¹ Sidi ngango no, madje go kpe o kpara o te zeba engo ka Eme, aleluya, makowho de ee bata ndaka kame kani ² kokorode ngbanga no engi kolo go ngbilingo tengi worose na gbama to mabe fe ngbe worose na zama, Ewoza ngoten ka moro kitima ka ye ³ ono fa na busu: aleluya, kokoro de nguwa eya nga worose na waza ele tsikpe danga ngboba ⁴ o diri o kpara bukpa bhuchu de feye bala, de o diri kpara bala oko kito to gnbukuma fe engbe eme engi ngbo go ngbe kiti de angba ngnbo ba to wanga tokana: amen! aleluya. ⁵ Ano te li bili eyia etsikpe go bhala na ngama Eme: nito fengu sele guma, eyi o mavangu bada noi te idje lingi elande de ombombo djadi ⁶ Ano te madje li-o pkara lilibi bakana ngbengu etike go teme panga, bakana li mogbala anga mbosola: aleluya! kokorode Eme ka a ndjandjaka ano nde esula ndjaka na ngama kangu ⁷ Nito fengu zongo, sele guma, nito na gbukuma kokorode toka ebe na kadje ka enga kandolo anga jojo, tongo worose eleke tee toka kadje ⁸ mbezo bongo enga te tsi eto tee bangi yo, ndaka bongo na ngba jojo esule ngbilingo na zo guma. ⁹ Sidinga ngo no, angelu efa fele : ba mo ete jongo fe o kpara to oliki wo go beka kadje ka kandolo, tengi fa tokana: eli ka Eme anga de ngbilingo na makowho, ¹⁰ Ano te magbukuma go le ka angelu, tengi ifafele: ba mamele bade! made ndaimo na kitima de ho ndaimo go kobo ka Yezu mokpe de mogbumu be fe Eme! ¹¹ Ano te matsia etsikpe e ote enga bu kandolo engi nongbo egilama, ele kano mbo ege ngu, anga nongbo go ngbilingo fana fano, ingi ekolo ongo nde de nago ego go ngbilingo, ¹² djira engu mbotsi matsia de wa de o libi ngo, o ete elengu go kotengu go elengu embela da seke baba. ¹³ Ingi yo ngbengele bu bongo eko go ngote elengu ba eli ka Eme. ¹⁴ Ho kpara nde go kpe ombo fangu bu kandolo, engi no yo bubongo na selengo ¹⁵ ese bili na tengu eno koto go mongu toka na o ngo de guguma engi mbo edjoko de se tokana nayo ho nguwa na lelo de ke guma ¹⁶ Tokana ngbengele na bu bongo ba o ete ngama na ngama nde go esala ¹⁷ Ano te matsia angelu bili elo eto hiyela ingi ngbo fa go ndjaka li te nga lu nde ombo e ulu de ndjakawo nono go ngbe ebe ka Eme, ¹⁸ Toka nazo so o ngama ko djingoro de o dhongi de o imomoro de o mabamu o moro tsenga, de o ngbe kpara de o mbomboyi ¹⁹ Ano te matsia eno ka o ngama go sala o moro go na noko de bu punda kangu ²⁰ ano eno no i tei de de moro wu ingi nongbo de ndanga ele na fite o kpara, engi no ete siti eleno na o ndjo kito na magbukuma no ositi ono, wuwo nde bosu na o moro wo, ongbo wuwo nde go bu ewa na baruti. ²¹ Ano, ese no koto go mongu edoko de dhongi, eno moro o kpara ono ngbo de olu onosi de n azo so o kpara.