Yesu awaemelia, ase awaselia likambo la wokumu wo Mwengéi; awakalesia wango wandjakali la mposa eokali. ¹² Ango abandia wuse otitimi, wango liomu la wale waandogbia ahue la inde wa mwaselia ate wawongosa wato, la ate wake la miki la wibete winge windjéi ahue, wakonde ebete elangalake la ndenge eokali; la ate iso tondjéi ala la lisobe. ¹³ Yesu awaaselia ate ino wahekeleni wilaka. Ase wamowongoselia ate:Eondjéi sa la makoke matano la su iwale la qte toke iso mene toke okasombi wilaka wa wato kpàa. ¹⁴ Kaiko nde wato wandjaali koto itano, Yesu awaselia watutiani wande ate waaselani waabate la mbume wato la wato melengo mwèsi wato tuku itano. ¹⁵ Wakelia ndindjongo, wawaaselia iwo kpàa waabate la mbume. ¹⁶ Yesu atotia mango makoke matano la ndinge su iwale, ase alongosia maiso dendia likolo, amapamboya.mbuse abukkolia,awahekelia watutianiwawakawele wato. ¹⁷ Iwo kpàa walakia wagbetia ase waonia wisuki winge witikali, mindjangi liome la miale. ¹⁸ Wuse woesi Yesu aakongokoli saa inde mene, andjakali la watutiani wande, awahueliaate ebete e wato wakwasaka ate mbai indjéi ndai? ¹⁹ Wamowongoselia ate: Yoane mobatesi; wadi ate, Elia, mwèsi owaaseli wa gala osusoyi. ²⁰ Awahuelia, ino okwasa kani ate mbai indjéi ndai? Petelo awangoselia ate: Kilisito o Mwengei. ²¹ Yesu awatekesia makasi ate watimwaselake moto twèti. ²² Aasia alidi ate ewongi wolamu ate Mana omoto aene wodidi ngbii, wato wagala wakomolumba mla wadingeli la wakawi la wato wabe, wakomoola, ase akosusua wuse wo misato. ²³ Mbuse eho awaselia iwo kpàa inga moto abali ate atutie mbai, aatone inde mene, akpale mosalaba monde masio kpàa, ase atutie mbai. ²⁴ La ate ongo obali okalesi wenge wande akowungesa, kasi ongo okowungesa wenge wande la likambo la mbai ako kala. ²⁵ Ase nda ema ekokondja moto inga andjwa moki mwèsi kpàa, kasi awungesa wokongi wonde. ²⁶ Alikambo ate ongo okooka nsoni la likambo la mbi la sambo nda mbai, Mana omoto akomookela nsoni, ango okondja inde la wongengi wonde, la wungo wo Wawa la waahumbwa wausatu. ²⁷ Iwoaselini memene, wato wadi wango wandjéi ala watoguate ndi waene wokumu wo Mwengei. ²⁸ Elekia msio mwambi mbuse ewasi ndjinge sambo,Yesu awatortia lainde Petelo, Yoani la Yakobo,ase atelia la mokoli la okaakongi. ²⁹ Ango wakongokoli inde,elongi ende ekukwania, wisindjè wande wiumia pèe oleki. ³⁰ Ase denda,wato wale wakokpomesanaka la inde: endjakali Moise la Elia, ³¹ Wango weueneli la wongengi ase wapotia woasi woki wonde wokelame la Yelusaleme. ³² Petelo la wino wande wandjakali la wilo;kasi,ango okosusoya iwo,waenia wongengi wo Yesu la watpo wale wandjéi la inde mongindi. ³³ Ango edenia inde la wango wato wale la Yesu,Petelo amoaselia ate: Likumu,endjéi wolamu toabate ahala; tokele minguta misato, mwèsi mo owe,mwèsi mo Moise, mwèsi mo Elia. Atiewakali enge ema la sakali inde. ³⁴ Ango andjakali inde woasi, lipata liesi; ase lipata liesi liwadihia; ase watutiani wa wangia wamwenia akolingela la mapata. ³⁵ Ase mooli mwèsi mwasia la mapata, mwasia ate: oholo andjéi Mna ombai omwoni mbai mookani. ³⁶ Ango ookania mungo mooli ndjoongo, Yesu