¹ Mangbo tsiya, dhinga te enga kandolo mburu bili esuga o marazi maga, te madje bili ka o bala kpara na makowho engbo fa djogo mogbala: nono. ² Mangbo tsiya, ano, bu dhongi bili ekote. Kpara no engbo le tengi nongbo de derhe, ndata ngama etoteye fengi, te engiya koto toka na gogo de na nyaga. ³ Go dhinga te engi mburu no na bhochu, madje kpara na bhochu na makowho engbo fa: nono. ⁴ Te gara dhongi mbayi mbembe koto, kpara engbo le tengi no eza gongama na eme gungo go to, ba o kpara woro ngoro wo esuga wo, te eto teye ngbengele sape. ⁵ Go dhinga te engi eme maga na bata, madje kpara na bata na makowho efa: nono. Mangbo tsiya, tano, bere dhongi koto. kpara engbo le tengi nongbo de he engbo shile tiri. ⁶ Te madje kpara na bala na makowho efa: magbene bili na tsombo fe makuta bili, de magbene bata na mapunga fe makuta bili, tano amemele engo bili de fe emo de fande. ⁷ Go dhinga te engi eme maga na bala, madje kpara na bala na makowho efa: nono. ⁸ Mangbo tsiya, tano, mbayi bubu dhongi koto. kpara engbo le tengi ngbo buka tehe ekpi, ano ela na kpi ekote dengi mini. Te ndjaka ewo na manyaga eto teye fengi endjo edele na suga na to, toka na mele moro ogara kpara de ngbengele sape de gomo, de ekpi mini, ositi enuna bele na eto. ⁹ Go dhinga tee emburu maga na bhuleve, te matsiya esa altare me o kpara de ono omoro wo toka ngo na ngali Eme de gara ongo no ongbo dada ono omaka teye. ¹⁰ Engi ngbo wanga de ndjandjaka, ba: mbi go ne dhinga ne, sele de ngbili ishule, mongboga toka narengo, de na du njanja toka ngote a fe o ingbo fe to? ¹¹ Te oto ngbengbengele bu bongo fe kpara bili bili esuga wo; tengi ulu etikpe na fa ba, ongbo babi go dhinga na , mbi go dhinga te alingita teye nde go kudhumu na kitima kawo de o ndanda iye tano engbo ekoto de ekpi bakana wo. ¹² Te ma tsiya, go dhinga engi mburu maga na madhiya: engi maka bazuguzugu na to, ela ekoto bebere bakana mbura na kele, te efe ndubu ekota bakana ngote, ¹³ te o kofala na kpe oto nate kito, bakana ozunguzungu na woro ndjandjaka na toro wiwi figi kito. ¹⁴ Te ekpe egala teye djogo buku, te ota nde mini le o ndjongo oto na dji teye go daye. ¹⁵ O ngama na ete, de ongbe ngama, de o ngama na mava kuturu, de o kpara na kumuka, de ewo kpara, omabozo, ewoteye go mbulu na teme de oganga. ¹⁶ Tengi oto na fa fe oganga de o teme: ite fe a, iwo a kanga kpara engbo fe bhala ngama, de kanga make guma na enga kandolo; ¹⁷ kokoro de ngbe la na make guma engi ekotoyi, eda leke na tiga daye?