¹ Ndjongo likumu o moli o Seba aokali mogano enge edjaakali Salomo la eho, la mogano mo Yawe, adjaali omomiki inde la poopo tetelakolake. ² Aumali la Yelusalema la mokalakala mo wato ngbii, la wakamela winge widjaali okpali maita ma malasi, la wolo ngbii, koto la mabukeli ma motio. Alingelali atie Salomo, apotali omoewesi sambo kpaa djinge idjaakali inde la motema. ³ Salomo amolumbolelali sambo djande kpaa, etidjaali la ema enge likumu adjangali oleheli. ⁴ Likumu o moli o Saba aeneli enge lokenge kpaa e Salomo, koto monguta mungo momaali inde, ⁵ koto wilaka la mesa mande, wibete eyabatake e tuke djande koto wilelo, la koto wisindje e wango wadjaakali omokeleli, maana mango madjaakali inde okenge, mbeka djinge idjaakali inde oyumbi mbala la mbala ndondo e monguta mo Yawe. Mayele mamosilali, ⁶ Aasali la likumu ate: Loi wungo wookali mbai la moki mo mbai la kole e sambo dja owe koto la lokenge la owe edjei meemene! ⁷ Itidjaakali ogemei, liwoso ate idje koto iyene la maiso ma mbai amene. Dhenda koto, wungo wondjaselali iwo mbai woumiti awodja. Lokenge la owe koto la wogumake wo owe woyeti sambo djinge iokali mbai la matoi ma mbai. ⁸ Mwemu mo wato wa owe, mwemu mo tuke dja owe wango wadjei engele kpaa liwoso la owe, wakookaka lokenge la owe! ⁹ Yawe, Mwengei o owe apambwane, inde ongo aemeleli la owe ndenge e obati inde la ngbelengo e okumu wo Isalayele! La ebili ate Yawe abali Isalayele la engele enge ebataniti molelo, aobati owe likumu la oteni sambo koto okeli la omeemene. ¹⁰ Amohekeleli likumu talata nkama eesi la ntuku iwale dja wolo, maita ngbii malumba, koto la mabukeli ma motio. Maita ma lumba nda djinge imohekeleli likumu o moli o Saba likumu Salomo matienenekiete alidji. ¹¹ Waandondoli wa Hilame, winge wikpalali wolo olongoyi la OPile, wakpalali koto tee la Opile mabaya ma sandale koto la mabukeli ma motio. ¹² La mabaya maho ma mite ma sandale likumu akelelali wiheleli la kole e monguta mo Yawe koto la kole e monguta mo likumu, talia koto wilondja la wibingeli wa ndjiki la kole e walembi. Mabaya ma mite ma sandale nda mango ndjongo maidjaate kine alidji, matienenete alidjitee wuse wo keke ¹³ Likumu Salomo amohekeleli likumu o moli o Saba winge kpaa wiemeleli inde la waho, winge wiongoli inde, longose wiho winge wimohekeleli likumu Salomo la kole e ewo ende e pete. Mbuse eho ayakukola akeeli la moki monde, mongindji la yuke djande. ¹⁴ Oliti wo wolo wungo wodjaakali iwo omodjeeli Salomo la elanga wodjaakali talanta nkama motoba la ntuku motoba la motoba dja wolo, ¹⁵ longose wungo wodjaakali olongoi la wato wa lokendo la liwongosele linge lidjaakali olongoi la wato wa otambi, koto la makumu kpaa ma Alabia, koto makumu dja moki. ¹⁶ Ndjongo likumu Salomo akelali alidji nguba sungu nkama iwale dja wolo wungo wowanesamate, eesi eesi la eho wakelelali sikele nkama motoba e wolo, ¹⁷ la djeeti nguba nkama isato dja wolo wungo wowanesali iwo ewonda isato e wolo, likumu abatali djaho la monguta mo motulu mo Liba. ¹⁸ Likumu akelali alidji ngbelengo eesi e okumu esungu e handa e mbongo, adhihali eho la wolo wungu wowongesani. ¹⁹ Edjaaali la ndjapanda e matindi motoba, esuki e likolo eyalingali ngambo e mbuse, edjaakali la eikeli ngambo la ngambo e esuleli, nsimba iwale idjaakali ahue e wiikeli djaho, ²⁰ nimba motoba la ndjapanda djaho ngambo la ngambo. Ekelanakiyo ndenge e enge ngbelengo la okumu teeti. ²¹ Wikeleli paa wa okengeli wa likumu Salomo widjaali wa walo, la wikeleli wa monguta mo motulu mo Liba widjaali wa wolo wilamu, Ema teeti etidjaali e palata: Wadjaakali ondendeli palata nda ema enge eti la kole la masio ma Salomo. ²² La ebili ate likumu adjaali la waandondoli e Talasisi la djinge dja Hilame; mbuse e wilanga wisato kpaa waandondoli wa Talasisi widjaakali oumi,wikpali wolo koto la palata, handa dja mbongo, wakema, la koto mbulu dja lipombo. ²³ Likumu Salomo awayetali makumu kpaa madji ma mbume la okumu koto la lokenge. ²⁴ Wato kpaa wa mbume wadjaakali olukani mbanda e Salomo la ooki lokenge wonde, wungo wobatali Mwengei la motema monde. ²⁵ Wadjaakali okpali moto la moto likao lande, wiho wa palata, la wiho wa wolo, wisindje, wisaneli, maita ma lumba, wapunda koto la mile; edjaakali okelani ndjongo elanga la elanga. ²⁶ Salomo adjaali sa obomanesi makalo la punda dja wita ngbii oyeti, aumali la makalo nkoto eesi la nkama inei koto la punda dja wita nkoto liomu la iwale abatali djaho la wagbata wa makalo la Yelusaleme ahue e likumu. ²⁷ La Yelusalema, likumu aumesali palata pamba nda mabukeli, aumesali koto mabaya ma sedele pamba nda mite ma sikomole minge minge mikotooko la wibete winge widjangi mikoli. ²⁸ Wadjaali opumbesi wapunda la kole e Salomo olongoi la Ezipito, egogo e wato wa otambi waotambi wa likumu adjaakali osombi egogo e wapunda ls wadjenge: ²⁹ Mbala la mbala, likalo liesi lidjaakali odji, inge lidjaakali opumbesi la Ezipito la motio mo sikelesi dja palata nkama motoba, la punda eesi la motio mo nkama eesi la ntuku itano, edjaali wadjenge la kole e makumu kpaa ma Waheti la makumu ma Sulia. Wadjaakali opumsi djaho la mboka ewu.