¹ Sidi nganga, matsia go kpe gasa angelu, na koto de ngbe manyaga, te eto ekoto mbamba de mazeba, ² Tengi wanga go ndjaka li nafa ba: Ingi tee, tengi te, te Babilona, ngbe Babilona! engi koto baka seke na djaburu, de seke na mambila nde de siti eme, te seke na mambila dõlu nde mini de ositi olu, ³ Kokoro de o ngama na feto oto fande na mandjo na mele zawa, te ondjo ngbe ngama osudha teye dewo na mele zawa te owa mvula na kito okoto de ndjaka wo na kumuka. ⁴ Madje go kpe gara ngali na fa ba, ekoto esuga wo kpara kama, de mole go kiligbiri mama de oni sudha teye go sitingo de, ⁵ tano o kiligbiri kawo ekoto nedjo mbi gi kpe te Eme ekina de ositingo kawo. ⁶ Futi bakana tengi to de moto fengi do bhochi na tsia kitima kawo, natsia go mbura no, o ohete do bhochu ⁷ tano , ozeba tewo na koto go jongo, sidinganga engune akoto bakana dangba, kokoro engi fa go gumangi, makotogi nangbo bakana ngbe ngama worose na made kigwa mama te makoto no tsia dagba de, ⁸ Toka ngono, ela bili, magala koto de kpi dagba de gumu, tengi tsuru teye gowa, tongo engi de ndjakawo, ngbe ngama Eme engi ngbo mele. ⁹ De ongbe ngama mini na to, etoteye de zawa de o jongo oku teye na dji tewo tokango kangi dhingano engi tsia nguwa de jongo kangi ¹⁰ Tengilu ngengele na kpe magala engi fa fewo tsinga! tsinga! nangbe gbata Babilona ngbe gbata de ndjaka wo, go dhinga bili enu na ngbo engu kama. ¹¹ De o ambula nde mini na to koto de o kugba tongo kawo, kokorode kpara bili de koto nasia kumuka kawo, ¹² kumuka de oro, dekose na teme sesele, de ojo bongo, de o gbiye kawo jojo nde mini de eco jojona nde mini de o gbiye na eco nde mini de oti na teya de ogbiye nalo na kunu nde mini, de ogara gbiye. ¹³ De leluna sina mome leluna aromate de ojo emu, na kee, de fande, de emo, de selemo, de tsombo de obagara, de omu, de o dhongi, de o kpurupkuru, de kute de molimo ka o kpara ¹⁴ Lelono mongbo ekina ekotoyi ngengele de mo, de o jojo ngonde mimi ewoteye femu de momaka tokana de ¹⁵ O kpara de gbiye na kumuka omaka kose tokote wo, olu ngengele na kpe kumuka kawo, ingingbo na kugba go dengba, ¹⁶ engi ngbo fa ba : tsenga, tsenga na ngbe gbata engi yo mbe mbongo bakana na oro, dejo teme! Ekoto dhinga bili kumuka no emisa teye, ¹⁷ O kpara nde mini ongbo dhoko de enono odhoko go djilangu, de o kpara no nde mini omemele kitima go djilangu elu ngengele de engu ¹⁸ Tengi wanga, natsia nguwa gbangi ete , gboto me engbo bakana ngbe gbata ete, ¹⁹ tengi furu ndjowo de zuto, na kugba bakana go dagba, engi wanga nafa ba: tsenga, tsenga, ngbe gbata go seke oza kumuka ete de o kpara nde mini engbo edhoko go djiklangi, go dhinga bili emisa teye. ²⁰ Kokpe engbom de wo! deyi osele de o apostolu, de o profeta, engbo goda seke bili dewo! kokorode Eme ngbongo na kolongo ²¹ Tano ndjaka angelu de wo eza teme bakana ngbe teme onika tete, tengi toro go ngbengu na fa ba: ano engbo gilano de mazoro ndjandjaka bakana go Babilona ngbe gbata, te otsiangi tokana de ²² Te odjengi tokana de fengi dengali bakana kpara ome likembe, de obayango, de okpara omi nambongo, o makawo tokana wo fe ngude de obayango de o kpara bili de na mele ojongo dena dje gara gili na rika ohi ete. ²³ Zewa na tala tsi de fengu te ngali na komoko de worose baka de fengu, kokoro de omoro kumuka engbo kpara na eko, kokorode okoti nde mini ofiti teye go kadji kama. ²⁴ Omaka ngote de o sele de o profeta, de o kpara no nde mini emaka ekpi go sato.