¹ Tokana matsiya gokpe gara mashile, ngbe te aleteye: anzelu marazi enozoro ndjandjakango marazi, ono natatsu, kokorode fofo fewo ye ndjandja ka'Eme meleteye. ² Te matsiya bakana ngbengu go taratara edjere teye dewo, de no nodji eno, te kulu engi de o ele nodjo kangi, mbele fe ngbengu taratara, ongbo de domo ka'Eme. ³ Te ongbo bi etsi ka Eme ka Mosa: Ileke ngo ka Eme, de otsi kanga enga kandolo, nafa: onga kitima ngbengbe te aleteye, Ngama Eme de ndjaka nde! O limo bifano de ngbilingo, Ngama na okote! ⁴ Eda ngbo de tsoro mo de, ngama, de nabebe elemo de? Kokorode mobi deno bili sele; so okote nde no ogbukuma egilano mo, kokorode o mangbo ngo nom shule teye i. ⁵ Sidi ngano manongbo tsiya, teme na kpukulu na matambis ngbilingo eho teye go kpe. ⁶ Te o anzelu marazi nozoro o ndjandjaka ngo marazi no okoto go teme, oyo o bongo na kono' gbagba, asolo, te onongbo de kudu nzenge egateye ede tomba. ⁷ Te bili esuga o sele kpara na makowho eto fe o anzelu marazi okodho marazi na nzenge, gbe de ndjandja ka Eme engbo kowho go o karanga na karanga. ⁸ Te teme esi de nguwa, fofofe mabebe ka Eme de ndjakaye nde; te kpara bili lingita de nale go teme, mbi go dhinga te o ndjandja ngo ka o anzelu marazi melega teye ete.