¹ Yesu awaselia alidji watutiani wande ate, moto mwesi ndjongo adjali moto mo gumake ngbii, ase adjali la kapita onde mwesi. Wato wadjali omwaseli ate akobitisaka wiho wande sa ndjongo. ² Ndjongo amowelali amwaselia ate: nda loi okookaka mbai atie owe? hekele mbai laPolo wo wotomu woowe, alikambo ate otoamalela kine alidji wungo wotomu ³ Ndjongo kapita oho asia la motema monde ate; ikele woni nda epotia Likumu la mbai olongosi mbai la wotomu? Iti la wokulu wo obuki. iongolo? Ikooka soni. ⁴ Iyewi wungo wokela mbai alikambo ate wato wabatese mbai la minguta mawu ango okondongose iwo mbai la wotomu. ⁵ Ase amowelia moto mwesi la mwesi ongo odjali la nongo e Likumu lande ase amwaselia ongo opoo ate: odjei la nongo woni e Likumu la mbai? ⁶ Asia ate: teni kama esi e maita ma olive, amwaselia ate tota ekpata e tuku itano. ⁷ Mbuse eho asia la ongo odji ate, ase owe odjéi la nongo woni? asia ate: saki kama e ndongo. Amwaselia ate, tota ekpata e owe e wookani dhiga tuku mwambi. ⁸ Ase Likumu lande amondjimali kapita oho.Te nda etidjakali inde moto molamu, alikambo ate aeneseli lokenge wonde. Alikambo ate wana wa muu moki wadjéi la lokenge la ehele engele wou, owaleki wana wa moi. ⁹ Alidji iyasi la ino ate wakelesani wino wanu la mboka e wogumake enge eti la womemene, alikambo ate ango ekosila woho, iwo wakowemeleni ino la wibete e wabati libela. ¹⁰ Ongo moto odjéi memene a loi wokeke, adjéi koto memene a loi wosungu, ase moto ongo oti memene te aloi wokeke ati koto memene a loi wosungu. ¹¹ Nde ndjongo inga otini memene a loi wowogumake wungo wodjangi womemene, ndai okohani ino wogumake wo memene amene? ¹² Ase inga otidjeni memene la ema e moto odji ndai okohani ino ema enu amene? ¹³ Moto owotomu la ndondo e monguta aengiti odjéi motuke mo makumu male, alikambo ate akomotona ongo, la akomobala ongo odji, te okoahelela la odji la akomodhe odji. Woengitini odjéi mituke ma Mwengéi alidji ma waambele. ¹⁴ Sikahala wa Falisayo wato wabali wadjenge wadjali oki djihinge sambo kpàa, ase wapotia omoseki. ¹⁵ Yesu awaselia ate: ino ,nde wato wango wakoatoloko ino amene wato wa memene liwoso la wato ase Mwengéi aewi mitema manu, alikambo ate ema elamu la maiso ma wato edjéi ema e wonalili la maiso ma Mwengei. ¹⁶ Pui la otiesakoli edjakali tee la Yoani. Pota ndji la engele enge mboli ndamu e wokumu wo Mwengéi ekoasanaka ase wato kpàaa wakogueleke okii atie eho. ¹⁷ Memene, eti obe ate likolo la mbume lileke la ebete ate ma esuki eikima e pui engesame. ¹⁸ Moto kpàa ongo oli liwala la moli onde ase amoikia odji, akeliga eteba ase moto ongo omoiki moli ongo ooli liwala la molome onde akokelaka eteba. ¹⁹ Ase moto mwesi ndjo adjali mogumake, ase adjali okpali wisindje witanake ngbaa la oemeli wuse la wuse, adjali la wiho wilamu wilamu mene. ²⁰ Ase moto o wiongolo mwesi nkombo ende Azalo, adjali olangali liwoso la modhuhe monde, wenge wande witumu la mpota. ²¹ Ase inde odjakali la ehoha e olaki wilaka winge widjakali okwakani sese emesa ma moto oho owogumake. Mbwa idjakali odji ohelekoli pota djande. ²² Ase mbuse moto wiongolo oho aguya, waahumbua wa mototia wamobatia la mokpoto mo Abalayama. Moto owogumake aguya koto wamokundjia. ²³ Ase la ndondo e kabuli adhukolia maiso mande ango edjakali inde la wodjidji, ase omoenia Abalayama lihiele la Lazalo la mokpotomonde. ²⁴ Ndjongo awelia ase asia ate wawa Abalayama ndjokela mbai magba ase motoma Lazalo alulie mosei monde la malia ase adhokesele mbai la lolemi, alikambo ate ikoeneke wodjidji wo misa minge mikololaka. ²⁵ Ase Abalayama amwaselia ate: mana otiwosanake ate ango odjakali owe la mokalo odjakali la wiho wilamu wilamu ngbii, ase Lazalo atidjakali la wiho. Sikalandjo aumiga olamu ahala; kasi owe okoeneke odjidji. ²⁶ Olongosi djinge sambo kpàa, liwela liesi lisungu litokawanesi iso la ino ase wato wango wabali olongoi ahala wake atie nu waengiti ase la wato wa olongoi ongo la okpandji atie su watikoke okeli. ²⁷ Moto oogumake asia ate: nda edjéi eho ndjongo iwongi owe, wawa motoma ongo la monguta mo wawa. ²⁸ Alikambo ate idjéi la wamanima itano wapele, alikambo ate awasele wolamu wolamu, alikambo ate iwo watindje ahala la wuhuwu ²⁹ Ase Abalayama asia ate, wadjéi la Moize, la waaseli; wa waoke iwo. ³⁰ Moto e ogumake aasia: Te ndjongo wawa Abalayama, inga moto mwesi ndondo e wato waguake akee atie wu wakohengese mitema. ³¹ Ase asia la inde ate inga watimoke Moize la waseli te, watondima koto te moto ongo agui ase abasia la logo.