¹ Ango esesali Yesu wasi djinge sambo kpaa atie wato, ase akia la kapalanaume. ² Ongo ndjongo likumu mwesi owa sodo adjaali la mituke monde ongo omobalakali inde ngbii, moto oho adjali la ekoni ahue e logo. ³ Ango okali inde mboli e Yesu, awatomali la weeti wiloko wato ewa Yuda wake o mokongi adje omokulesi motuke monde. ⁴ Waumia atie Yesu, wamowongia ate: oho a wongi la omokeleli enge. ⁵ Inde abali moki mosu, inde moto otomaeli ehele Sinagoga. ⁶ ndjongo Yesu akia la iwo mongindji. Ango ewuma inde pene imolako monde, likumu ewa soda atomali wato la omowasele Yesu ate likumu otiatungese. Mbai edjei ndai laate olingela la molako mo mbai? ⁷ Nde la ndjongo etiya ene olamu adjii mbai amene odjii ati owe. Kasi asa saa loyi loyikima motuke mo mbai akokala. ⁸ Alikambo ate mbai idjei sese e makumu ma mbai, idjei la masadje sese e mbai. Inga iyasa la mwesi, keke ase akoke, enga lya sa alidji djaka! akadja, inga yasa la moto ombai iwotomi: kela ndjo! ase akokela ndindjongo. ⁹ Ango okali Yesu, djihinge sambo, am ondimolioholo moto yakukolia, awaselia wato selini tee ala la Isalayeli etimowene moto otimake iyowa wango wamotuti. ¹⁰ wato wango wawatomali likumu ewa soda kapiteni,wawongoya la monguta, wa mogbotia moto owotomu, ndi akaliga wolamu. ¹¹ Mbuse eho Yesu akia la gbata e waine watutiani wande la wato ngbii wakia la inde mongindi. ¹² Ango ewana inde la moduhe mo gbata, wato wakpali molonda okii la moho la kabali, e mana opele mwesi omoli ongo ogweli molome, wato wa djaali la moli oho mongi ndje. ¹³ Ango e mwenali likumu moli oho, amoyokelali magba la motema amawaseliaate: otilele. ¹⁴ mbuse eho Yesu akia ahue a bandia sanduki wato wango wagbalali molonda wamalia: Yesu asia: mana opele yasi la owe! amala likolo! ¹⁵ Moto mogwake alongoya, aabatia ase apotia okpomi. Yesu amohekelia la nango. ¹⁶ wato kpaa wawangia, wamo emelia mwengei, waasia: mwaseli mosungu aumiga atie su! wasia koto Mwengei aumiga owakalesi wato wande. ¹⁷ ndondo e Yudea kpaa wibeta wa keleele kpaa wato waokia mboli a lungo loi ekeli Yesu. ¹⁸ Watutiani wa Yoani mopatesi wa mwaselia sambo djinge. Yoani awelalia wato wale ndondo ewu. ¹⁹ Ase awatomia atie likumu la omohueli ate: odjei moto ongo wewi iso ate ageleli, inga tomolambele odi? ²⁰ ango eumia iwo atie yesu, wa moaselia; Yoani mopatesi, atotomi iso ate tohuele: odjei motoongo wewi iso ate ageleli inga tomolambele odi? ²¹ la engele eho Yesu awakalesia wato ngbii wa wikoni, la wato wango waliti wenge wibe la awaduholia wato ngbii maiso. ²² mbuse eho awawongoselia watutiani wa Yoani, mopatesi: kekeni omwaseleni yoani mopatesi loi wungo woeni ino wungo woki ino: wato wagbi maiso wakoeneke, wato wabukakani makolo wakosombaka, wato wa ekoni e mbala wakooka, wato wadikami matoi wakokalaka wato waguaki wakosusuaka, wato wango wadjangi wa kokaka mboli ndamu. ²³ mwemu la moto ongo obanei wondimi wonde! ²⁴ ango okio watutiani wa Yoani, Yesu apotia wasi loi wo Yoani, atie wato ngbii asia, dengakininanda ema ongo la lisobe? mboli djinge ikoni nganesaka ehoho? ²⁵ Ndjongo okadengakini nde? moto ongo okpali wisindje wilamu? ase wato wango wakpali wisindje wa motio moatasungu, la wato wa