¹ Mbuse eho, Likumu aonia watutiani tuku sambo awa tomia wale wale la miki misungu mpe ibete kpàa ibete winge ibalakali nde oki. ² Awaselia: elanga edjéi esungu kasi watuke wadjéi wakeke. Akongani la memene elanga laate atome watuke la obuki. ³ Kekeni. Dhenga, iyotomini nda wana wa kondolo ndondo e pange. ⁴ Otikpaleni ema te e kikima, te wuka te wikpokpo, otihekelekeni moto ewo la mboka. ⁵ A minguta minge mikolingela ino asayoni liwoso: otwa e Mwenei odje la mu monguta. ⁶ Inga edja la moto mwesi ologoo, logoo enu ekoyabata likolo lande, inga te ndjongo okowongwa etie nu. ⁷ Abatani la mungo monguta, lakani pe kengani iho kpàa ekohohekeleni iwo late motuke awongi la liputa. otikeni monguta la monguta. ⁸ La miki misungu minge mikolingela ino, la kanio ilaka kpàa winge ikohekeleni ino. ⁹ Kalesani wato wa ikoni wango wakogboto ino pe waaselani ate okumu wo Mwengéi wo umi la hue. ¹⁰ Kasi la miki minge mikolingelani ino alidji mitiooyambani ino amalani la mboka pe asani ate. ¹¹ TOhuholani la limemu te motubu e gbata enu enge ehelanaki la matindji masu; ase yewani ate okumu wo Mwengei e wumiga ahue. ¹² Iyowaselini ate enge lisio, Sodome akweene odjidji maa keeke kasi enge moki ekweetela. ¹³ Magba la owe, Kolazina! magba laowe, Betesada laate inga sambo dja kamwake makelamali atie ino, ekelamali ongo la Tile, la Sidonia, ekokiti oeti masio ngbi late wakukule mitema mau pe wakpale saki mpe wayabate la miwutu. ¹⁴ Tile la Sidonia wa tidja la loi la use wungo osambesamake nda ino. ¹⁵ Kasi owe Kapalanauma, eyadjambi owe tee likolo la mapata, okoyadjimba sésé tee la ehomeli e logo. ¹⁶ Ongo akookani ino, andjoki mbai, ongo akootonani, atoni mbai, mpe amotoni ongo otomi mbai. ¹⁷ Wango wato tuku sambo wawongwali la mwemu wa mwaselia ate: Likumu, te mindjili, la isisi itotosi la tina e kombo e owe. ¹⁸ Yesu awawongoselia ate: imweni esisi olongwi likolo tee okpi la mbume nda libuga. ¹⁹ Dhenda mbai iyohekelini okumu ate osombeni likolo la ndjo, likolo la gake, pe otetelake likolo la moto kpàa ongo okokelaka likaka la mbai, pe ema te ekikima etiokelani. ²⁰ Otiemeleni ango e otosini isisi, emele ate inga kombo e owe edhingami ongo likolo. ²¹ La enge engele Yesu atumisamali la mwemu e molimo satu, asia ate: iyodemei owe wawa, laate owe nde okelali likolo la mbume, laate oyisi dji sambo atie wato walomungo, pe wakandela, kasi oenisi sambo djao atie wana wakeke, iyemeli la ndenge ekeli owe ndjongo. ²² Iho kpàa wawa nde opekeleli mbai, moto toeti ayewi ndai adjei mana, inga etidje wawa, te ndai odjei wawa, inga etidje mana, alidji la ongo mana amoyinei. ²³ Ayakukolia atie watutiani wande awaselia iwo amene ate: mwemu la maiso mango meeni sambo djinge iyeni ino. ²⁴ Iyowaselini ate, wasakoli ngbi la makumu walukali oeni dji sambo eeni ino, kasi waeniti, alidji ooki enge ekookakani ino, kasi watioke. ²⁵ Mwalimo o mibeko ma Moise aamalia, aasia la Yesu, la omomeki: Likumu ikele woni laate itote mokalo mo libela? ²⁶ Yesu amwaaselia ate: edhingani woni la mobeko mo Moize? Eni e tangi owe? ²⁷ Amowongoselia: okomobala Likumu, Mwengéi e owe la motema mo owe kpa, la molimo mo owe kpa, la otetelake e owe, la omungo o owe, alidji mobala miino owe nda owe amene. ²⁸ Yesu amwaselia, oasi olamu; kela ndjongo, okokala. ²⁹ Kasi inde, abalia nda ate ayagalele, asia la Yesu: ndai odjéi miino o mbai? ³⁰ Yesu awongwanelia oasi, aasia: Moto mwesi a longwali la Yelusalema la oki la Eliko. Akpia la mawo ma wato wabe, wamopuesia ihoo kpàa,wa mobingia ibhotu, wakia, wamodheyia pene e logo. ³¹ Nganga Mwengei mwesi nda nano aetali ndji enge mboka, amwenia ongo moto, amolumbelia ehoi, amobabia. ³² Molevi mwesi, awumia enge ebete, amwenia, amobabia. ³³ Kasi Mosamalia mwesi odjakali la okendo, awumia ango, atumali la magba ango emwenia inde ongo moto olangali la mboka. ³⁴ Amototia amokpolia pota amomunolia maita la maana, amobatia likolo la punda ende, akamotikia la lopitalo laate wamosalese, abongia ewo la wuka wonde aumesia Falanga yale amohekelia memene lopitalo, asiaa lainde ate. ³⁵ Mosalesa oholo moto djinge Falanga ikohungesa owe ango ekowongwa mbai ikoowongosela. ³⁶ Ndondo e wango wato wasato ndai pendja odjéi minoongo moto akwali la mawo ma wato wabe? ³⁷ Motiesakoli o mibeko awongosia: Ongo omookelali magba. Yesu amwaselia: keke owe mpe kela ndjongo. ³⁸ Ango edjali osombi Yesu la watutiani wande la mboka, walingelia la moki mwesi ndjo mpe moli mwesi oyewani la kombo e Malata awa yambia la monguta monde. ³⁹ Inde adjakali la manango koto o moli omowelakali iwo Malia, ayaabatakali la makolo ma Yesu ooki mateya mande. ⁴⁰ Malata ahelanali la tomo ngbi e monguta. Akadjia asia la Yesu ate: enge edjei olamu Malia ayabati ango sa pamba te ogamesi mbai? Mwasela agamese mbai. ⁴¹ Yesu amowongoselia ate: Malata, Malata okoyatungesaka alidji okowabingakolaka la sambo ngbii. ⁴² Kasi Malia aoni emesi emotiyo enge eti mopuesama.