¹ Mbuse eho Yesu akeeli gbata la gbata, ase mokii moosaa la mokii moosaa. atie sakolia alidji awa sumbelia mboli ndambu ookumu e Mwengei wakomotutiaka. ² La ndambo e wali wango kalali la milimo mibe la wikoni; maliya edjali iwo omoweli magadala ongo omopumbesali witita sambo. ³ La Yoani, moli o kuza kapita o Elode la Suzana la weti wali wango wadjali ohekeli wihoo djau a tina owasalesi iwo. ⁴ Sikalandjo ango ebiba e wato wayaboleali ebete kikima la wato wadjaali odi a mokii la mokii wakodja atie inde. awahaselali iwo la lisepke liesi: ⁵ Mohoni mwesi apumbali oki ohoni mboto ende pe ango edjaali inde ohoni pukapuka eheti ekwali pembeni e mboka wakpotokolali eho, pe mbulu e likolo walakali eho. ⁶ Ndambo eeti ekwali likolo la libukeli pe mbuse opumbi ekaukali laate etidjaali la malia te. ⁷ Ndambo eeti ekwali ndondo e keke, ase keke enge ebekali la eho ebete kikima ewolali eho ani. ⁸ Ndamboeeti ekwali a mbume enge elamu, ase mbuse ebekali e wotali, puka puka mbo kama la mokama. Ango esiselali ide owasi, aasia alidji la mooli mo pamake: ongo odjei la matoyi maake. ⁹ Ase watutiani wande wabamdali omoweli ndimbola la enge lisekpe. ¹⁰ Inde ahasali ate: ino okoki la oyewi wihisaneli mosantu e likumu Mwengei, ase ikohasaka la weti ndi la wingbundu laate te wakodendaka, watiyeneke, te ndenge ekoyoka iwo watihele tinate. ¹¹ Sikalandjo ndimbola e ndakisa enge eholele: mboto edjei liloba e Mwengei. ¹² Enge ekowali pembeni e mboka edjei wato wango wayoki, la mbuse etota edia alongosia liloba a mitema mawu laate watindime pe watikale. ¹³ Enge ekwali likolo e libukeli edjei wato wango inga wayokia liloba, wayambia eho la ohemeli, ase wati la mindili te; wandimia tango keke, ase atango amekamia iwo wadeiya ondimi. ¹⁴ Enge ekwali likolo la keke ehonde wato wango wayoki, ase nda sambo e mabundo, la ohemeli sambo dja moki, puka puka djahu eti komelali. ¹⁵ Enge ekwali likolo la mbume e olamu edjei wato wango mbuse e oyoki liloba la motema molamu, wat tike onde wawu, wa wotia mbuma. ¹⁶ Moto te mwesi mbuse ololesi mwinda, monde adhihe obati sese epee, ase okobataka eho ndi la katini alidji watibaka sese eepe,wakobandaka likolo la mesa alikambo inga motoalingela a molako ayene. ¹⁷ Laate djinge sambo eyisami ekoyewana alidji sambo djinge etiye wane ekopumba a hoho. ¹⁸ Eho enge kebani la ndenge okoyokakami, laate moto ongo odjei, la iwo ngbi, wokomohekele ngbii, ase moto ongo ati la ema te, mopuesa te enge keke enge ebateli inde motema. ¹⁹ Sikalandjo nango la wa ma nango wadjali atie inde ase ogbotoni, la inde latina ewato wadjali ngbi. ²⁰ Ndjongo wamohaselali inde ate: ngwa la wa mangwa wahamali ongo saa, wabali ate wa ohene. ²¹ Inde awawongweselia ate: ima ombai a wa manima wa mbai edjei wango wakoyokaka liloba e Mwengei pe wakobalaka eho. ²² A lisio liesi, Yesu iwo la watutiani wande walingelali a masuwa, ase ahasali la iwo ate: tokpande a ngambo eti e malia ndjongo wakeeli. ²³ Tango edjali iwo oki, Yesu adjali olangali ilo. Ehoho ekelali ngbii, pe malia ebandali olingeli a masuwa pe wadjali pene e olindji. ²⁴ Mbuse wayekoli, wakeli ebete elangalaki inde pe wamosusolia wahasia; motiesi, topoti ogwi! ango esusoiya inde apamelia ehoho malia ebandali owadjimbi, ali ase logo elingelia. ²⁵ Ndjongo awahaselia ate: eni ondimi wonu? ase wawangali ngbii, wakamwali mingi, wahasia: oholo adjei mpedja ndai? laate adjei ohekeli te la ehoho pe malia wingbundu e eho ekomoyokaka? ²⁶ Waadjimbali la moki mo Wagesenia, mungo modendani la Galilaya. ²⁷ Ase ango Yesu aandjimbia la mbume, motopele mwèsi o mungo moki, adjali la