¹ Sidinganga te matsia angelu bili eyia go kpe tekwoo, engi zoro targa tolo na ngbedu na lifero de ngbe monyolo o gala koto ² Te engi taka dalagona diri kporo, engbo de Djaboro, gbongwa, ³ engbo engi go lifelo te engi eboso edhika kadje fe engi tongo engi no fite o kpara mbi te ogala koto golu, sidinganga ayo baa otse kpa te engi tongo ka mbodhinga ⁴ Sidinganga, matsia o bhala ngama, te ono embela teo woza ewo no elengeta na kolongba. Te matsia tokana molimo ka o kpara enani te o dedoro wo emoro tongo ka kpara di ngali Yezu de ngali Eme onono nde no le dhe gbongwa de enokonda de na okulungi de wozoko go kpi tewo kwo nonyiga o gara koto bili dhe Krisitu o galakoto. ⁵ O gara kpara enokpi o gara koto de egilano fe ogala koto bili anga de gina mazoko, zongo de lidjadja fe o sele kpara ezoko go ⁶ kpi, ekpi na bhochu nyigae fe wo de, sono onongbo o kpara ka Eme, te wo nyiga dhe wo mbi ogala koto bili ⁷ Te gala koto bili gulu, djaboro eyia mburu teye go te eku ⁸ Te engi koto tongoka na efite o kpara na sala; gogo dhe Madog engo ka na hulu bewo tengo ka ego, wo elibi enye seke na ngbengu ⁹ Tewo bite te edji o sele go kambe kawo dhe yo o gbata kawo sono ewa eyia go kpe etsuru wo ¹⁰ Djaboro, eno fiten wono, no gboteye go tsuwa dhe onona enongbo elongo bakana o profeta, te ongbo egala ogana ogala. ¹¹ Matsia ngbe bukiti dhe kpara enongbo fefe eto dhe ekpe engi ngengele, te omaka daseke de fewo, ¹² matsia o kpara ekpi dhe ono engbo go makowho elo ela kitima ngama, te o buku etona ote o gara buku e oto na kolo ngbanga ka o kpara bakana tere angbo emele ewo te le ¹³ Ngbengu egbe o kpara nde eno kpi eno ngbo esangu ono onokpi dhe ono onokpi ezoko o kolo ngbanga kawo bakana te wo ngbo waga teo tete. ¹⁴ Sidinganga o kpara enokpi dhe na makpi egbo te ga ewo, nono dhe makpi na bhochu. ¹⁵ Fee onono nde te elewo no makateye de go bhu baki na makowho, nongbo teo go bu tsu ewa.