¹ Easemia,wusé wo sabato ewelami mbuse la poo ase Yesu akpandesania la wilanga wa bule. Watutiani wandé wadjakali olongosi poso asé walaka,mbuse eodjipakisi la mowo. ² Wafalisai wadi waasia la indé nda likambo likokelaka ino sambo ndjingé ikokiti okelani wuse wo sabato. ³ Yesu awawongoselia: otitangalini nda ekelali Davidi, ango emwanali ndjala, indé la wato wango wandjakali indé la iwo; ⁴ Woni nda elengelali inde la monguta mo Mwengei, aotia wokoke wungo woindjake, alakia, awahekelia wango wadjakali iwo la inde, wungo wotekesami ate moto atilake,ndji wanganga wa Mwengéi wakoki olaki? ⁵ Ase awaselia: mana omoto andjéi menemene e sabato. ⁶ Eumia, wodi wuse wo sabato, ase Yesu alingelia la sinagonga, ase abandia otiesakoli amogbotia moto mwesi ewo ende ekakati. ⁷ Wadingeli la wafalisai, ate wa momeke Yesu inga akomokalesa moto wuse wo sabato: edjali ngonga ate waluke ndenge eomokawi. ⁸ Kasi aewali mamungwene mawu, ase aasia la moto ongo djali la ewo ekakati: amala ase, ase abata ango la wodja. alongoya, ase amalia likolo. ⁹ Ase Yesu awaselia ate: iyohuelini inga edjéi wolamu omokalesi moto wolamu te, okeli olamu to okeli obe lisio la sabata. ¹⁰ Ase,awadedia iwo kpàa, aasia la moto ongo: nanola ewo owe. akelia ndjongo, ase ewo ende ekalia. ¹¹ Wamemelia makasi, wabandia waasani iwo la iwo nda ema ekomokela iwo Yesu. ¹² La enge engele,Yesu akia la mokoli okaakongi,ase akelia ongo likolo mobimba woakongi la Mwengei. ¹³ Ango otaniani wuse, awawelia watutiani wande, ase awonia liomu la wale, wango wawahali inde nkombo. ¹⁴ Simoni wamoweli petelo, Andele,manango; Yakobo; Yowane;Pilipo; Batelemi. ¹⁵ qwer ¹⁶ Yuda mana o Yakobo, la Yuda mokeliota ongo motambali. ¹⁷ Adjimbia la iwo mongindi ase aamalia la ebetesi edjei wolamu, ango odjakali ebele ewato la watutiani wa nde la ebele ewato wango wakalongwali la Yudea, la Yerusaleme, la moki e Sidona.wadjali la likambo la omooki la ate wakale la wikoni wau. ¹⁸ Wango wadjakali okwesi la wisisi wibe wakalali. ¹⁹ Ase wato ngbii walukia ate wamopote wenge, alikambo ate wokulu wungo madjakali aatie ende madjakali owakalesi iwo kpaa. ²⁰ Ango ndjoongo Yesu,alongosia maiso awadendia watutiani,aasia ate: Mwemu la ino wango wa ndjangi nde wokumu wo Mwengéi wodjei la ino. ²¹ Mwemu la ino wango wandjei la ndjala ango ino okogbetani mwemu la wango wakolelaka sika ahala ango ino okwemele. ²² Mwemu la ino ango okotonakaniwato, ango okoumbaka iwo la ino la otangakoli ino,la obitesi nkombo ndamu, la Mana omoto nda odjéini wato wabe. ²³ Emeleni la wungo wuse, ase humbwahumbwani la woemeli, denda lisute lanu lisungu lindjéi ongo likolo; nde ndjoongo ewakelakali iwo wasangbau wawakela waaseli. ²⁴ Kasi magba la ino,wato wagumake,alikambo ate okondjini walamu wonu kpàa. ²⁵ Ase magba la ino wango wagbeti ase mbuse okookani ndjala. ²⁶ Magba, ango okowaselakani wato kpàa wolamu, alikambo ate endjéi sambo ehenge nde watata wau wandjakali woasi la waaseli wa moleho. ²⁷ Ase ikoaselakani ino wango wokoyokakani: balani wanguna wonu, wakelani olamu; la wango wako otonakani. ²⁸ Pambolani wango wako lakelakani obe