¹ yesu atombolia maiso aenia wato wagumake wokohekeleke falanga dja makabo la ekolo e likawo ² Amoenia moli mwesi ogbeli molome ahekelia wana wa falanga wale wa kekewakeke ³ Awaaseliate: oholo moli ogbeli molone ahekeli falanga weti wato kpa wango wabongi ewo la libenga e likawo. ⁴ Late wango wato wagumake wahekeli falanga djinge iti la otomu kaiko inde ohekeli djinge idjaki inde ladjao ongo la monguta monde. ⁵ Mbuse, ndenge weeti wato wadjali oasi la loyi e tepelo ndenge etulami eho la mabukeli malamu la iho wikpalami la likawo Yesu asiate. ⁶ Lamasio mageleli ehele tepelo ekobukia libukeli tekikima etitikala likolo leeti libukeli ehokpa ekokua sese. ⁷ Wamohuelia ate nda engele kokelama djinge sambo alidji nda elembo ekoyewesa iso ate engele eho ekokia? ⁸ Yesu awaaseliate : yabanyani ate otiwungeni, late wato ngbi wakodja la kombo e mbai wakoasaate : mbai idjei inde, alidji ate: engele eho epotia owumi. Otiwaabile. ⁹ Tango ekokani ino mboli e wita alidji wato wakoamalelanaka, otiwangakeni, laate ewongi ate djinge sambo kpa ewume liwoso, kasi eho etidja gboo e moki. ¹⁰ Awaaselia ate : eeti moki ekosana kindo la eeti moki, eeti okumu la eeti okumu. ¹¹ Mbume ekoduduma ebete la ebete, ikoni ikodja ndenge la ndenge, mpe ndjala e ilaka ilakake, ekodja, la sambo e minga, mpe ilembo isungusu ikoenene ongo likolo. ¹² Liwoso la djinge sambo wakoolukani ate waowoleni, wakohengelani la makunu ma wasinagoga, wakobongani la wa boloko, wakosambesani liwoso e makumu ma miki misungu, la makumu ma miki mikeke la tina e kombo e mbai. ¹³ Djinge sambo okowumelani la tina ate litatoli lanu liyewane. ¹⁴ Batani la mamungo manu ate otilukeni ndenge enu esambake, ¹⁵ Late mbai ikohekeleni maloba mpe kandela liwoso la wanguna wanu watilonga owamaleli ino, te ookokeyi. ¹⁶ Te wawoti wanu wakookawani, mpe wasangbanu, la wabola wanu, mpe la wato wapembeni, wakoola ngbi ndondo enu. ¹⁷ Wato kpa wakootonani la tina e kombo embai ¹⁸ Kasi mosue te mokikima mo moto monu motiwunga. ¹⁹ La onangi mitema manu okokalesani milimo manu. ²⁰ Inga oenekeni Yelusaleme elingamia la wasoda, yewakani ate obitani oho owumiga pene. ²¹ Late wango wakodja la Judea watile ngambo emikoli, wango wakodja ndondo e Yelusaleme wapumbe, wango wakodja la ilanga watiwongwe kine la moki. ²² Laate ekodja masio mawongosake limemu la oyengemani la sambo djinge idhingami. ²³ Ekodja makpa etie wali wango wakodja la lemi, mpe wango wakonungia wana late wato wakogba ngbi, latina elimemu e Mwengei. ²⁴ Wakokua la mabeha miwotake, wakokee mituke la mikikpa, Yelusalema ekowotono la wango wati Wayuda tee engele ehani la miki esile. ²⁵ Ekodja la ilembo ndondo e liwusa wuse, ndondo e ndebo, alidji ndondo e minoto. Ahala la mbume miki mikodja la boo, watiyewa ndenge ekelake laate ewale ekoduduma la mbonge. ²⁶ Wato wakogba la owangi ndondo e losambo enge ekodja la mbume laate okulu wolikolo wikokawana. ²⁷ Wakomoene mana omoto ageli ongo la mapata, la okulu la mwemu. ²⁸ Ango ekopota ino oeni djinge sambo, djambani mito manu laate mokalo munu mopotia owumi. ²⁹ Mbuse awahali ekpangele eesi: Ndendani mote mo figi la mite meeti kpa: ³⁰ Tango e okponaka muho ngasi ekoewaka ate engele e elanga ekokia. ³¹ ndenge kikima, inga oenekeni djinge sambo ewumia, ewani ate okumu wo Mwengei wowumia pene. ³² Iyowaselini meemene ehele olie otieta ndji ndjinge sambo wiume. ³³ Likolo la mbume ikoeta, kasi maloba ma mbai matiyeta. ³⁴ Angatalani inoamene laate mitema manu matilite la oetesi olaki la okengi, la mabundo ma moki, laate lisiyo luho etiowumeleni nda iwa. ³⁵ Late ekoyabinga nda lisala likolo la watokpa wa mbume. ³⁶ La eho oilangaleni ilo, alidji awongoni engelekpa, laate ototeni otetelake la otili djinge sambokpa igeleli, laate owawumeseni likolo liwoso e mana o moto. ³⁷ La moi Yesu adjakali otiesakoli la tepelo, la likolo adjali oki olangali la mokoli mo weli iwo mokoli mo oliva. ³⁸ Watokpa wadjali oki boo atiende laate wamooke.