¹ Yeova asali alindi la nebai nzo : keke alidi moto odi la ongo okokelaka eteba, nda la loiwo libalano la yeova la wana wa isalaele, ango ozaakali iwo okii eati ewa mwengei wadi la wakobalaka wa gato wa puka puka za bino. ² Imosombali inde alikambo la mbai mene la wiwonda liomu la witano wa balata koto la homele wo oloje esi la esuki, ³ La mbuse, imwewesali inde nzo ; okozaa la mbai masio ngbii, wongiti te okeli eteba, la eongiti te okeli la motopeleodi, mbai koto ikozaa w'owe. ⁴ Alikambo ate wana wa isalaele wako abata masio ngbii, wotozaa la likumu te, lankumu te, la nebeka te, la likule te, la epode te koto la watelapime te. ⁵ La mbuse, wana wa isalaele wakowongwa koto, la memene, wakomoluka yeova mwengei oowu la dabidi likumu lawu; la wakoza mene la ogulumi eati e yeova la eati ewolamu wonde la engele e gboo e masio.