^{1 2} /v 1 Ee wanganga-mwengei, okani wuhuwu loi, ee mongutamo isalaele, batani huaha, la ino, ee monguta mo likumu, dukolani matoi, alikambo ate lisambesi laho liodengi nde ino; te mpamba te ino omoumelini mizipa lisala wungo woandami likolo la zabole. /v 2 Waadeli waahekeli ngbii mene la wotomu wo wooli, la mbai izaakali owatii iwo kpaa ^{3 4} /v 3 Mbai imwewali iplaime, la isalaele etizaisali te liwoso la mbai. ee mpamba te sikanzo, ee eplaime waabolei la walindenge iwale wako aboliaka la wali wa wohulelia, isalaele ayaumesiwonalili. /v 4 Eomu zawu iwahekelitiaka iwo mboka te e omowongeli mwengei oowu; alikambo ate wazei la elimo e woenga; la womondimitini yeova te. ⁵ Elolo e Isalaele ehekeli demu la elongi ende; Isalaele la Epalaime wa bingi e kekimi e oweisi wou. yuda kota abingi ekikimi mongindi la iwo. ⁶ Wa keeli omoluki yeova la wigogo wau wa wampata la wigogo wau wa ngombe, Ase wati moeneli inde. Aa gulali lihiele la iwo. ⁷ Wamokeleli yeova sambodja wikosako, alikambo ate waumi wasango wana wango wadjei wadjake. Sikandjo, wa kolakama la ndebo esi mongindi la wiho wau. ⁸ Wabome lihili la gibea, kelelo la lama! Wahumbe pui dja wita la bete-abene-mbuse eowe, ee bendjamina! ⁹ Ee eplaime, la wuse wo otii, okouma ema eoyahueli mene la mawota ma isalaele, yewesi sambo djinge iwongi obatelami motema. ¹⁰ Wankumu wa yuda waumi mene nda wango wakowongasaka molelo mombu me mbuse; ikowasuela iwo limeme la mbai nda malia. ¹¹ Eplaime akobetelemeke, atimani la womeme, te mpamba te inde mene aoni omotutee motone monde. ¹² Mbai idjakali nda ebili e ndonge alikambo la eplaime koto nda oholi alikambo la monguta mo yuda. ¹³ Ndjongo eplaime aeneli ekoni ende, la yuda. mpota eende. eplaime akeeli eati e asili la amotomelali likumu moesi mosungu wato. ase inde atiengali te ookalise ino, la atiengali te oolongose ino mpota te la nda mosisa. ¹⁴ Alikambo la ozei nda mana simba la eplaime koto nda mana simba ongo otumi la usue la kingo la monguta mo yuda. mbai, eembai mene ikosalakola koto ikokee, ikotota, la mokalesi atodja ate. ¹⁵ Ikokee, yokawongwa la ebete e mbai tee engele ekokpala iwo woliti wo huko eewu; la wakoluka mene elongi e mbai. ango ekowazele eho iwo ndongo, wakoluka mbai.