oyakongila wango wakotangakani ino. ²⁹ Inga moto aobinga la likeke mwesi moekeli eti ase motongo a opwesi mokoto elikolo otitone mohekele te esindje enge sese. ³⁰ Mohekele moto kpaa ongo ohongi iwe ase inga moto a opwesi iwo wowe oti wonge ate ahongwesele. ³¹ Aleeti ndji nda nbdenge ino okobalakani wato waheokeleni ino kelelani iwo ndji ndjongo. ³² Ase inga okobalakani wango wakobalakani ino ewo edjnei la nda litomba atie ino? laate te wapangano wakobalaka wango wakobalaka pe iwo. ³³ Ase inga wokokelakani olamula wango wakokelakani ino olamu oho e djei a nda litimba atie enu? te wapanganu pe wakokelaka ndji ndjongo. ³⁴ Aleeti inga oko,bekisakani wango weewini ate wakowongwesele ino, eho edjei nda litomba atie enu? te wapangano p,e wakobekisaka odjangi oluki matabisi atie wapangano weti laate la mbuse watote enge wahekeleli. ³⁵ Ase balani wanguna wanu wakelani olamu wabekisani odjengi oluki matabisi likiani odjui ma ema la mbuse; ase mbano wonu ekodja osungu wakodja wana la ongo weti likolo laate inde akokelelaka wato wango wati la ondimi pe wato wabe sambo dja oemeli. ³⁶ Djaakani wato dja motema magba ndi nda sangbanu adjei moto o motema magba. ³⁷ Aleeti deeni osambesi laate watiosambesani te keke deeni olumbesi wato la sambo laate watiolumbesani la sambo te keke. dukolelani wato ase wako dukolelani ino. ³⁸ Hekelekeni, ase wato wakohekeleni ino wakoswa la mabenga wonu wiwo ngbi enge epkotokoli, wadjadjesia etumia laate wakomekeleni ino la epimo enge wokomekeleni iwo. ³⁹ Ndjongo ahekeleli iwo aleeti lisekpe mwesi: moto ngo ogwi maiso akokiti o inyei moto ngo ogwi maiso mboka. te ndjongo? iwo kpaa waale wakokwa la liwela. ⁴⁰ Mano o kelasi a etiti motiesiakoli onde, ase moto kpaa ongo o inyami olamu olamu akodja nda motiesiakoli wonde. ⁴¹ Nda ndenge okoeneke okasi a maiso e mino owe, ase otieneke osoto enge edjei ndondo e maiso lowe? ⁴² Nda ndenge okoki ohaseli miino owe; dhee mbai ilongose osoto enge edjei ndondo e maiso lowe otieneke osoto enge edjei atie owe? moleho, longosewo osoto la maiso mo owe, ase okohene olamu ndenge ohumesi osoto enge edjei la maiso e miino owe. ⁴³ Motee molamu etikpalaka pukapuka obe ndinda motee mobe eti kpalaka pukapuka elamu. ⁴⁴ Laate mote la motee ekoyewanaka la pukapuka djande wahibukaka a motee lawa keke te. ⁴⁵ Moto molamu akopumbesaka sambo dja olamu la olamu enge ehisi inde a motema monde ase moto mobe akopumbesaka sambo mbee la obe enge eyisi inde; laate monoko nonde ekohasaka ndji sambo enge etumi a motema. ⁴⁶ Djongo atina ende okowelakani mbai nkolo! nkolo! ase otikelakani sambo enge mbai ikohasaka. ⁴⁷ Moto kpaa ongo akodjaka atie mbai pe akoyokaka loi lo mbai ase akokelelaka eho ayengemeni la ndai? ⁴⁸ Ayengemeni la moto ongo omaali monguta enge atongali liwela molindake pe ase abatali mikolo la mabukeli ndjongo ango pela edjali ewale embingambingali monguta eho, ase etikwali esungu te laate emaanali olamu. ⁴⁹ Aleeti motongo akoyokaka pe aikelelaka, aengemeni la moto ongo omaali monguta likolo la ngene ase atibatali olamu, ango edjeeli pela ebingabingali ewo ase la mbala kikima ekwali.