¹ Sidi ngano matiya o angelu bala o lo etikpe te dele seke bala na to, oza owavi bala na to, ba o ulu wavi de teto, tengbengu de te belede. ² Ano matiya o angelu bili, nongbo le tedele seke ela yiya te, ano nono ezaro ee nagotere ka Eme na makowho, engi wanga go ndjaka li fe o anzelu no te ono to fewo na mele sitingo teto dhegbengu, ano engifa; ³ mele siti ngo de teto, te ngbengu de te bele dembi bate nindjiya na go tere te landjo o moro kitima ka Eme kani. ⁴ Ano madje magola ka ano te ono go tere tewa koto bili de kama bala de feye bala nde go yingili ka o dinga izaralita, ⁵ go yingili ka Yuda, koto bhukpa de feye bhochu o tere, go yingili ka Rubano koto bhukpa de feye bochu, go yingili ka Gada, koto bhukpa de feye bochu, ⁶ go yingili ka Azera koto bukpa de feye bhochu, go yingili ka Neftali, koto bukpa de feye bochu. ⁷ go yingili ka Simeona , koto bukpa de feye bochu, go yingili ka Levi koto bukpa de feye bochu, go yingili ka Isaka koto bukpa de feye bochu, ⁸ go yingili ka Zabulona, koto bukpa de feye bochu, go yingili ka Yozefu, koto bukpa de feye bochu, go yingili ka Bezamina, koto bukpa de feye bochu no te o go tere. ⁹ Sidingano, matiya ano tiya onongbo libi o kpara, ba kpara no lingita de na gola dhe kotende te yingili nde, de o kpara nde, de o li nde, engi nolo kanga bhala de kanga enga kandolo omba teye ngbengele bango, dhe o kpangulu esaka wo. ¹⁰ ano oya wanga te djakade ndjaka li nafa, makolwo ngbo te Eme kani nongbo fe bhala de enga kandolo. ¹¹ Ano o angelu nde o lo molimoli na bhala ngama de o diri kpara de o kpara bala nongbo de dje, ano o gbukuma fe landjo wo kanga bhala ngama, ano o bebe Eme. ¹² nofa Angbo ba! nadu jongo ngbengala kera, ano ee na dongo, mabebe ewo de djaka, ngbo de Eme kani, o karanga na karanga! de angboba. ¹³ Ano bili ka o diri kpara eya za nalongo de na fofera, ono mbatewo de ngbengele bongo bubu, wo doda ano oyayiyo. ¹⁴ Mafa fengi , ngama kara, mombela. ano engi fa fera, adeno o koto go djaka magala. O gara ngbengele mbongo kawo ono mbuhu anga go ngote ka enga kandolo. ¹⁵ Atokana ongbo kanga bhala ngama ka Eme, ano omele fengi kitima biti dha la goteEme, nongbo bhala ngama luga ete kayzewo. ¹⁶ gomo ngbo tokana de, gomo ngu ngbo tokana de. ¹⁷ so enga kandolo nongbo esuga bhala ngama toga fe wo fikpago dhena tima wo go kpongu na makolwo ano Eme furu gaye gula nde te dila wo.