¹ Wato ngbi wakeli makasi té wakome sambo djinge ikelami la iso, ² Ndenge iwo wango wandjali oweni la maiso wato komeli tée la ebandeli ewo mpe wawumi wa minisitele e loyi; ³ Mbai mpe idjwali mokano aloyi ibiliyali djinge sambo kpa tée la ebandeli, te iyo dhingele la molongo owe Teyophila ⁴ Laate oyewe la meemene m tiasakoli enge etoti owe. ⁵ La tango e Helode, likumu e Yudeya, edjali la kanga Mwengei la kombo e Zakali, la litoto e yabiya, moli ondé adjali la oliye ewanawali e Aloni, adjali owelani Eli Sabatha. ⁶ Iwo kpa wadjali olamu la mayiso ma Mwengei wadjali odendeli la olamu mati ya sakoli la motomami e likumu. ⁷ Wati djali la wana, elizabeta atidjali owoti, iwo kpa wa wumali mbange. ⁸ Tango edjali Zakali okeli otomo o ende enganga Mwengei edjali ngonga ende, awona mali la djeke. ⁹ Mbuse ee Saselodose, la olingeli a Tepelo e likumu ate ohe palafé. ¹⁰ liwoke ewato edjaki saa la owangi, ngonga e palafe. ¹¹ Anzelu likumu amowumelalia Zakali, aa moliya ngambo e lilome eholo e palafé. ¹² Mamungo ma moyetali Zakali oyeni anzelu, alidji atumali la boo. ¹³ Kasi anzelu amowaselia: Otiwange Zakali, oloyi owangi oowe endimani. Moli oowe Elizabeta akowota mana opele; okomaha kombo e Yowana. ¹⁴ Akodja etie oowe ema e mwemu la alegrese wato ngbi wakoyemele la owatami onde. ¹⁵ Aloyi akondja mote mosungu liwoso e Mwengei atikenga vinyo, té masanga kpa engé ekolangwisaka, akotumisama la molimo satu tée osali e nango. ¹⁶ Akowangosa wana wa isalayele ngbi olikumu Mwengei owu. ¹⁷ Ako somba liwoso e Mwengei la molimo la okulu e Eliya, laate awongose mitema ewa wawa ngambo e wana wa ndjangi la kandela e meemene laate amowongele likumu wato wango wa koki. ¹⁸ Zakali aasiya la anzelu: ikoyewa nda ndenge? laate iwumiga mowange; alidji moli ombai masiyo mandé mpe makiya lihele. ¹⁹ Anzelu a mowaseliya: idjei Gabiliyele, ikowamalaka liwoso e Mwengei, itomani té iyo wasele, alidji iyo sumbele eele mboli ndamu. ²⁰ Denda, oti gbuka kine, okowasa ndji lisiyo linge djinge sambo ekowuma, olikambo ati ndime maloba ma mbayi, engé ekohengemene la ngonga eho. ²¹ La engé ngonga, wato wadjali olambeli Zakali, la okomwi ndenge ewumweyindé ongo ndondo e Tepelo. ²² Tango epumbia inde, ati waaselali, wa yewali té ayeni saki ndondo e Tepelo, adjali owakeleli la maho, atikalali bubu. ²³ Tango masiyo mande ma otomo masiliya, awongoliya atie inde. ²⁴ Ma masiyo mbuse, Elizabeta, moli onde, awumali la lami, Aayisiya ndeboo itano, adjali owusi: ²⁵ Edjei la ngolu likumu a kelali mbayi, olambi mayiso mandé likolo la mbayi laate alongose soni embayi liwoso la wato. ²⁶ La sandja e motoba, anzelu Gabiliyele atomamali la Mwengei la moki mwesi mo Galileya, mowelami Nazaleta, ²⁷ Atié mana omali mwesi atiyewali pele wose e moto mwesi la molako mo Davidi la kombo e Edjefu. kombo emana ongo otiyewe pele edjali maliya. ²⁸ Anzelu alingeliya etié inde aasia ihoyi mbaa, owe ongo ngolu ewohekelami, likumu adjei la owe. ²⁹ Emo etelali la enge eyaseli, maliya aahuwelia inga enge mbaa eyenga woni. ³⁰ Anzelu amowaselia: otiwange; maliya; laate adjwi ngolu liwoso e Mwengei. ³¹ Denda, okokpala lemi, okowota mana pele oko mohu kombo e Yesu. ³² Akodja osungu, akowelama mana ongo oyeti likolo, likumu Mwengei ako moha ngbelengo e likumu e Davidi, sango. ³³ Likumu lande likodja a molako mo Yakobo libela, alidji likumu lande liti la osali. ³⁴ Maliya aasiya la anzelu: ekokelama nda ndenge iyewiti pele? ³⁵ Anzelu amowongeseliya: molimo satu ekodja likolo e wowe, okulu enge eeti likolo ekodiha la elimo endé. ehonde mana osatu ongo oko wotama la owe akowelama mana o Mwengei. ³⁶ Denda, Elizabeta, manguwa, adjei pe la lemi, mana mwesi la owange onde, ongo odjali iyo omoweli ekomba adjei la ndebo motoba elemi: ³⁷ Laate ema teeti ekokiti odjangi atie Mwengei. ³⁸ Maliya aasia: idjei motuke mo likumu, ekelame la mbayi ndandenge eyasi