1 Tengi lo fe seke nangu, sidinganga te ma tsiya engu tele eno engbo de o die bukpa de feye marazi, fendjo odino o ndata ngama, fendjo no nde de ele sirikpi. 2 Eno te matsiangu no ngbo bakana siya, olengu ngbo bakana le yawula, ngaga engi bakana ngaga mazambula. Te kondru etofengi ndjaka, de bhala ngama, de manyaga kaye. 3 Te matsiya bili na ndjo engi bakana kpara eza ka na kpi; engo bili ta eka na kpi no ekote no na makowho. Sala nde mini ongbo tsiya fe ngbonono. 4 Te obebe kondru, tongo engito manyaga feno; ongbo bebe no, nafa ba: emala te deno deda lingita na egogo dengi. 5 Eto fengi emo na elo o ndjandjaka ongo, eli na kotoro de sisitina; tengi to fengi ewo go bu efe bukpa bala de feye bhochu. 6 Te engi o ngagaye toka na wanga go ndjo Eme, toka na toro eleye, de sanduku na ndayi kaye, de ono ongbo go kpe. 7 Ngoto fengi namele go fe o santu, dengi djiwo. Tengi to fengi manyaga fe ndjom o yingili nde mini, de kpara nde, de o li nde mini, de o kote nde mini. 8 O isala nde obebe, toka ngono ele ono eyete teye de go buku na makowho, tongo onoto maziga na enga kandolo de. 9 Te kpara ngbo de dje dengi dje. 10 Te kpara ngbo ho o kpara go ku, o hoga engi go ku; te kpara moro ekiliye de sape, omoroga engi diri de sape; ano temo o guma mo go male ka o santu. 11 Matsiya tokana gara no tele naya go to, engbo do di bhochu bakana kandolo, engi ngbo longo bakana wango. 12 Engi ngbo iyaga teye bakana eno na egilano go dila engi, engi ngbo mele ba o kpara esala ngbo bebe ngo ka eno na egilano, te eka na kpi no ekoto na makowho. 13 Engi mele kpala ngo na gbewa go kpe te ako fe to go dila o kpara. 14 Nafite o kpara ba nitiga, esala tongo ndjakango te engi za na mele go dila siti no na egilano, tengi zaka na sape te ayambe. 15 Tengi to fengi mabebe kuluno, sono kulu nongbo longo, te kpara bebe kulu no de, omoro engi. 16 Engi mele o kpara nde mini oza tere engbo de djadi, de o ngbe kpara, de o moro kumuka, o moro tsenga, de o bali oza tere go kokpa de landjo, 17 kpara bili de siya he, engbo tikisi he, te otsiya mo de tere deno, mabite nano de mabite na elengu. 18 Kira sene; te kpara ngbo de makina na mbela, na bite na mahiya ono, sono angbo mabite ka okpara, deno mabite kama madhia de bukpa marazi.