¹ Sidinga matsia to kpe dhe to eto. Diri ekpe dhe diri eto eyia engeta te engi ngbo mama ² Matsia te kwo sidinga Eme, go kpe gbata ka o ngbili kpara, to Yeruzalema eleketeye bakana worose emele teye fe komoko kadje ³ Madje elindjandjaka eyi ago kpe efa baa: itsia ta sene na kele ka Eme esoga o kpara! Engi ngbogae dhe ewo, engi ngbo dhe Eme kawho. ⁴ Engu furagae ngula nde go dila wo, ekpi gbogae tokana de te egba ngbo tokana de, wiwi de, kake de, tongo ongo ngbo nani egila engitayi. ⁵ Eme, ngama ngbo fe bhala na manyaga efa ba: tsia mate mele o e nde fe eto, te engi fa ba tokana baa e te ma ete tongo ngali Eme dhe ngbilingo de ngalaye. ⁶ Sidinganga te engi fa fele ba ma de Alfa de Omega, kpara na gigina de gara na sidi na gigina de na sidi no edje gomo engu mato fe engi kokoro. ⁷ no ongbo ekoto egila nofe o bhue za ngakpa ne, mangbo de Eme kangi ⁸ O ongbo de kodja omoro ndjaka ndjo, omoro ligbiri, omoro sitingo, o imomoro, o na siti ndjo na gbama, o moro kuma, o nono engbo ele de siti eme de omoro dhawo ngbo tsu ewa na dhema de nodhe makpi na bhochu. ⁹ Sidinganga, soga o angelu marazi eza kopo na magala ene na to ngali efa baa: nano maasudha femo woro kandolo ¹⁰ Eya bera go meye fe ngbe te engi sudha fele sele gbata Yeruzalema enongbo eko sidinga Eme. ¹¹ Engi enyiaga go zewa ka Eme, tengi emala teye de ngbili teme nongbo sesele bakana teme na cristala ¹² engi ngbo egate ye dhenga de ngbengele zeriba engbo de langote bhukpa de feye bhochu na yingili ka o Isaraele ¹³ Anongbo te ela eyia ete lango te bala, ekati langote bala fogo de esago o langote bata. ¹⁴ Zeriba na gbata ngbo de damalu nde eza ele o apostolu ¹⁵ Kpara enongbo efa fele ngbo dhe e namapimi na oro tongo kana pimi gbata de o langote dhe ziriba ka. ¹⁶ gbata no koloteye ndjeete temamo kakangbo de mabaka bili. Angelu epimi gbata no de metere mamode mabaka ekoto nde 2.200 kilometere. ¹⁷ Tengu pimi diri ziriba te akoto metere 72 bakana mamoka kpara te angelu o. ¹⁸ Ziriba luteye de teme na ndjaka ngba sesele bakana vere. ¹⁹ leziriba no oteye de sele teme nde: gina leziriba oteye de teme na ndjaka ngba lele na bhochu te safiri, na bata de Kalesedone ²⁰ Na bhuleve de saradone, na madhia de koronalina, na marazi de koruzolita na bhogena de beru, na menewa de topaza, na bukpa de kuroso paraza. na bukpa de feye bili angbo de dasita na bukpa de feye bhochu ngbo de amete site. ²¹ O langote bukpa de feye bhochu ngbo nde de te teme na ndjaka ngba, langote bili mele teye te teme na ndjaka ngba bili da gbata no go teme na ndjakangba, bakana vere ngbadha. ²² matsia de ete go bu gbata to gongama, eme moro ndjaka de te kaye de kandolo. ²³ Gbata de ngala engbo de la, defe ama tokana chudha seke, sono ndjaka ka Eme, te chudha nde deo kandolo ade darapo. ²⁴ O kote nde dhokogai go mba seke te o ngama na sala begai mabebe kawo ²⁵ olangote kawo dhikaga teye yelazi, tongo biti ngboga de. ²⁶ Ozaga mabebe na sala ²⁷ Engi lega de sidinga worose no tokana djere teye, kpara bili tseteye de wo: onote elewo ngbo go buku na makowho de kandolo.