wadjenge ngbii wadjei la minguta ma makumu. ²⁶ Ndjongo okadendakini nde? mwaselia? memena yoiwaselini, la wato kpa moto tueti atimoete Yoani . ²⁷ Alika mbo ate Yoani adjei moto ongo eyasi e kpa ta e Mwengei la gbondo ende: mwengei aasia: denda imotomi motomani mo mbai liwoso la owe, alikambo la odukoli mboka alikambo la owe. ²⁸ Yesu asia alidi: yasi la ino: ndondo e wato wango wawotami la moli tweti odjei mo sunguomoleki Yoani, ase moto ongo ongo odei mokeke oleki la moki e Mwengei adjei mosungu omoleki inde. ²⁹ wato kpaa la wandombe wa oputesimamelo; wadjali omooki Yesu, waewali ate Mwengei adjali memene; ase wapatali watisimo e Yoani. ³⁰ Ase wafalisayo la wa mwalimo wapui watonia mwano mo Mwengei alekambo lawu, ase watonia lipatesi la Yoani. ³¹ Yesu asia koto: ikowa kokanesa wato wa ehele engele lande? ³² Wadjei nda wana wango wabati la ebete e liho; wakowaselaka iwo ameme ate: tobinge lalini ino malinga ase otiwinalini te! toolembali elembo dja magba ase oti lelalini te! ³³ Alikambo Yoani mopatesi adjali inde atilakali wokoke te, la atikengali ase woasa lini: adjali la molimo mobe. ³⁴ Mbai man a o moto edjia ikolakaka la ikokengaka, ase woasiani: modendani oholo moto akomungwaka ndi olaki la okengi wino, inde aewani la wato wali. ³⁵ Ase wato wa wondimi wakoeneke la wohola ate lokenge wo Mwengei wodjei memene. ³⁶ Mofalisayo mwesiamowelia Yesu la olaki la monguta monde yesu aumia atie nde, ase aabatia la mesa. ³⁷ Moli mobe mwesi adjali la moki moho, angae okali inde ate Yesu akolakaka la mongutha mo Mofalisayo akadjia la molangi mokelami alibanga la malasi. ³⁸ Aamali mbuse, la makolo na Yesu. Adjaali oleli, adjaali oluleyi makolo ma yeni la poo, la ohuholi la sue djande, ambo mbia moho alidji omonolali malasi. ³⁹ Ango woenia ohongo mafalizayo omowelali Yesu luhungo loi asia la motema monde inde oholo motoadjaaki memene mwaseli nda amwewi ohongomoli okomobandaka ate adjei moli mobe. ⁴⁰ Yesu apotia wasi la Mofalisayo simo, edjei la ma loi wokele la owaseli, Simo asia mwalimo; asa. ⁴¹ Yesu asia: wato wale wadjali la nongo e moto ongo okahaka nongo mwesi adjalila nongo e wadjenge tuku itano. ⁴² Nda ndenge idjangali iwo falanga efutake. Ongo moto awalimbisia iwo wale ndai okomobala ohongao moto oleki? ⁴³ Simona awongosia: imungoli ongo odjei la nongo sungu oleki. Yesu amwaselia owongosiga wolamu. ⁴⁴ Mbuse eho Yesu akukolia atie moli ase asia la Simo omweni oholomoli? mbai ilingeli la monguta mo owe, ase otihekele mbai malia ma wakpoli la makolo ma mbai te, ase oholo moli akpoliga mbai mokolo la malia ma maiso mande, ase akuholiga la sue ndjande. ⁴⁵ Otihekele mbai mobale la wasasi tee ndinda elengeli mbai la monguta inde adeiti opotopoti, makolo lo mbai la ombombi. ⁴⁶ Otisuele mbai maita lamoto ase inde asuiga malasi la makolo ma mbai. ⁴⁷ La ngo iwaseli libalano lisungu lienesi inde, enesi ate masumu mande ngbii malimbisami kasi ongo wakomolimbisa maakeke abali keke. ⁴⁸ Asembuse Yesu asia la moli oho: masumu ma owe malimbisamia. ⁴⁹ Wato wandjaki olaki la Ysesu mongindinwasia la mitema mawu: oholo moto adjei ndai? ongo wongi olimbesi masumu? ⁵⁰ Ase Yesu amwaselia moli: wondisi wowe wookalesi owe.