¹ Mago dilara etsia enga kandolo nolo fe ganga na Siyona, de o kpara ngbo dengi koto kama de feye bukpa bala de feye bala, nongbo nani de elengi de ele wo, eyete teye fe landjo wo. ² Te madje etikpe ngali bili, bakana gili ngbengu, bakana gili ngbe mogbala, elite madje angbonani bakana moro wutu de domo kao. ³ Toya nani bitotsi kanga bhala ngama, kanga o kparabala na makowho de o diri kpara. kpara bili nombela tsino de te angbo tano koto kama de feyebukpa bala de feye bala, bi ono siya nani te wo fe to. ⁴ O nono o siti kote wo de worose de, kokorode ombela kote worose de, Ote fa ta enga kandolo go seke nde tengi neke ete, Ono siya tewo esaka o kpara, baka maziga fe Eme de fe enga kandolo. ⁵ Gomo wo o liwu nongbo ama o gbe wo tengo bilide. ⁶ Matsia gara angelu bili ngbo ulu te kpe, engi nongbo de ngali na ndalo tokana nafa fe o kpara na kito, te okote nde o yingili nde, te olinde de o kpara. ⁷ Engi ngbo fa te ndjakali bili: ikpe eme, i to fengi mazeba, dhega nangbo ngo kangi ekotoyi, ibebe no mele ekpe de to, de ngbengu, de okpongu. ⁸ Te gara angelu na bhochu eya fata eya fa: engi te ngbe Babilona no to vino te okote nde na waza. ⁹ Te gara, angelu na bata eya fa ta go ndjaka li : te kpara bebe ngo no de, kulungi, engi za tere tela ndjoye de esakaye. ¹⁰ engi mini, ndjoga vino na likabhu ka Eme no tike o bite dego kongu na likabhu, tengi mbamba nagowa tengi gala kanga angelu sipiri de enga kandolo. ¹¹ Ano nguwa na magala kawo nole o karanga na karanga, ofe te wo de kini dide biti dide, ono bebe eno de kuluye, oza tere te elengi. ¹² Angbo na iguma ka o sipiri, nolila makpama ka Eme de male ka Yezu. ¹³ Te madje etikpe eli ngbofa: yete, lidjalidja ka ono kpi tsiane go makpi ka ngama, woyi, sipiri efa ba o fe tewo te kitimga kawo, so kotima kawo efatanga wo. ¹⁴ mago djalara, tsiya angbo nani busangu, nongo nani kpara bili no malateye de enga kpara ano ngote djongin ndata ngama na ore, tengi zoro lesape esakaye. ¹⁵ Te gara angelu koto go teme, eya wanga de ndjakali feno nongo nani fenguwa: sape kamo, Eme oee naye, so dhenga na Eme oee naye ekotoyi so eena mbeyi. ¹⁶ Te no nongbo nani sangu eya toro sape kaye fe to, engigoma ee nato. ¹⁷ Te gara angelu koto go teme nongo go kpe, engi ngbo, di de le sape. ¹⁸ Te gara angelu nongbo ngama fewo ekoto go artare, efa go ndjaka li fe no enongbo de lesape, nafa: whli lesape kamo, eme nguwa vino na to, kokoro de, nguwa vino nano embeyi. ¹⁹ Te angelu eya toro lesape kaye kito, te atoro nguwa go ngbe kongu na likabhu ka Eme. ²⁰ kongu neke mbi ekilidjo na gbata, ngote ya koto go kongu, mbiii te tangoro o donge, teseke na kiro metere koto kama madiya.