¹ /v 1 Waaselani wamangbanu wa pele nzo : wato wa etondo e mbai! koto la wamangbanu wa wali ate : e eoholo moli ongo omookeli ma gba! ² Sambani loi wo ngbanu; sambani loi, alikambo ate atimoli ombai te, la mbai iti molome oonde te aongi olongosi wo enga wonde liwoso lande la tomu zande za witeba la awoza wo mbume djande; ³ Galaa imodee inde lingbengbele imoumese mene inde nda wuse wungo wowota mali inde, imoume mese inde nda moki mungo mazanga malia koto imoole inde la ehoha e malia. ⁴ Ito wa okela wana wande magba te alikambo ate wazei wana wango wawoti inde la woenga. ⁵ Te mpamba te ngbau abeli woenga. moli ongo okpalali lemi, alikambo ate asali ate : abali owatutei wango wa kononoko mbai ngbii, wango wakohe keleke mbai wokoke la malia, lene la lini, maita la mana. ⁶ Nde nzongo, denda ikolinga kamboka eowe la keke; ikotelesa etutu e mabanga liwoso lande, nzongo atoene te balabala djande te. ⁷ Akowatutia wango wakomolukaka inde ngbu , ase atowa konza iwote ; akowane iwote . Akoasamene nzo : ibali omowongwaneli ombai opoo, alikambo ate izaakali wolamu la engele enge oleki sikanzo . ⁸ Ase inde atindimalite ate mbai nde omohekeleli inde pukapuka , bino leleke la maita ,imotumeselali inde balata la wolo , wungowokelelali wowaakongi wo Baala. ⁹ Nde nzongo , ikoakukola koto , la memene , ikolo ngosemene kapuka mbai la engelee eho la bino embai leleke ,odihi lingbengbele lande . ¹⁰ Sikanzo , ikoenese lingbengbele lande la maisoma wango wakomononokoinde ngbuu, motote mokimate akomopueseinde la ewoe mbai. ¹¹ Ikotimia menemwe mumonde kpaa, lipati lande , ndebo eende endinzo , sabata eende la wiengelewande kpaa wa lipati. ¹² Ikobitesa mote monde mobino mo pigi , mungo moasali alikambo la moho ate : ezei inde likao la mbai linge wango wakolukaka mbai ngbuwaheke la ikou esa waho nda motulu , nama a motulu , zinge ikoabataka la lisobe ikokese eho mene. ¹³ Ikomwongo inde awongose monoko alikambo la masio mango azalaki opumbesi wikeko wa baala milungu na mbeke , wohonde loi wo Yehova. ¹⁴ Nde nzongo , denda ikomotomesaka inde la lisobe ikoase la ndenge eoheli motema . ¹⁵ Ikomohekele inde wilanga wande wa bino opoti ehenge engele nzongo . ikomohekele inde liuno la honelu la ahole nda ebete eolingeli la mboka egalal la ongo inde akowongosa mene na la masio wungo wopumbali inde la Egipito. ¹⁶ Ekokelana mene ndjo la wuhungo wuse, ndjongo, woho nde loi wo yeova: okambela mbai ate molome o Mbai, ase otowela mbai alidi ate likumu la mbai. ¹⁷ Ikolongose nkombo dja wikeko wa Baala la monoko monde, wato mungwa eho alidi la nkombo e eho. ¹⁸ /v 18 Alikambo la wuhu ngo wusenzongo, ikokela mene ondimani la nama motulu zinge iko abataka la lisobe la ekelami enge ekohumbwaka likolo la nama zinge ikoa gulaba la solo , ikobuka wotolo la ewuni la ikosesela wita , la ikolongase eho kpaa lamoki la ikowa langia iwo la logoo. ¹⁹ Ikoowunela owe liwala alikambo ate ozee moli ombai la engele engele enge ebatamiti molelote , owe liwala la womemene kotola ngba ngbii. ²⁰ Ikoowunela owe liwala la ikoa kokomelele la owe , la laokomwewa mene Yehova . ²¹ La wungo wuse ekokelanga, wohonde loi wo Yehova , la laho likowongosela mbume ; Lambume, ²² ikowongosela pukapuka , la bino leleke la maita la wiho wikomo wongosela Jizileele. ²³ Ikoomonainde mene alikambo mbai na ekoonaka iwo mogono la mbume, la ikoomokela inde magba ongo otimookeleli iwo magba te , laikoasa la wango wato wambai te ate ; otini watowa wa mbai la iwo wakoasa ate : ozei Mwengei ombai !