atikalia inde moikima. watutiani wadakia longoo,ase te omwaseli moto, la enge engele la sambo ndjinge yeneli iwo. ³⁷ Wuse wodi wolekia,ango wandjimbakali iwo la mokoli, liwoke la wato ebele wakanjia liwosa la Yesu. ³⁸ Ase denda,awondja wo wato moto mwèsi apamia: Likumu, iwongi, modenda mana ombai opele, andjéi mana ombai moikima opele. Esisi emohelia, ndiango ahumbia pui. ³⁹ Ase esisi emohelia makasi eomokwèse emoumesa mahulo la monoko, ekomokelaka makasi, mbuse ende okwakwi la mbume. ⁴⁰ Iwaongia watutiani wa owe waumbe la eho, ase iwo te okoki. ⁴¹ Liwota lindjangi wondimi la liyaimbi, ewawongoselia Yesu, ikoumwa l ino tee nda eengele, la ikonanga ino motema la sambo ndjanu ndjaka la mana wo we. ⁴² Ango eumia inde ahue, esisi emolumbia la mbume, emohelia makasi. Kasi Yesu aumbia la esisi ebe, amokalesia mana ase mowongosia atie sango. ⁴³ Ase iwpo kpàa waahuelia la wosungu wo Mwengéi. Kaiko nde mwèsi la mwèsi wandjakali waahueli la sambo kpàa ndjinge ikelakali Yesu, asia la watutiani wande: ⁴⁴ La ino okani wolamu luhulu loi: Mana omoto awongi wamokawe la mawo ma wato. ⁴⁵ Kasi watutiani watiokali lungo loi, loi loho woyaisali, ate watioke gbondo eho ase wawangia omohueli gbondo eho. ⁴⁶ Kaiko nde mamugwene ma wadjelia la elimo, la wewi inga ndai odjéi moto mosungu la kati eewu. ⁴⁷ Yesu, aenia mamunwene mau la ndondo e motema amootia mana mokeke, amobatia ahue wande. ⁴⁸ Ase awaselia ate: ongo moto okomoemele mana mokeke oholo la nkombo embai, aeeli mbai amoeli ongo atomali mbai. Inga moto adja mokeke liwoso la nu kpàa, inde ondjéi mosungu. ⁴⁹ Yoani aotia loi ase asia telikumu,iso to mwèni moto mwèsi akoumba la wisisi la nkomboeowe; ase iso tomotekesia, alikambo ate atotuteiti iso. ⁵⁰ Otimotekeseni, Yesu awawongoselia; alikambo ate moto ongo oti motone monu adjéi atienu. ⁵¹ Ango eumia eho engele ende olongoi la mokili eumia ahue, Yesu aotia mamungwene ma okii la Yerusaleme. ⁵² Awatomia liwoso lande wasumbi mboli, wakia la mboka ase walingelia la ebete esi ewasamalia, alikambo lka omowongeleli ebete eabatake. ⁵³ Kasi waeniti te, alikambo ate aanali okii la Yelusaleme. ⁵⁴ Watutiani, Yakobo la Yoani, waenia ndjoongo wasia ate: Likumu obali ate toonge misa minde ongo likolo miwalongose? ⁵⁵ Yesu aakukolia aatie wu, aenia ndjoongo, asia ate, awatekesia, aasia ate: wewitini enge ema akwasakani ino. ⁵⁶ Inga mana omoto andji te la owungesi milimo ma wato, kasi la owakalesi. Ase wakia atie edi. ⁵⁷ Ango ondakali iwo la mboka; moto mwèsi amwaselia ate: Likumu, ikotutia wiati kpàa wikoke owe. ⁵⁸ Yesu amowongoselia ate: masika mandjéi la wibete wilangalake, mbulu ndja likolo indjéi l wilako: kasi Mana omoto ati la ebete ebatake moto. ⁵⁹ Aasia la odi: Eutia mbai. Ase awongosia ate: Likumu dee yo mbai ike okamokundi wawa. ⁶⁰ Kasi Yesu aasia la inde ate: dee wato wagwake wakundane iwo mene ase owe, keke kaase loi lo wokumu wo Mwengei. ⁶¹ Odi aasiate:Ikotutia,Likumu,dee yo mbai ikawasela wato wa monguta mo mbai. ⁶² Yesu amowongoselia ate: kpàa ongo obati gaa wiho wande wibukelaki la seleti, la odendi mbuse,ati wolamu la wokumu wo