¹ Yesu atumesamia la molimo satu olongoya la Jordani pe molimo mo motomia ongo odjaka manganga. ² Ongo omekehekeni la esisi masio tuku inei wuse la likolo odjangi olaki kati emango masio ndjongo, mbuse emango masio ndjongo aokia djala. ³ Esisi a mwaselia ndjo: Inga odjéi mana o mwengéi, asa la ma mabukeli makukwane makoke. ⁴ Yesu amowongoselia ate: madingo masiate: moto atikalaka sa la ilaka ilakake. ⁵ Esisi emotombolia likolo la mokoli, amoineisia okondji o mbume. ⁶ MPe asia lainde ikohekele u otetelake, la okumu ehele moki okodji, late waheli mbai, ikoki ohi la moto ongo omobali mbai. ⁷ Pe inga oya konga la mbai, mbai ikohekele uwo. ⁸ Yesu amohongoselia: longua longuango Etota! madhingani moasi ate: okoki omongumbameli la omokeleli ndji likumu mwengei oowe, ⁹ Esisi, emototia ekia lainde ongo la Yelusalem, amoyamalesia likolo la tempelo mpe asia aleti: inga odjéi mana mwenge alumba yo ongo sésé late edingami djongo. ¹⁰ Akohekele mitindo edje wadjelu la tina owe late wobatele. ¹¹ Pe wakokpala la mawo mau late makolo maowe ma titime hesele. ¹² Yesu amowongoselia: easani ate itikoke omomeki likumu Mwengéi. ¹³ Mbuse omomeki la sambo ebele esisi emotilia, Yesu atikalia inde ¹⁴ Yesu atumesamia la otetelake molimo awongoya a Galilea, mpe mboli ende eyandjia la miki mango ma kelekele. ¹⁵ Ateyakali la Sinagoga, pe okumu wonde osombia ibete kpaa. ¹⁶ Awongoia la Nazareth amoki mungo mobekalinde, okokani la okoko owu alingelia la Sinagoga use oyenga ayamalia late atange buku . ¹⁷ Pe wamohekelia buku e mosakoli Isaya: ohengesia kasi dja buku akadjua ebete esi ekomate. ¹⁸ Molimo mo Mwengei modjéi likolo la mbai, late amunoli mbai la maita late iteye sango ndamu etie watundake atomi koto mbai ate ikalese wato wango wadjéi la mitema mikodjoi. ¹⁹ Late tuke ikangolame, wango wakpi waiso waene ate, wango wako nyokwamaka wakale, alidji la otiesakoli mbula eholi e likumu. ²⁰ Mbuse eho adikia madingo amongoselia mosali, mpe ayabatia. Wato wango kpàa wadjakalia la losambo wa kukolia maiso atie nde. ²¹ Pe abadia owaseli: keke eheli djinge sambo ilongoiya mbaio otangi makokesamioa kekehele. ²² Wato kpàa wadimia misala mande, pe wakamoya la maloba mango makumaka la monoko monde: wadjali owasi ate Teolo nde mana o Yozefu? ²³ Yesu awaaselia okowaselani mbai ehele lisekpe: monganga akalesa owe amene, alidi okowasani la mbai, kela ala la moki moowe djinge samboeyoki iso okeli la Kapelenauma. ²⁴ pe abakesia asiate: iwaselini meemene mosakoli te mokikima wakokio mondimaka la moki monde. ²⁵ Ikowaselakani meemene: edjakali latango e mosakoli Elia wali wa gbelete pele ngbii la Isalaahele tango edikamali likolo ilanga isato la sandja motoba, edjakate la odjangi wilaka la moki mobimba. ²⁶ Tango eho Eliya atitomanaate ebete tweti la wango wali molongose ndi moli ongo gbeleli molome ongo la Saleta la moki mo Sidon. ²⁷ Edjakate la wato ipuisi la Isalayelela enge hengele e osakoli Elisa, tweti la iwo ati peto la mite molongose ndi Namana oto o Siliya. ²⁸ Iwo kpàa wamemelia la sinagoga tango okia iho djinge sambo. ²⁹ Wayamalia, pe wa humbwa la inde la moki, pe wakia lainde te la songe mokoli e liwange ongo omaliwo monguta, pe wawongoia lainde obangu te ongo sésé e mokoli. ³⁰ Kasi Yesu aetia ndondo ehu pe akia. ³¹ Ayadjimbia la moki mo Capelenauma la liwange la Galile, pe abandia otei huse o Sabata. ³² Wakamwali la mateya mande odjali otei nda moto odjei la okumu. ³³ Edjakali la ndondo esinagoga moto mwesi odjakali la molimo mbe ambandali ohumbi pui makai. ³⁴ Nda loyi edjei atie iso la owe: Yesu o Nazalete owe odji ate otowungese, iyoyewi olamu odjei mosatu ongo Mwengei amotomi. ³⁵ Yesu amokelia minga, pe asia: dika monoko mowe pe pumba atielo moto esisi emolumbia ndondo e losambo pe mopumbia ndondo ende odjaki omokeli obe. ³⁶ Wato kpàa wawangia, wabadjia wasani osu sambo eyinyei woni? akohumbaka la isisi pe yo mowanganga! ³⁷ Mboli ende ebengea la moki mobimba. ³⁸ Opumbi wonde la Sinagoga akia la monguta mo simo. Okio osimo adjakali la fefele, wamwaselia likambo laho. ³⁹ Oyakukolia ngambo ende pe aumbia la fefele eho fefele emosilia mbala kikima, pe ayamalia pe abadiaomosaleli. ⁴⁰ Mbuse ehuse oli wakadjia la wato wa ikoni ndenge la ndenge, pe awabatelia mawo mwesi la mwesi pe awakalesia. ⁴¹ Milimo mbe mipumbia edje wango wato wadjali ohumbi pui la owasi: odjei mana o Mwengei, Awa kelia matata, abalakali ate wakpome late minge miliko miewakali ate inde adjéi kilisito. ⁴² Tango etania huse, apumbia akia ebete e manganga. Wato engbii wabandia omoluki, tee waka mokpotia watibalakali ate wakabuane lainde. ⁴³ Awaselia ate: ewongi pe ike Ameti miki la okatei mboli poli e Mwengéi, late la tina eho nde etomami mbai. ⁴⁴ Ndjongo abandali otei iholo kpaa la wasinagogo e Galilea.