¹ Denga nda ndenge e libalano linge litohekeli wawa, laate iso towelane wana wa Mwengei; mpe iso todjéi ndjongo. Eho enge moki etitoyewaka, laate etimoyewe pe inde. ² Wamaangbasu wa libalano, sikasikandjo, todjéi wana wa Mwengei, kasi ndenge enge ekodjaa iso enenekiyo la hoho. Ndjongo iso toyewi ate ango ekoenene inde iso tokodja ndenge kikima lainde; late tokomoene ndenge edjei inde. ³ Moto kpaa odjei awungo lomungo ayawongele ndenge kikima nda moto oho alangi. ⁴ Moto kpaa ongo okokelaka obe akobukaka pe pui, laate obe edjei obuki pui. ⁵ Wewini ate Kilisito aeneneli laate alongose obe wosu, inde ati la obe ndondo ende. ⁶ Moto kpàa ongo oboliani la inde ebete ekikima atikelaka obe; moto tweti ongo okokelaka obe amoenate, te omoyewi. ⁷ Ino wana wakeke, moto atiokoseni, moto ongo okelaka sambo ndamu adjéi moto molamu, ndenge kikima inde pe adjei moto molamu. ⁸ Moto ongo okokelaka obe adjéi mana mondjili, laate mondjili akokelaka obe te la lipoteli. Edjei la gbondo eho nde eho mana o Mwengei eneneli la hoho; laate abukakole tomo dja mondjili. ⁹ Moto kpaa ongo owotami la Mwengei atikelaka obe, laate momboto monde moyabati ndondo e moto oho, mpe atikelaka obe, laate inde awotami la Mwengéi. ¹⁰ La ndjongo wana wa Mwengéi la wana wa mondjili wakoyewanaka la lu loyi: Moto kpaa ongo otikelaka sambo ndamu alongoyiti atie Mwengei, ndenge kikima la moto ongo omobaliti maanango. ¹¹ Laate ehele edjei mboli e okali ino tee la lipotele: Ewongi ate iso amene tobalane. ¹² Eti nda Kaina, ongo olongwali atie moto mobe mpe amolali manango. Nda loyi e molali inde? Laate sambo djande amene edjakali mbe, kasi enge e maanango edjakali sambo ndamu. ¹³ Otikamweni, wamana ima, inga moki e kootonakani. ¹⁴ Toyewi ate tolongoyi la logo to wumia la mokalo, laate tobali wino wasu. Moto ongo otibalaka adjei la logo. ¹⁵ Moto ongo omotoni maanango adjei mooli, alidji oyewini ate mooli toeti mokalo mo libela modjei la inde. ¹⁶ La lu loyi nde toyewi libalano, ndenge Kilisito ahekeli mokalo monde la iso; iso mpe, tokoki ohi mokalo mosu la wino wasu. ¹⁷ Inga moto kpaa ongo odjei la wiho wa mu moki, aenia mino onde la otundake, ahelia motema, nda ndenge libalano e Mwengei edjei la inde? ¹⁸ Wana wakeke, totibale la oasi pe la olemu, kasi la tomo pe la o meemene. ¹⁹ La eho nde tokoyewa ate tolongoyi la o meemene, tokogemeika mitema masu liwoso lande. ²⁰ Laate inga motema mosu motolumba Mwengei adjei mosungu oeti motema mosu, ayewi sambo kpaa. ²¹ Wamanima e libalano, inga motema mosu motitolumbe, todjei la elikiya atie Mwengei. ²² Inga tokoongo, inde akotohekela, laate totemeika pui djande, alidji tokokelaka ndenge ebali inde. ²³ Ehele nde edjei mobeko monde: tondime kombo e mana onde Yesu Kilisito, tobalane iso la iso, ndji ndenge atohekeleli iso mobeko. ²⁴ Ongo oisi mobeko monde akotikalaka la limbutukele mongindji la Mwengei, la loyi luho tokoyewaka ate inde atikali la limbutukele mongindji la iso ndondo e elimo atohekeli.