¹ Yesu andjakali wakongi la ebete esi ndjoongo.Ango aseselia inde, mwèsi owatutiani wande amwaselia ate: Likumu, topundesa iso waakongi, nda ewapundesali ndjooni watutiani wande. ² Awaselia ate: Inga wakongoni, asani ndjo:wawa nkombo eowe ekumesane; wokumu wo owe wodjee. Ha iso wokoke masio kpàa. ⁴ Tolimbesa masumu masu nda ekowalimbesaka iso wino wasu; ase otitodhe la womekami. ⁵ Awaselia alidji ate:inga mwèsi onu adja la mino onde, ase akamogbotia a likolo amwaselia ate: Manima, bekesa mbai makoke masato. ⁶ Alikambo ate manima mwesi adji atie mbai, iti la ema emohake. ⁷ Aseko, la ndondo e monguta, manango awongoselia ate: otilembese mbai idhihi gaa moluhe,la wana wa mbai tolangaliga, ikokiti olongoi laate iyohekele makoke. ⁸ Iyowaaselini, ingatate akokiti olongoi la omohi la loyi adjei maanango, akolongwa la loyi ate amotungesiga, akomoha djinge kpa idjei inde la eho posa. ⁹ Ase mbai, iyowaselini: ongo, wakooha; luka, okotota; binga moluhe, wakoodhukola. ¹⁰ Ongo okoongo wakomoha, ongo okoluka akotota, wakomodhuhuela ongo okobhingaka modhuhe. ¹¹ Ndai ndondo enu sango akomoha mana onde libukeli, inga mana amoongo okoke? te inga amoongo su, amohe ndjo te ate amohe su? ¹² Ate inga aongo likei, inde amohe gake? ¹³ Inga ino wato wabe, nda edjei ino,oyewini ohi wana wanu wiho wilamu, edjei olamu ndjongo wawa o likolo akohekele elimo satu la wango wakomoongoko. ¹⁴ Yesu aumbia la etota enge etokpomaka. Ango opumbia enge etota, moto oho abandjia okpomi,ase wato ngbi wamondjimali. ¹⁵ Weeti waasia: akowumbaka la witota la kombo e Bezebule likumu e witota. ¹⁶ Ase wadji wato,la loyi e omomekake, wamoongia elembo enge ekodja likolo. ¹⁷ Nda eyewali Yesu mamungwène ma wu, awaaselia ate: wokumu kpàa wokawani eho amene, wobhitani, ase monguta mokubhukia likolo laeti monguta. ¹⁸ Inga Etoto akawana ndondo eende amene, wokumu wonde wokoamala nda ndenge, alikambo ate ino woasini ate mbai ikoumbaka la Etota la okulu e Bezebule? ¹⁹ Ase inga mbai, ikoumbaka la itota la okulu e Bezebule, wana wanu, la kombo endai ekowumbaka iwo la witota? Edjei ndjongo wakodja iwo amene wadjodji wanu. ²⁰ Kasi inga edjéi ate ikowumesaka witota la mosei mo Mwengéi, okumu wo Mwengéi wodji etie ino. ²¹ Kasi inga moto owokulu adja la wisaneli, akodhendaka monguta monde, ema teeti etobitana. ²² Kasi inga moto ongo omoleki la okulu akadjia asane la inde, akomopwèsa wisaneli kpàa winge wibatelaki inde motema, ase akokawakola kpàa wiho winge wipuesi inde. ²³ Moto ongo oti atie mbai adjéi motone mo mbai, ase ongo owanesaniti la mbai, akawani la mbai. ²⁴ Ango elimo mbe epumba la wenge e moto, ekoke la wiholo wiomake, la oluki ohomi. Ango etiene inde, akwasa: ikowongwa la monguta mo mbai ongo opumbali mbai. ²⁵ Ase inga auma ongo akogboto ebete ekpasani wolamu mpendja. ²⁶ Ase akoke,ase akatoti wilimo sambo winge widjéi la otetelake omoyeti, wilingelia la monguta, wiyabatia, moto oho akoumia obe oeti nda ndenge edjakali inde liwoso. ²⁷ Ango edjakali Yesu oasi ndjongo, moli mwèsi adhumbeya ndondo e wato ngbi, aasia: mogano la solo enge eogbalate la mawele maonungesali! ²⁸ Yesu awongosia: Mogano la wato wango wakokaka loyi lo Mwengéi, alidji wakoisaka. ²⁹ Nda eyakokyaali wato ngbii, apotali oasi: waawato wa keke wadjei moonga; wakoongoko ikamwa; etiwahekelama