milimo ebele. eumoya masio atokpalaka esindjè te atidjaali owabati la molako ndji la kabuli. ²⁸ Amoenya Yesu, apamia akuya la makolo mande,aasia la moli mosungu:iso la owe todjéi loi,Yesu mana o Mwengéi olikolo? yaleli la owe, otiudjeenese mbai wodidi. ²⁹ Ase Yesu asia la enge esisi eume atie moto oho. Alikambo ewumuyi gaala ekomokweseke masio kpàa wani obaniakali,la omonangi seni la wibende la makolo, kasi adjakali otenakoli wiho kpàa wimonangakali iwo.ase adjali otomalali la djinge witota owabati la manganga. ³⁰ Yesu amohuelia:nkombo owe ndai? amowongoselali: ngbii laate wadjali ngbi la wenge wande. ³¹ Ase wamongokoli Yesu atiwalumbe la liwele lilindake. ³² Edjakali ango, la mokoli, lihoke lisungu la walu. Ase wisisi Yesu ate walingele la liwoke laho, awandimelia. ³³ Wisisi wipumbia atie motooho, wilingelia la liwoke la ngulu, owa longwali emokli, eyasuali la ligbutu iwogbali waguali ³⁴ Ango eyenia wato wango wadjali obanei djege ngolu, watilia obangu akasumboli la gbata la miki mikeke. ³⁵ Wato wakia okeni nda ekelani sambo djaho, wakia ahue djéi Yesu ase wamogbotia ongo moto omoumali milimo aabati la makolo mande akpali esindjè eklamu,lomungo wonde woumia wolamu ndjongo ewawangesia makasi. ³⁶ Wango waeneli nda oleki sambo djaho wawaselia wato nda ekali moto o milimo mbe. ³⁷ Wato kpàa wa moki Gerasa wasia la Yesu ate alongwe ahue la iwo, alikambo ewawangesali makasi Yesu atilia la wato awongoya. ³⁸ Ongo moto omoumali milimo mbe amwongia wabate iwo la inde kasi Yesu aumbia la inde aasia ate: ³⁹ Wongwa la ndako ase akowasela ndjinge kpàa eyokeleli Mwengéi.Akia adjawaselia la gbata ndjinge sambo kpàa imokeleli Yesu. ⁴⁰ Ango ewongoya Yesu, wato ngbii wamoemelia, alikambo iwo kpàa wandjakali omolambeli. ⁴¹ Ase denda amoemia moto mwèsi nkombo ende yalusi ongo odjéi likumu la Sinagoga. Akuya la makolo mande,ase aasia lainde ate alingele la ndako eende. ⁴² Alikambo ate andjali la mana omoli ombula liomi la iwale anguali, ango okia Yesu wato wabandali omopotipoti. ⁴³ Ndiango,moli mwèsi andjali la ekoni ewoumi makila mbuse ewilanga liomu la wiale,ongo osilali wambele wande kpàa aatie e minganga, tee ango moto tweti te amokaleli. ⁴⁴ Aandongbia mbuse eende ase ahelia esindjè e Yesu ndila engele eho makila madeya omoumi. ⁴⁵ Ase Ysu aasia ate: moto mwèsi aheli mbai? wato kpàa wawungania,Petelo la wato wango wandjakali ango waasia ate:likumu,ebele ewato watumi a la gboo ase walengi la owe, ase woasia ate:Ndai oheli mbai? ⁴⁶ Kasi Yesu awongosia ate:Moto mwèsi aheli mbai alikambo yewi ate wokulu wondjumi mbai. ⁴⁷ Ongo moli, aeniate loi wungo wouminga saa, akia andja kpamakpame akuya la makolo mande,aasia liwoso la wato kpàa nda emoheli inde nda ndenge ekali inde la mbala kikima. ⁴⁸ Yesu amwaselia: Mana o mbai omoli wondi wo owe wokalesi, keke logoo. ⁴⁹ Ango edjakali inde owasi moto mwesi alongoyi la molako mo likumu mo sinagogi asia ate: Mano owe omoli agwi, atimwaselake likumu. ⁵⁰ Kasi Yesu, aokya ndjoongo amwaselia likumu la Sinagoga: otiwangete ndimela mana akokala. ⁵¹ Ango eumia inde la moguta atekesia ate moto twèti atilingele la inde mongindi, elingele ndi petelo,la Yoani ase la yakobi, ase la sango la nango ongo mana. ⁵² Wato kpàa walelia waokia magba masungu: ase Yesu aasia ate:deeni oleli,agwiti,kasi alali wilo. ⁵³ Ase wamosekia,waasia ndi ate agui. ⁵⁴ Kasi amohelia la mawo; aasia la moli mopambake: Mana, amala. ⁵⁵ Ase elimo ende emowongoya,ndiango aamalia; ase Yesu awaseli ate wamohewilaka alake. ⁵⁶ Wawoti wa ongo mana omoli waahuelia, awaselia ate watimwaselake moto te weti sambo ndjinge.