¹ Otimopamelake eloko moto la maloba matetelake, kasi yakongo la inde nda wawa, ndjenga dja pele nda wamaangwa wa pele; ² wali wiloko nda waima , wilenge wali nda wamaangwa wa moli la mamungene malangi. ³ Mogano la wali wango wangweli walome wango wati la moto owagamesi. ⁴ Kasi inga moli mwesi agweli molome adja la wana , te wahahe, iwo wayekole okeleli ekaleli e nanganake la Mwengei liwosoyo la monguta mowu amene alidji wadjaake owakeleli wango wamoomusi la moki la wahahe wawu olamu enge waengi owawongoseli, laate eho endjimame la maiso ma Mwengei. ⁵ Moli ogweli molome omeemene, edjei ongo otikali inde amene, abateli Mwengei elikya pe akoyahaka la yongolo pe la oyakongi likolo la wuse. ⁶ kasi moli ongo oyahi la mwemu mo wenge, agwi inga ate atoni. ⁷ waasela dji sambo laate watidje la obe te okikima . ⁸ inga moto mwesi atiwahaka wato wande, la oyeteli oliye wonde, awungani ogemei, adjei obe oeti moto ongo otigemeye. ⁹ Moli ongo ogweli molome laate adhinge kombo e inde la masia ma wango waengi owagamesi, wilanga wande witidje sese e tuku motoba, adjakali pe moli o molome sa mwesi, ¹⁰ atidjaake moli mobe, inga awokolali wana olamu, inga okoyambakali wadjidji, inga akpoloki makolo ma wasatu, inga agamesali wango wadjei la otundake, inga abiliali la egalela otomo elamu kpaa. ¹¹ Kasi, longose seka djinge igweli pele laate ango ekowadjele posa ewu ewanesake wenge ekowatilesa atie Kilisito, wakoluka alidji oyiki, ¹² wakokuwaka laate watoni oengesi maloba mawu ma poo. ¹³ Kasi la engele eho, watibala aladji okeli otomo, wakosomba somba sa la minguta, watikelaka kine otomo, wadjei wato wakokpomakpomaka, wakoyalingesaka la sambo dja wato, wakoaselaka sambo djinge eengiti iwo oasi. ¹⁴ Eho lenge ibali ate seka wango wagweli pele waike, wawote wana, wabanye monguta laate watimohekele monguna mboka e otowaseli iso obe. ¹⁵ kaiko ase, wadji wawungi la obilei mboka e mondjili. ¹⁶ Inga mogemei mwesi o moli te o pele adjei la wali wagweli pele la olie wonde, inde awagamese, pe lingomba etikpale mungo mokpali. Djongo lingomba ewagamese wali wango wagweli pele wango wati la wato la owagamesi. ¹⁷ Dhe ate wikolo wango wosombesaka ndenge ndamu, watangame wato wawongi la mogano mbala iwale, la oeteli wango wakokelaka otomo otetelake e oasi pe e otiesakoli. ¹⁸ Laate lidhingo liasi ate: Watihelaka ngombe bu e motonoko engele ekotaunaka inde pukapuka; pe alidji ate moto ongo okokelaka otomo awongi la liputa. ¹⁹ Otindimake loyi lungo emopundi iwo eloko, olongosi inga easama la wato waale, inga te wasato. ²⁰ Pamela la maiso ma wato kpaa wango wadjei la ekaleli ekelake lisumu. ²¹ Ikoyakongoko la owe liwoso la Mwengei, pe liwoso la Yesu Kilisito pe la wahumbwa wango waonana ate obanye dji sambo te la mamungwene mbe, ango ekokelaka owe sambo , otionoke mbanda e moto. ²² Otimobatelake moto mawo obangu obangu, otiyaboliake pe la masumu ma wato, langa masio kpaa. ²³ Otikengake sa malia, kenga pe ma bino la kole e likundu la owe pe la wikoni wingo wikookelaka. ²⁴ Masumu ma weeti wato ekoeneneke la hoho, ekokpalaka mbala kikima la masambi, kaiko masumu ma weeti wato ekodjaka oeneni mbuse la hoho. ²⁵ Ndenge kikima, sambo ndamu ikoeneneke la hoho, koto djinge iti ndamu itdhihanaka.