¹ Loi wa yehova womozeleli Hosea mana o beeli la masio ma uzia , ma yotame , ma ahaze , koto ma hizikija , makumu ma yuda , koto la masioma jelogoame manao yoarhe , likumu la Isalaele. ² Lipotele la loi wo yeo asali la Hosea nzo : keke , motota moli ongo okokelaka woenga la wana wango wawoti inde la woenga wonde , te mpambate , alikambo la woenga , moki modei omotutei yeova . ³ Akeli omototi gemele mana o Diblaime , nzongo akpalalilemi la mbuse amowotelali inde mana opele. ⁴ Yeova asali la inde nzo : mokele inde nkombo yizileele , te mpamba te etekali wokeke yonge monguta mo yehumowongole monoko alikambo la tomuza osui makila majizileele , ikosukesa wokumu wo monguta mo Isalaele. ⁵ Ekokelana menenzo lawuse woho : ikobukabuka wotolo wo isalaele la liuno la lou la zizileele ⁶ Nzongo akpalali alidi lewi la amowotali oneoli. mwengei asali la indenzo : mokekele inde nkombo loluhama, te nepamba te itookela alidi monguta mo isalaele magba te, alikambo ate ikowalougose iwomene. ⁷ Aseikookela monguta mo juda magba ikowakelesaiwo la mboka jeova mwengei oowu, aseitowakelesa iwo la mboka e wotolo te, e ewuni te, e ewita te, e wampuda te, ewato wango wakosombaka la punda koto te. ⁸ Gboo gboo amokilesali loluhama mawele, la akpalali lemi amowotali mana opele. ⁹ Nzongo mwengei asali ate : mohekele inde nkombo lo-ami, te mpamba te ino otini wato wambai te la mbai itozaa mwengei oonu te. ¹⁰ Motio mowana wa isalaele mokou ma nda puka puka za ngene za mbu zinge zengiti opimani te otangami te. ekokelana mene nzo : la ebete enge ezaakali iwo waasi la iwo ate : ino otini wato wa mbai te, wakoasa la iwo nzo : wana wa mwengei omokalo. ¹¹ Wana wa juda la wana wa isalaele wakobo mane sama mene la wakozaa la wokiki ma koto, la memene, wako abatela likumu sa moikima, wakotela alikambo ate wapumbe la moki moho, te mpamba te wuse wo isalaele wokozaa mene wasungu.