owo: anzelu omodeyia. ³⁹ Ndi laenge engele, malia amalia, pe akeli obangu a moki mwesi dja mikoli mikoli aliwange mwesi dja wa Yuda. ⁴⁰ Alingelia la monguta dja Zakalia, a mohekelia Elizabete mbaa. ⁴¹ Ndjongo Elizabete ayokali mbote malia, mana ayabandali a solo, pe atumali la molimo santu. ⁴² Inde apamali la moli mosungu: pe ahasali ate apambwamia kati e wali kpàa, pe pukapuka enge edjéi la solo epambwamia. ⁴³ Nda wahaselia mbai ate nango likumu o mbai akodjaka ahue embai. ⁴⁴ Denga, nda iyokali moli la mbote la owe a matoi mambai, mana ndondo esolo dja mbai ahumbwali la oemeli mingi. ⁴⁵ Ohemeli edjéi la moli andimia, late sambo kpàa enge Mwengéi amohaselali wekokokisama. ⁴⁶ Pe malia ahasali ate: molimo mo mbai ekokumisaka Mwengéi. ⁴⁷ Pe elimo mombai ekoki ti oya tonesi ohemeli mingi a tina e Mwengéi, mokalesi mo mbai. ⁴⁸ Nda oheni ate motuke monde omoli adjéi moto pamba. Denda, obandi sikalandjo mabota kpàa wakotolo mbai moto o mwemu. ⁴⁹ Nda moto okulu akelelia mbai misala misungu, pe kombo ende edjéi mosatu. ⁵⁰ Magba ende edjéi likolo la wato wango wa komowangaka inde mabota la mabota. ⁵¹ Akelia la okulu a mawo mande; awahandia wango wadjéi la elolo a mamungo la mitema mawu. ⁵² Awadimbia wato wa okulu a kiti dja makumu, pe awadjambia wato pamba. ⁵³ Atumesia wato wa ndjala la wihoo wilamu, pe awongosia wato wa ogumake mawo ohola. ⁵⁴ Adia osalesi Isalaele, mokeleli monde, late amungole aleti motema magba lende. ⁵⁵ Nda ahaali lawa wawa wasu, atie Abalayama la momboto monde libele. ⁵⁶ Malia ayabatali ebete kikima la Elizabeti inga sandja isato pe awongwali ebete ende. ⁵⁷ Tango enge Elizabeti ekokali ate awote pê awotali mana opele. ⁵⁸ Wato wango wa lisukaka la wo wonde wayokali ate Mwengéi amosu moli inde motema mo magba, pe wabandali ohemeli ebete kikima la inde. ⁵⁹ La lisio la mwambe, wamotenali mana oho kombeni pe amowelali Zakalia, nkombo e sango onde. ⁶⁰ Kasi nango adjali la loi woasaka, ahasia: te ndjongo, mowelakani ate Yoane. ⁶¹ Ndjongo wamohaselali inde moto mwesi a libota la owe ati la enge kombo. ⁶² Ndjongo wamowelia sango onde la wilembo inga abali wamowele ndai. ⁶³ Zakalia awongoli makoti, pe adingali: kombo wende Yoane. Ndjongo iwo kpàa wakamwali. ⁶⁴ Ambala esi monoko monde modukwamali, pe olemi onde opumbali, abandali owasi, pe opamboli Mwengéi. ⁶⁵ Wato kpàa wango wadjali oyabati alisukaka ewu wawangali, walandali ohaseli sambo kpàa. Enge a moki mosungu dja mokoli mo Yudea. ⁶⁶ Pe wato kpàa wango wayokali eho wahisali a mitema ewu, pe wandjali ohasi: oholo mana akondja ndai? late ewoo la Mwengéi edjéi penza la inde. ⁶⁷ Zakalia, sango onde, otimali la molimo mo santu atiesakolali ate. ⁶⁸ Opabwame Engali, mwenge o Isalaele, nda akebesi ga wato wande la owa sikoli iwo. ⁶⁹ Atopumbeselio iso ndjeka dja mokalo la monguta mo Davidi, mokeleli onde. ⁷⁰ Ndi nda ndenge eleholi inde a monoko la mowasakoli wande gala. ⁷¹ Ate akotokalesa iso awanguna wasu pe mawo la wango wakototonaka iso. ⁷² Late atohinye iso motema magba a tina ewa sangbasu pe amungole aleti ondimani onde mosantu. ⁷³ Nda ndenge amola Pelali sangbasu Abalayama. ⁷⁴ Late akoke otopûmbesi, mbuse tolongwe a mawo dja wanguna wasu, tomokelele inde otomo esatu la owangi te. ⁷⁵ Osombi liwoso lande la osembo pe la omowangi masio kpàa a bomoi wose. ⁷⁶ Owe, mana mokeke, okodja owelami motiesakoli molikolo; ango okosomba liwoso la elongi e Mwengéi la owongeli mboka ende. ⁷⁷ Mbuse ohekeli wande kandela ate akowakelesa a mboka e olimbisi masumu mawu. ⁷⁸ Atina magba e Mwengéi osu, la tina magba maho tokohene liwusawuse opumbi tokodendaka likolo. ⁷⁹ La ekeli wuse la wato wango wa sese a wango wamotulu la wango walihohela la logo. Atina osombesi mangbanda masu mboka e logo. ⁸⁰ Kaikoase mana oho adjali obeki aumia la okulu la elimo adjali ndi la manganga tee lisio enge eyahiniali liwoso la isalayele.