¹ Ee wana wa isalaele, okani loiwo yeova, te nepamba te yeova azei la loi wo osambi la wato wango wa abati la moki, alikambo ate memene etite, motema mo wohaho moti te la woewe wo mwengei woti te la moki. ² Mbumakolo mbe, wikosako, ooli, iwa la eteba wianzani, la tomu za osui makila italiani likolo la tomu zadi za osui makila. ³ /v 3 Nde nzongo, moki mokolela la wato kpaa wango waabati ongo wa kosila wokeke wokeke, la nama e motulu enge e abati la lisobe la ekelami enge ekohunibwaka likolo, koto te nsu zambu ikobolianesama la logo. ⁴ Kaikonde, moto teweti te asane, la moto teweti te amemelele, alikambo ate wato wa owe wazei nda wango wakosanaka la nganga mwengei. ⁵ La moi, okobinga mene ekikimi ndenge ekobingaka iwo ekikimi la likolo, te motiesa koli koto akobinga ekikimi mongindi la owe wakomoo la ngua. ⁶ La meme mene, wato wa mbai wakoolamangoo, alikambo ate woewi woti te. nda elumbi owe woewi, mbai koto ikoolumba owe alikambo la okeleli mbai alidi te wotomu wo nganga-mwengei; koto nda okotutiaka owosani pui e mwengei w'owe, mbai koto ikowawosana wana w'owe. ⁷ Nda ekoumaka iwo ngbii, masumu mawu mazei sa otaliani liwoso la mbai wa bati nsoni la ebete e mogano mo mbai. ⁸ Wa kolakaka la lisumu la wato wa mbai, la molimo mowu mozeisa la ehoha e wousi wou. ⁹ Koto, la memene, wuhuwu wokowaume la wato wa etondo wokomoume la koto nganga-mwengei; la iko wongo iwo wa wongose mene monoko alikambo la mboka zawu; la iko wa wongosela iwo tomu zawu ¹⁰ /v 10 Wakolaka mene la, ase watogbeta te. wako abolia la wali ndenge ekoa boliaka pele la wali wa wohulelia; ase watouma ngbii te, alikambo ate wadei omodendeli yeova inde mene. ¹¹ Woenga, bino la bino zinge leleke, zaho nde wiho wikolongoseke mamungwene malamu. ¹² Wato wa mbai wakotutiaka ohueli ekeko ewu e mote, la lingenda la ewo ewu mene nde ekotutiaka owaewesi iwo sambo; te nepamba te elimo e woenga ewatoti iwo la otetateti, koto la woenga wou wamome meleli mwengei oowu. ¹³ Wako hekeleke wa mbeka wa songosongo za mikoli, la wakopumbesaka milungu ma mbeka la mikoli mikeke, la sese e mote mosungu ngbii, siti lakisi la mote mosungu, tempamba te elima e moho ezei wolamu. nde nzongo wana wanu wa wali wakokelaka woenga koto wali wa wana wanu wa kokelaka eteba. ¹⁴ Itoongo te ate wana wanu wa wali wa wongose monoko alikambo la woenga wungo wokokeleka iwo, te wali wa wana wanu alikambo la eteba enge ekokelaka iwo. ee nepamba te pele wako agulaka kelekele la wali wa wohulelia, koto iwo la wali wa wohulelia la tempelo wa kohekeleke mbeka; la wato wango wahelitiaka gbondo te wakohotono. ¹⁵ Ee isalaele te inga okokeleka woenga, yuda ati kpale hukote, koto otizeni la giligale te, otiteleni koto la bene-abene te la oti la peni ndaite ate : nda ezei yeova memene la mokalo! ¹⁶ Ee mpamba te isalaele koto aumi moto motete lake nda ngombe emoli e moto motetelake. sikanzo nde yeova akowa malela iwo nda mana mpata opele la ebete enge ezei esungu. ¹⁷ Epalaime ahelami la wikeko : modeeni inde! ¹⁸ Nda esili mana mau ma bube, wa abolei la moli nda ekoaboliaka moto-pele la moli owo hulelia; wa banei wau wala la sambo za nsoni. ¹⁹ Ehoho esi emolingi inde la ndondo e ne apapula maeho; wakoka nsoni alikambola mbeka djawu.