¹ La engele ebali mbai okalesi Isalayele, owusi wo Epalaime woeneni wohola la sambo mbe dja Samalia; te mpamba wakeli la owusi la iwa akolingela; egogo e wapuesi wakopuesa la wohola. ² La mitema mawu waasitiaka ate mbai ikomungwa wobe kpaa wungo wokokela kaiwo. Sikandjo tomu dja wu iwalengi iwo. Idji liwoso la mbai. ³ Wakomoemeleseke likumumobe oowu, la wakowaemeleseke waukumu watomudgawudga wikosako. ⁴ Twokpaa wadgei wato waeteba, wadjei ndalionge linge mokeli makoke alolesi, enge edheinde ololeimisa laengele ekobingaka inde mateke mapalini tee ekohuta maho. ⁵ La wuse wolikumu lasu ewanaali wankumu waokali limemu aboolo alikambo la bino.likumu ananoli ewoende mangindi la wabeteli. ^{7 6} Tempamba te wahelesi motema mowu la ehoha ndande bubusi djaho ahueahue lalionge, likololaka landondo ewu. likolo liesi, mokeli mapa oowu adjaakali olali la boo misa aboolo misa abolo mikolola lalionge. 7 Iwo kpaa waumi misa nda lionge, koto la meme,wakowalakaka wasambesi wau. Makumu mawu wakui iwo kpaa, moesite ndondo ewu akowelela mbai. ⁸ Epalaime aalingesi indemene la witondo wadi. Epalaime aumi gato elikuku linge likukoliti iwo la mandji modite. ⁹ Wazake walaki wokulu wonde, indemene aewiti wohote. Alidi, usue bubake ibube la moto monde, ase indemene aewitika woho te. ¹⁰ Elolo e Isalaele emokawi inde, te ndjongo emowongweliti iwo Yawe Mwengei owu te, wamolukiti inde koto . ¹¹ Epalaime adjei nda elua e ebebe, enge edjangi mayele. Waweleli Ezipito, wakii la asili. ¹² Mboka kpaa djinge ikokee iwo, ikoanda woya wombai likolo la wu. Ekowadjimba iwo sese nda ekodjimbaka iwo wikelami wingo wikohumbwa likolo. Ikowahekele iwo lisipilini la otutei huaka enge ehekeleli mbai liabolei lawu. ¹³ Magba la iwo, alikambo ate watili mbai! Wawapuese iwo, alikambo ate wabukipuidja mbai! Mbai ipotali owandoli iwo, ase iwo wahengelia mbai mene sambo ¹⁴ Watiwelali mbai te la motema mowu alikambo la wongi ligamesi, te inga wadjakale opami la wilelo la wipewau. Wadjakali sa oteta teti alikambo la pukapuka djawu koto alikambo la binodjawu leleke; wadjaakali sa wakaleli mbai. ¹⁵ Djongo mbai iwahekeleli lisipilini; isombesali mawo mawu, ase iwo wadjakali sa wani okeli mbai sambombe ¹⁶ Waka wongwali, ase wati wongwelali ema enge edjambani; wumealinda wotolo weengo moliki moho mogelaniti wolamu. Wa kumu wau wakue la ewuni alikambo la miano ma wolemi wou. Nde ndjongo wako beteleme la moki mo Ezipito.