¹ Djakani la tomowonganele yeova, alikambo lande mene atosalakoli iso ase akotokalesa iso. abinga bingi, ase akonanga mpota djasu. ² Akoto wongosa iso la mokalo mbuse e masio maale. la wuse wo sato, akoto amalesa iso, la tokozaa la mokalo liwoso lande. ³ Eokoewa, tokoluka omwewi yeova wiengele kpaa. la memene, nda lipotele la boo, akopumba mene. akoza eati esu nda ewongo mosungu; nda ewongo wo engele epeleta ongo okolulesaka mbume. ⁴ Ee eplaime, ikookela owe nde? ee yuda, ikookela owende, ango motema molamu monu mozei nda mapata ma boo koto nda ligite linge likosa la makata la boo boo? ⁵ Nde ndjongo iko wakelela watiesakoli alikambo la owa tenako iwo; wako waola iwo alikambo la wasi wo monoko mo mbai. witeneli wa lisambesi linge likookwele owe likozaa nda moi mungo mokopu mbaka. ⁶ Alikambo ate yemeli nde la motema molamu, ase la mbeka te, koto la woewi wo mwengei ase makao ma otumbi mesi kpa ate. ⁷ Ase iwo, wabuki ondimani nda moto mbume. ango nde ebete ekeleli iwo mbai sambo dja wikosako. ⁸ Gile ade ezei site e wato wango wakokelaka sambo mbe; makolo mawu matumi la makila. ⁹ Liabolei la wa nganga-mwengei wazei wigogo wa wapuesi wango wako abakaka alikambo la omokeli moto wobe. la kelekele e mboka, wako olaka wato shekeme, alikambo ate waahekeliti la ema edi te ndi la esombeli ewu e usani. ¹⁰ Yeeni loi wesi wo bo ngbii la monguta ma isalaele, eplaime ekokelaka wo enga, isalaele eyaumesi wonalili. ¹¹ Alidi, ee yunda, wa obateli owe engele enge ekoowanesa iwo owe ndenge ekowane saka iwo pukapuka ango ehowa wongosa iwato wa mbai wango wahelami.