¹ Loboame akeeli la Sikeme, la ebili ate wa Isalayele kpaa wadjaali la omoumesi inde likumu. ² ango eokali Yelooame, monga Nebate djinge mboli, adjaakali yo la Ezipito, ongo etilali inde lihele e likumu Salomo, edjaali ongo la Ezipito nde eyabatali inde. ³ Wawatomali wato wake okamoweli. Yeloboame la liaboliani liesi bii la Isalayele waadjaali atie Loboame, wamoaselali koto ate: ⁴ Sangwa atetelesali enangeli esu, owe sikandjo lemese otomu wotetelake wo sangwa koto la enangeli elitake enge sangwa atobatelali. Iso tokookelela owe. ⁵ Awaaselali ate: Kekeni, okowongwani ala mbuse e masio masato. Ndjongo wato wakeeli. ⁶ Likumu Loboame apotali okeli likita la wiloko wato wango wadjaakali omokeleli sango sambo ango odjaakali yo inde la mokalo, aasali ate: Nda litio likohekeleni ino laate iwaasele wa wato? ⁷ Dhenga enge emoaselali iwo inde: Inga keke owakelela wa wato, inga ooahekeleke, inga koto okowawongweselaka wingbundu wilamu, wakooelela owe wiengele kpaa. ⁸ Ase Loboame adheeli litio e wiloko wato, linge limohekeleli iwo inde, alingesali likita la wandjenga wango wabekali ebete eikima la inde. ⁹ Aaseli la iwo ate: Nda litio likohekeleni ino iwongwesele wato wango waasi la mbai ate: Lembese enanganeli enge etobatelali sangwa iso? ¹⁰ Dhenga wango wabekali mongindji la inde waasali la inde ate: Okoasa la la wato wango waasi la owe ate: Sangwa adjeleseli enanganeli esu elitake, owe tolembesele eho! Okowaasela ate: Mosei mo mba mokeke mokobeka oyeti libele la wawa. ¹¹ Sikandjo, wawa aokpalesalini ino enanganeli eesi elitake, mbai koto ikolitesa eho a oyeteli, wawa djaakali oohekelini ino etumbula pimbo, mbai koto ikohekeleni ino etumbu la wagake. ¹² Yeloboame mongindji la wato kpaa wadjaali atie Loboame wuse wo misato, odhengeli enge eyasali inde la likumu ate: Djakani atie mbai mbuse e masio masato. ¹³ Likumu awaekeleli wato ewongoseli la oasi wotetelake. Adheeli litio linge limohekeleli wiloko wato inde, ¹⁴ aasali la iwo ndenge ehekeleli ndjenge liio ate: Wawa adjeeseleli enanganeli enu elitake, ase mbai ikotaleya enanganeli enu. Wawa aohekelelini ino etumbu la pimbo, ase mbai ikoohekeleni ino etumbu la gake. ¹⁵ Likumu atiwaokelali wato, la ebili ate, eho esombesanali la Yawe, la oengesi engbundu enge Yawe aasali la Yeloboame, monga Nebate la monoko mo Asiya moto o Silo. ¹⁶ Ango eeneli wato wa Isalayele ate likumu aidjaakali owaoki, wamowongoselali likumu ate: Nda likao lidjei iso la eho la enge emodhengi Davidi? Toti kine la lisango mongindji la wana wa Isaya! La wakola dja owe, Isalayele. Sombesa monguta mo owe amene, ee Davidi! la eho wa Isalayele waongwesanali la minguta djau. ¹⁷ Leboame atutiali owaamaleli wa Isalayele wango wadjaaka oyabati la wagbata wa Yuda. ¹⁸ Likumu Leboame amotomali Adome, ongo odjaakali ongo owelanali la oputesi pako. Ase Isalayele eesi bii waobingali mabukeli, koto aguali. Likumu Loboame akeeli galagala okateli likalo, la otili la Yeusaleme. ¹⁹ Edjaali ndjongo nde Isalayele ekatuanali la monguta mo Davidi teela lisiola keke. ²⁰ Isalayele eesi bii waokali ate Yeloboame awongwali, la mbala kikima wawatomali wato wamowele laate adje la liaboliani, wamoumesali likumu la Isalayele eesi bii. Etondo e Yudaedjaali ndji eho edjaakali otutei monguta mo Davidi. ²¹ Loboame aumali la Yelusaleme, awelali wato kpaa wamonguta mo Yuda koto la etondo e Bezamina, wato nkoto nkama eesi la ntuku mwambi, wango wawongoli la wita, laate wasanese mongutamo Isalayele, la omowongosi Le hoboame mana osalomo likumu. ²² Ndjongo loi wo Mwengei omemene wo modjeeleli Semadja moto O Mwengei omemene ate: ²³ Mwewesa Leboame mana o Salomo Likumu la Yuda la Monguta moesi bii mo Yuda la Benzamina la wato wango watikali ate : ²⁴ Denda wuwu woasi Yawe ate: Woengitini oteli la osani la wamangbanu, wana wa Isalayele . wongani moto la moto la monguta monde , la ebili ate edjei la kole e mbai nde wu loi wokelani. Ndjongo watemeiyali engbundu e Yawe, waongwali ndenge otutei engbundu e Yawe. ²⁵ Ndjongo Yeloboame amaali Sikeme liklo la mokoli mo Epalaime, koto ayabatali ongo. Mbuse alongowali ongo, amaali koto la Peniele. ²⁶ Yeloboame aasali ndondo e otema monde ate: Sikandjo wokumu wokowongwa la monguta mo Davidi. ²⁷ Inga wa wato waela la Yelusaleme la otumbi mbeka la monguta mo Yawe, motema mo wa wato mokowongwanela likumu lawu, la Loboame, likumu o Yuda, koto wakondjola mbai koto wakomowongwanela Loboame, likumu o Yuda. ²⁸ La eho, likumu akelali likita akelali wana wa ngombe waale wa wolo, aasali la wato ate: Edjei odjidji otelakeni la Yelusaleme, ee Isalayele! Dhenda Mwengei o owe ongo oopumbesali owe la moki mo Ezipito. ²⁹ Abatali mwesi o mana ngombela Betele, koto odji la Dane. ³⁰ Ema eho eumali loi wo oelesi wato lisumu. Wato wapotali liwoso e mwesi e wana wa ngombe tee la Dane. ³¹ Yelooame akelali mnguta mwesi la wibete winge widjambani, awakelali wanganga-Mwengei wango awatotali ndondo e wato, watidjaakali koto la litoto e wana wa Lebi. ³² Akelal lipati la ndebo e mwambi, la lisio e liomu la itano e ndebo, nda lipati linge lidjaakali okelani la Yuda, ahekeleli koto wabeka la etumbeli. Dhenda enge ekelali inde la Betele laate watumbe mbeka e wana wa ngombe wango awakelali. Abatali la Betele wanganga-Mwengei la wibete widjambani djinge ikelali inde. ³³ Atelali la etumbeli enge ekelali inde la Betele, lisio e liomu la itano e ndebo e mwambi. Ndebo enge eonoli inde la ndenge ende amene. Akelali lipati la kole e wana wa Isalayele, atelali koto la etumbeli la olongosi malasi