¹ Te matsiya tokana go kokpa ka kpara engbo fe bhala ngama, buku egateye o yete gobubu de fefe. ² Te matsiya ndjaka anzelu, eto na wanga ndjandja: Eda leke na guma maga de na ho buku? ³ Te kpara bili de go kpe, de fe to, de esa to, lingita na ho de natsiya buku. ⁴ Te ma kugba natsiya kpara bili no lingita de na ho de na tsiya buku. ⁵ Te bili ka o diri kpara efa fele: kugba de, tsiya mazambula na yingili ka Yuda, eya go bu Davidi, enyaga toka na guma maga de na ho buku. ⁶ te ma tsiya, go bu bhala ngama, de o kpara bala na makowho de o o diri kpara bukpa bhochu de feye bala, enga kandolo engboka djogo ba odangi. Engi nongbo d'o hedi de dila marazi, no engbo shile marazi sipiriti no te Eme no tima go to. ⁷ Eno te eza buku go kokpa ka kpara engbo fe bhala ngama. ⁸ Go dhinga te engi za buku, o kpara bala na makowho de o diri kpara bukpa bhochu de feye bala ogbukuma fe enga kandolo, ozoro kpara na kpara domo bili de o kodo na nzenge (oro) gbe de bandele, engbo losambo ka o sele kpara. ⁹ Ongbo bi tō tī ka'Me, efa: Molingita naza buku, de na mburu maga fefe, kokoro de ono damo, te Eme siya mo tokana fengi de ngotemo ka o kpara, de o yingili nde, ka o li nde, de libi kpara kote de okote nde; ¹⁰ mo mele dewo o kpara na kote ngama bili de o ifotewo fe Eme ka ha, ongboga nyaga fe to. ¹¹ Mangbo tsiya, te madje li ka libi anzelu ede bhala ngama de o kpara na makowho de o diri kpara, no te motango kawo ngbo kama na kama, koto na koto. ¹² Ongbo fa de ndjaka li: Enga kandolo no ono da, elingita de ndaka, kumuka, kira (bili), ewo, ngala, mazezeba de mabebe! ¹³ Te madje o he nde Eme mele go kpe, fe to, esa to, fe ngbengu dhe o bulu he nde engbo ka, ongbo fa : fe kpara engbo fe bhala ngama de enga kandolo, mabebe, ngala, mazeba d'ewo karanga na karanga! ¹⁴ Te o kpara bala na makowho ngbo fa: de angbo ba! Te o diri kpara ngbo gbukuma o dhiri ndjo wo kito.