¹ Lainge engele djongo, ndambo e wato wango wadjakali ango, wamosumbelia Yesu enge eetali la wagalileya ate Pilato awanesali makila la enge e nama. ² Yesu awawoongoselia ate: ino ondjimi ate wango Wagalileya nde wakeli masumu oyeti wango weti? ongo okeli iwo djongo? ³ Kasi, eti djongo, mbai iwaaselini inga otikukoleni mitema manu ,okogbani mpe nda iwo. ⁴ Kasi wango wato liomu la mwambi wawakpeleli etutu esiloe, toase ate iwo wakelali obe oweti wato kpàa wango wayabati la Yelusalema? v 5 Kasi eti djongo inga otikukoleni mitema manu, okogbani ndenge kikima nda iwo. ⁶ Pe ahekelia li lisekpe: edjakali la moto mwesi adjakali la moto mwesi la elanga ende e vino, akadija late abuke mbuma adjuiti mbuma te kikima. ⁷ Asia la watuke wa elanga e vino ate dhenga mbula isato djidji ikodjaka ate ilake mbuma la mu mote idjuitiaka, ase tena mu mote late woni ekohelaka mbume pamba? ⁸ Watuke wa elanga wa mowongoselia: Likumu, modhee yo ehele mbula ndjo! ikotonga liwela kelekele eho, mbuse ikolumba isoki. ⁹ Etimbala masio mageleli ekowota; inga te ndjongo, okomokoto. ¹⁰ Ango Yesu atiesakolali ungo wuse la Sinagoga lisio la Sabata. ¹¹ Edjakali la moli mwesi odjakali, la esisi, edjali omowumisi eketi; ilanga liomu la mwambi aimbamakali atakoke oyananoli. ¹² Ango e mwenia Yesu ongo moli amwaselia: moli, okaliga la ekoni e owe. ¹³ Pe amobatelali mawo mpe moli oho akalali mpe amogemeiya Mwengéi. ¹⁴ Likumu la Sinagoga amemelia ango omokalesi Yesu moto lisio la Sabata. Asia la wato: edjéi la masio motoba mango makoki ino okeli mosala, djakani okalesame mango masiyo ndjongo, te lisiyo e Sabata. ¹⁵ Yesu amowongoselia ndjo: Moto mokosake wato! lisiyo e sabata ndondo enu moto tueti atimotokolaka ngombe ende, te punda ende ebete e lakake la omokengesi malia? ¹⁶ Oholo moli addjei mana o Abalayama, ongo etota amonangali ilanga liomu la mwambi ekokiti omotokoli la ehele moliki lisiyo la sabata. ¹⁷ Ango edjakali inde owasi djinge sambo waamaleli wande wabandali ooki soni, kasi ebiba e wato kpa wango wadjakali owemeli la djinge sambo ndamu edjakali okeli Yesu. ¹⁸ Yesu aasia alidji: nda ema ekwali la okumu o Mwengei, nda ema ekoki mbai oyengemesi la uho? ¹⁹ Edjéi nda pukapuka esi e motalada enge moto mwesi atotali, akeeli ooni la elanga ende, ekpomali, ewumali mote mosungu enge mbulu dja likolo widjali owabati la wite wao. ²⁰ Aasia alidji: nda ema ekoki mbai oyengemesi la okumu e Mwengei? ²¹ Edjéi nda levile enge moli mwesi atotali alidji ayisali ndondo e wimekelo isato wisungu dja moteke tee engele mogbuku mokundali. ²² Yesu akpandali la miki mikeke mpe misungu, otiesakoli mpe obileyi mboka la oki la Yelusalema. ²³ Moto mwesi amohuelia ate Likumu toase edjéi ndji la wato wakeke nde wokokala? Inde amowongoselia. ²⁴ Kela makasi late olingele la modhuhe mungo mokeke. Laate iyowaselini wato ngbi wakoluka ate walingele kasi watilingela. ²⁵ Ango ekoyamala memene molako adhike modhuhe, ino wango wadjéi saa kpà okobingani modhuhe, okowasani ate: Likumu, Likumu, to dhukola! Akoowongoselani ate: iyewiti inga odjeini wa ndai. ²⁶ Alidji, okopotani owasi ate: tolakali alidji tokengali la owe ebete kikima, alidji otiesakolali la wa mboka ndjasu. ²⁷ Akowawongesela ate: iyowaselini, iyewiti inga odjeini wa ndai, longwani ahue e mbai, ino kpaa wato wakokelaka sambo odjangi o meemene. ²⁸ Ango nde ekodja oleli la olaki maino, late enge engele okomweneni Abalayama, Isaka, Yakobo alidji watiesakoli kpàa la okumu o Mwengéi onu akoolumbani saa. ²⁹ Wakolongwa likolo la mbole la mabusu kpàa, la ewo e lilome la ewo e moli, la elongéweli e wuse la elangeli e wuse la okulu e Mwengei. ³⁰ Njongo ekodja la wato wa mbuse wakowuma wato wa liwoso, wato waliwoso wakowuma wato wa wa mbuse. ³¹ Ndji ungo use Falizeo wadjia, wamoaselia ate: longwa alandjo keke laate Elode akolukaka aole. ³² Inde awa wongoselia asia ate: kekeni okamwaseleni enge lisika : dhenda, ikowumaka la witota, ikokalesaka wato wa wikoni keke la ekundu; lisiyo la misato ikosilisa. ³³ Ewongi ate mbai isombe keke, la e kundu, alidji une use, ekokiti ate motiesakoli agbe saa e Yelusalema. ³⁴ Yelusalema, Yelusalema, owe moto okolaka watiesakoli, alidji okwabingaka wato wango watomami mabukeli, mbala woni ebalakali mbai ate iwabole wana wowe ebete ekikima? nda ekoboleyaka koko wana wande la mabulu mande, owe otibalali! ³⁵ Dhenga monguta mowe mokotikala pamba, kasi mbai iwaseli ndjo, otienekineni mbai, tee ekowuma engele enge okwasani: Moto ongo okodja la kombo e likumu, ademiane.