¹ Mbuse e liomo itano likumu wonde mokondji Cezar, ango mpe Pilato adjali Gouvelenele a Yudeya Helode likumu e Galilayi, manango Philipo likumu e Iture etuka e Talakonite, Lisaniasi likumu e Liabilene ² Masio ma nganga e Mwengei likumu Anna e Caife moaseli mo wawa amoaseliya Yoana mana o Zakali ndondo e manganga. ³ Ango osombaki a moki mosungu kelekele e yoluani adjali osakoli patisa enge edjei elembo e okukoli motema alikambo la olimbisi e masumu. ⁴ Ase ango edingami la buku esaseleli e Isaya: moli e moto mongongo manganga akopamaka la motulu wongeleni mboka e Mwengei. ⁵ Mawela kpa ekodhikana, wa mikoli kpa miko adjimba enge wa bebesaki eko wongo, mboka enge wa bebesake mako wongo. ⁶ Aleeti wenge kpa ekohene ondimi e wawa. ⁷ Adjali owaseli wato ngbi wango wadjali ototi patisimo atié inde: wana wa ndjoo, ndai owoyinyei otili limeme ligeleli? ⁸ Inyani misala ma okukwami, otiabate oaselani ino amene: todjei la Abalayama nda tata? iyo waseleni la lingelibukeli Mwengei akokiopumbesi weeti wana wa Abalayana. ⁹ Engboma eyabatiga la masisa mo mote: mote mungo mokowota mbuma mbée wa tene walumbe la misa. ¹⁰ Wato ngbi, watomia, waasa: tokoki okeli woni? ¹¹ Awawongoselia ongo odjei la wisidje iwale amowekele ongo odjangi,ongo adjei la ema e lakake akele ndi ndjongo. ¹² Wa putesi pako wadjakali la ototi batisimo, wa moaselia: molakesi, nda ndenge koki iso okeli? ¹³ Awawongoselia otiwonge likolo enge easamiali ino. ¹⁴ Wa soda mpe wamowelia: iso, nda ndenge ekoki iso okeli? awa wongoselia: otitoni ema e mo la otetelake la oyiwi wato, e melani la liputi lanu. ¹⁵ Sikandjo nda ndenge wato wadjaki omolambi mpe wadjali owaweli iwoamene a mitema mawu eeti tango Yoana ase adjei Masiya. ¹⁶ Awawongoselali aasi la iwo ate mbai iko obateseniino a malia moto mwesi motetelake o eti mbai akodjaka. ehongiti odukoli miliki ma ikpokpo ende, inde akobatisa ino la elimo satu mpe la misa. ¹⁷ ende epoli mbuma edjei la ewo ende a likambo la opetoli amene ebete ende e otangi mbuma mpe ogbotonesi a molako monde mungo moisake ilaka ase akotumba mposo ewo la misa mungo motolimanaka. ¹⁸ Ango Yoana adjaaki owalendisi wato weeti sungu mpe owa sumbeli mboli mdamu. ¹⁹ Ongo yowanu adjali omotekesi ati moyike Helodiasi moli o maanango alidi la sambo mbe ekelali inde. ²⁰ Helode abakisali alidi odjeti sambo enge omonangaki Yoana a boloko. ²¹ Kaiko nde engele wato kpaa wa batisamaki Yesu mpe abatisamaki ango engele adjaaki inde ohakongi likolo edukuanaki. ²² Djimbelia nda ebenga elimo satu emwa ase mooli mookali likolo e asia: odjei mana ombai olibalano iyobali ngbii. ²³ Yesu engele ebanda te inde otomo wonde adjaali la mbula tuku isato wa djaaki okenesi ate adjei mana e Yozefa, mana ehele, ²⁴ Mana e Mateo, mana o Melesi, mana Yanayim mana o Yozefu. ²⁵ Mana o Matatiasi mana o Amosa manao naumama, mana o Elisi, mana o Nagayi. ²⁶ Mana o Mahata, mana o Matatiasi, mana o Semeyi, mana Yosesi mana o yuda. ²⁷ Mana o Joana, mana o Lena, mana o Zolobabel, mana o Satakiti, mana o Neri. ²⁸ Mana o Melaki, mana o Adi, mana o Kasama, mana o Alamadama, mana o Er, ²⁹ Mana o Yesu, mana Matha, mana o Levi. ³⁰ Mana o Simeo, mana o Yuda, mana oYozefu, mana o Eliakime, ³¹ Mana o Melea, mana o Mena, mana o Malata, mana o Nata, mana o Dawidi, ³² Mana o Isaya, mana o Jobede, mana o Boze, mana o Salomo, mana o nama, ³³ Mana o Aminadabe, mana o Adime, mana o Alani, mana o Esilome, mana o Falese, mana o Yuda, v 34 Mana o Yakobo, mana o Isaka, mana o Abalayama, mana o Otara, mana o Nakore, ³⁵ Mana o Serite, mana o Rago, mana o Fale, mana o Ebere, mana o Sala. ³⁶ Mana o Kaina, mana o Afasa, mana o Seme, mana o Nowe, mana o Lamete, ³⁷ mana o Matisala, mana o Enoki, mana o Jolede, mana o Malele, mana o Kaina, ³⁸ Mana o Enose, mana o Adama, mana o Mwengei.