¹ Engé e mobeko mose zale ogisité wakele tange wato wa moki kpa. ² tango e liwaso edjali tango kilinisi likumu e silia. ³ Watokpa wakeli oyakomesi,moto la moki monde. ⁴ Edjefu indé mpe ateliya a galileya, alongoya nazalette, akiya a yudeya, la moki modandi, betelema,aloyi adjali la molako alidji la oliye o Davidi. ⁵ Laate ake owakomesi iwo la molia, wasé onde, adjali elemi. ⁶ Tango edjali iwo ongo use enge malia akokali ogboti ounia, ⁷ Awotiyu mana onde oliwoso opele. Amolingiya, amolangesiya la elakeli ewa meme, aloyi eti djali la ebete la iwo owa buti a ndako efutelake. ⁸ Edjali nde lenge eholo, wa wokoli wa meme wa djali alokolo wakobate laka nama djawu. ⁹ Denda,anzelu olikumu awawumeliya, kembo eli kumu ewalingia. ¹⁰ kasi anzelu awaaselise: otiwa ngeni, ekodja la wato kpa ema emwemu; ¹¹ Keke, a moki modavidi, mokalesi mowe aowata melini adjei, adjali kilisito, likumu. ¹² Denda enge elembo eko yewani ino: okogbotoni mana mwesi wa molingi alidji alangali a elakeli enama. ¹³ Ndi lenge ngonga ongo anzelu aboliani la weeta wanzelu, wa mokumisia, mwengei waasia; ¹⁴ Kembo e Mwengai oyeti likolo, logoo a mbume la wango wadjei la mi tema milamu. ¹⁵ Tango waatikia wa wongoyia likolo, wa wakoli meme waa sania: toke tee ongo a beteleme, to dende enge ewumi ongo; enge likumu otoyewisi. ¹⁶ Wakia obangu, wagbotia maliya la edjefu, la mana mokeke alangali la elekeli e nama. ¹⁷ Mbuse e weni, waasia enge ewaaselli iwo la loyi loowolo mana mokeke: ¹⁸ Iwo kpa watumiya la okamwi lenge edjaki wa wokoli wa meme owaaseli. ¹⁹ Malia adjali oyisi djinge sambo kpa, adjali obundoli a motema. ²⁰ Wawekoli wa meme wa wongwali, la kembo la omokomisi alidji lenge eeni iwo, eengemani leenge ewa waselali. ²¹ Masiyo mwambi, laate mana atename kombeni, wa mahia kombo Yesu, kombo enge easali anzelu liwoso te mana a lingeli a solo e nango. ²² Alidji, tango masiyo ma opetolami e kokali, ndende mobeko mo Moize, Edjefu la malia wakali la inde a yelusalema, laate wa mo inye la likumu; ²³ Ndenge edhingami la mobeko e likumu, Mana ongo opele ongo owotami liwoso wa mohe la likumu, ²⁴ La ohekeli likabo ilwa iwale, ndandenge edhengami la mobeko e likumu. ²⁵ Denda edjali Ayelusaleme moto pele mwesi nkombo ende Simeona, moto ongo adjali sombi olamu pe mowangi, adjali olambeli obondisami dja Isalale, pe elimo santu edjali likolo lande. ²⁶ Aleeti amohiniali a mboka elimo santu ate atahene logo liwoso amohene Kilisito e Mwengei. ²⁷ Adjali a tepelo, la okulu dja elimo. Tango waboti walingesalia la mana mokeke Yesu laate a mokelele inde ndenge wingbundu ewongi. ²⁸ Inde amototali a mawo mande apambolali Mwengéi, mpe ahasia. ²⁹ Sikalandjo Mwengéi, owe odeiya motuke wowe ake la logo, sa ndenge ohasali. ³⁰ La tina maiso ma mbai eheni ndja mokalesi. ³¹ Ongo ewangeli a maiso la wato wa miki kpàa. ³² Wuse late ehenese miki, pe kembo la Isalaele, wato wa owe. ³³ Sango la nango wadjali ndi okamwi la sambo kpàa enge wadjali owasi a tina ende. ³⁴ Simeona awapamboli iwo ahasali la malia, nango: Denda, oholo mana ayabati a tina olumbesi pe oyamalesi wato mingi la Isalaele, a tina edje lembo enge wato wako aselaka obe. ³⁵ Pe laowe mene ewuni mosungu ekoswa molimo mo owe late mamungo ma mitema mingi ehenene. ³⁶ Edjali pe la moeni omoli, Ana, mana o Fanwele, la libota Ashere. Moli oho ahumali la mbula ngbii pendja, pe ayabatali la molome onde mbula sambo mbuse oyikani atikalali onde. ³⁷ Dja ndi mogweli molome, pe la mibu tuku mwambe la inéi, atiumali a tempelo, ayahekeleli la Mwengéi likolo la wuse ndondo owakilisi la oyakomgi. ³⁸ Mamungo mawongwea, inde kine ndi la hengele ehoo, akumesia Mwengéi, pe akohasaka atina e Yeu atie wango kpàa wadjali olambeli osikolami dja yelusaleme. ³⁹ Ango wasilisalia okeli sambo kpàa la otutei wingbndu wa Mwengéi, Josefu la malia wawongwali la Galileya, ongo la Nazarete, liwange ewu. ⁴⁰ Kaiko, mana ohoo adjwali obeki la okulu, atumali la okenge, pe libalano e Mwengéi edjali likolo lande. ⁴¹ Wawoti wa Yesu wadjali oki mbula kpàa a Yelusaleme, la lipati la pasika. ⁴² Ango eumesi inde mibu liomo la iwale wakeli a lipati ehoo ndi ndenge wamesanali oki. ⁴³ Aleti, ango masio epotoli oweti, wawongwali, mana Yesu atikalia a Yelusaleme. Sango la nango watiyewali. ⁴⁴ Wakanisali ate adjali la ebiba wato wango wadjaki okeli la iwo konde, wasombali lisio mobimba. Mbuse ehoo wabandali omolukani atie wato wa libota pe atie wato wango wayewani la iwo. ⁴⁵ Ase, nda watimoheneli inde wawongwali a Yelusaleme la omolukani. ⁴⁶ Mbuse e masio masato, wamogbotoli inde a tempelo, ayabati ndando e watiesakoli, wamo mo yokaka pe akowa huelaka oopo. ⁴⁷ Wango kpàa wadjali omoyoki wadjali sa okamwi a mayele mande la ewongweliseli onde. ⁴⁸ Ango wawoti wande wamohenia, wakamwali, nango amohaseli ate: Mana ombai , otokelia iso ndjo la tina ende? denga, sangwa la mbai tosombia moto oolukani. ⁴⁹ Ase inde awahaseli ate: a tina ende ino okolukakani mbai? ino woyewitini ate mbai ikokelaka sambo dja wawa? ⁵⁰ Ango watiyewali enge ekowaselaka iwo. ⁵¹ Ase adimbali ebete kikima la iwo la oki Nazarete, pe adjali ndi oyadimbesi liwoso lawu. Nango abaniali dinge sambo kpàa a motema monde. ⁵² Pe Yesu abekali la kondela, pe la wenge la libalano, liwoso e Mwengéi pe liwoso la wato.