¹ Tango Yesu aumali kelekele e ligbutu e Nazalete, mpe wato ngbii wayandogbali ongo edjaali inde la ooki luundo o Mwengei, ² Aenia keekele emalya maamasula keekeke iwaale, ndjongo wato wanduki wayadjimbia la okpoli witanga. ³ Atelya la wato eesin enge edjaaki Simoni, amoongia ate andongbe waato lihele e mbume, sikandjo ayabata, mpe ango la wato abandia owateyiwato. ⁴ Ango etimei inde la waasi, aasia la Simoni: yandongba ongo ebeki malia, mpe lumba itana eowe la malia. ⁵ Simoni amowongweselia: moteisakoli , iso tokeli otomo likolo kpaa tooliti ema; kasi, la luundo wowe, ikolumba etanga. ⁶ Alumbia etanga, atotia suu sungu, mpe etanga eatiaa. ⁷ Wawelali wiino wahu wango wadjaaki la eeti waato la odii oasungi wadia mpe watumesia djinge waato waale, elukali olindi. ⁸ Ango eenia iwo ndjo, Simoni Petelo, akpia la mauli ma Yesu, mpe aasiandjo: otiyatole la mbai, la loyi atembai idjei moto omasumu. ⁹ Iwo la wato wango wa djali la inde la wato waumali la owangi la likambo la djinge suu eolali iwo. ¹⁰ Wadjaki iwo amene Zaki mpe la Yoani mana o Zebedeyo, watingali mongindi la Simoni, ndjongo Yesu aasia la Simoni: otiwange te, obandi keke okodja molobi ma wato. ¹¹ Mpe wandingbia waato kondolo, wa dheyia kpaa, mpe wa motuteya. ¹² Yesu adjali la moki mosungu eesindjoo, mpe denga, moto mwesi mokwe la ekoni embala, a moenia, amomaelia mauli, mpe amwaselia aya kongia lainde: likumu lambai, inga obala, kalesambai. ¹³ Mana o Mwengei amobatelia mawo, amohelia, aasia: kala, ndji la enge tango ekoni embala emosiha. ¹⁴ Alaho amotekesia ate atiasele moto tweti. kasi, keke oya inyei la watuke Mwengei, mpe waha likolo la tina e mokalo mowe oengemeni la mandingo ma Moyize, late enge ema ewandimese. ¹⁵ Otwa onde obangiali la moki, mpe wato ngbii wadjawali odji la omooki mpe late wakale la wikoni djau. ¹⁶ Aseko inde, aya lomolali akia la manganga, mpe aya kongali. ¹⁷ Lisio liesi Yesu akoteyaka , wafalizeyo mpe la watiasakoli wa mibeko wadjali ango wayabati, wadii ongo la wato waGalileya, la wa Yuda mpe la wato wa Yelusaleme; mpe okolu e likumu edjei waneni la okalesi. ¹⁸ Mpe denga, wato, wamodjeleli moto ogui makolo alangali la litoko, wakolukakali omolingesi la omobati liwoso e inde. ¹⁹ Nda ndenge edjangali holo emolingesake la loyi e kaka e wato, watelali likolo e molako wa soyia wa modjimbesia la litoko lande liwoso la Yesu. ²⁰ Yesu aenia andimi owu, Yesu aasi: manima, masumu mowe malimbisami. ²¹ Wa tiasakali mibeko la wafalisayo wabandali omungoli mpe la waasi: oholo ndjo adjei, ndai ongo okoki olimbisi masumu, eti ndi Mwengei inde amene? ²² Yesu, ayewaali sambo dinge emungolaki iwo kpaa, atotia liloba mpe awahuelia: nda sambo emungolaki ino a loho eino? ²³ Ndaeema ongo edjei pete, okoki waasi: masumu ma oye malimbisane, te waasi ate yamala, mpe somba? ²⁴ Laate ayeweni ate mana o moto adjei ala ambume la okulu olimbisake masumu: mbai yoluhuelini mboka, ase la moto obukanaki makolo, oyotomi aasia la moto ogui ma kolo, omalakola litoko lowe keke la makolo mowe. ²⁵ Ongo moto oyamalali, ndjinge wako mweneki watotya litoko lilangalaki inde, mpe akia la molako monde, amogumei Mwengei. ²⁶ Iwo kpaa wadjaali la oyahueli, mpe wa mogumeya Mwengei, watumisamiali mwemu, wabandi waasi lainde: iso tweni keke sambo dinge yeenekiate iso. ²⁷ Mbuse eeho, Yesu apumbia, mpe aenia mo putisi pako la kombo e Lewisi, moto aabotali la molako mo putesaka la inde ate: tutia mbai. ²⁸ Mpe, adheyia kpaa, ayamalya, mpe amotuteiya. ²⁹ Lewi amohekelali wilaka wisungu ongo la molako monde, mpe waputesi pako ngbii weeti wato walakali ebete eikima la inde. ³⁰ Wafalisayo mpe la wadingi wabandia ondungwani, mpe waasia la wa tutiani ate: nda ndenge ekolakaka ino mpe la okengi la waputesi pako mpe la wato wango wakokalaaka obee? ³¹ Yesu, atotya loyi, aasia laiwo: etii wango wakokalaaka olamu nde wadjei la posa e okali, kaasi wakoni. ³² Mbai iditii owaweli wato wolamu kasi oweli wato wabe ate wa kukoli ekelelisia lande wayekoli wa Yoani la wango wa Felisayo wakokilaka wilaka, wa Yakobo mbala la mbala, kasi wango waowe wakolakaka wa koke ngaka. ³³ Asi la iwo: wayekoli wa zaa, nda wango wa falizeyo, kilani wilaka la enwenwe mpe la oyatoti, tee eko enga mwengele lakake mpe la okengi. ³⁴ Yesu awawongoselia: inga owe la wato la fete e liwala okokini owa okokini owalangalesi ndola ndji molome oliwala adjei ongo? ³⁵ Kasi masio wakolongola molome ndondo ewu wakokila wilaka mango masio. ³⁶ Yesu aawahali lisekpe liesi moto tweti atitotaka esuki e esindje eholi laate abambe esindje egala inga okela ndjongo abetesi esindje eholi alidji esuki eesindje epoli eengemeniti la esuki e esindje egala. ³⁷ Mpe moto tweti atabonge mana moholi ndjongo la mokeba mo gala, tee inga mana maholi ma kwaate mokebe, ekosuakana, mpe mokeba mokobitanei; ³⁸ Kaasi ewongi obongi mana la mokeba moholi. ³⁹ Alidji moto tweti atibalaka okenge lihoso, maana magala mbuse maana eholi, inga ndjongo okoasa ate: Magala maeti maana poli,