eeti ikamwa ndji enge e Yona. ³⁰ Ndenge kikima nda Yona adjali elembo e wato wa Ninive, ekodja ndjongo la mana o moto la wa wato. ³¹ Likumu o moli o Midji akoyamala, la lingo lisio e esambake, la wato wa maa masiyo, akowahelesa, la loyi adjali gboo e mbume la ooki kandela e Salomo, ndhenda edjei ala la ongo o moeti Salomo. ³² Wato wa Ninive wakoyamala, linge lisiyo lisambake, la wato wa ehele engele, wakowahelesa, la loyi ate wayakukolali la mateya ma Yona, mpe denda, adjei ala oyeti te Yona. ³³ Moto tweti akokiti olole lotambe abate la ebete eyisani te la seese e eboka, kasi okobata nde la ebete e likolo, la ate wango wakolingela weene hoho ngbai. ³⁴ Liso la owe edjei lotambe la wenge wowe. Inga liso la owe edja olamu, aseko wenge wowe kpaa ekodja ngbai, kasi inga liso la owe libitana, wenge wa owe ekodja la la likolo. ³⁵ Djaa la oyabanei late hoho linge lidjei wowe etiume likolo. ³⁶ Inga wenge wowe kpaa edjei ngbai, esuki teeti etidjaa la molili, ekodjaa masio kpaa la hoho, nda engele enge ekweneseke lotambe mbai. ³⁷ Ango edjakali Yesu oasi, mofalizeyo mwesi amowelia ake olaki atie inde. Yesu alingelia ayabatia la mesa. ³⁸ Mofazeyo aenia la oyahueli la ndenge enge eyakpoliti inde mawo liwoso la olaki wilaka. ³⁹ kasi Likumu amwaselia: ino, Wafalizeo, okoyagbolokoni saa ekopo la e sani, kasi ndondo etumi la sambo mbe la omemelake. ⁴⁰ Wato wadjangi sambo ndamu! Ongo okeli saa atikele pe ndondo? ⁴¹ Kawa yo enge edjei owe la eho ndondo, kpaa ekowumela langaa. ⁴² Kasi magba la ino, Wafalizeyo! aloyi ate okohaka mwesi la liomu e makabo ma mite milamu, la itutaki kpaa, mpe la djeti songosongo kpaa, kasi okwetakani lihele e omeemene la libalano e Mwengei. Okokakini okeli dji sambo, pe otiwosaneni djinge sambo djeti. ⁴³ Magba la ino, wafalizeyo! la loyi ate obalini oyabati wiholo wa poo la sinagoga, la ototi mibale la witutaki. ⁴⁴ Magba la ino watiesakoli wa mibeko la Wafalizeyo: la loyi ate odjeini nda mbila djinge etieneneke, enge wato wakosombaka likolo laho pe watiyewaka eho. ⁴⁵ Mwesi ewatiesakoli wa mobeko atotia luundo, amwaaaseli ate: mwalimo, nda easi owe ndjongo, idjei iso pe okototangakolaka. ⁴⁶ Yesu awongosia: magba la ino mpe, watiesakoli wa mibeko! a loyi ate okokpalisakani wato mikpali ma minga migbalake, enge etibandaka ino amene te la mosei moikima. ⁴⁷ Magba la ino! la loyi ate okomakani mbila ewa sakoli, wango ewaolali wasangbanu. ⁴⁸ Oinyeini sambo e watata wanu alidji okondjimesakani djaho, laate iwo, waolate wasakoli, ino okomaakani mbila djawu. ⁴⁹ La loyi eeho akili o Mwengei easi ndjo: ikowatomela wasakoli la waposolu, wakoola weti, wakwahelesa wadji, ⁵⁰ La gboo waonge wato wa ma masio motio ma midjimi e wasakoli kpaa enge eswamate tee la lipoteli e moki. ⁵¹ Opoti la midjimi M'abele tee la midjimi ma Zakalya, waolami la milako mpe la minguta ma Mwengei, ndjongo, iyowaaselini, ekohuelama motio la wato wa ma masio. ⁵² Magba la ino, watiesakoli wa mibeko! la loyi ate olongwesini pungola e oyewi, ase otilingeleni ino amene, alidji wango walukali olingeli, owatekesiani. ⁵³ Ango edjali Yesu owaaseli ndjongo, watiesakoli wa mibeko la Wafalizeyo wapotali omwamaleli la omokpomesi sambo ngbi. ⁵⁴ Wadjali omwaleleli masala la omoheli la maloba makupumbaka la monoko monde laate wamokambe.