¹ Ngbe tere ekoto etikpe: worose bili egateye de la, efe esa le engi, de ndata ngama na kofala bukpa de feye bhochu fe ndjo engi. ² Engi nongbo de bu, te engingbo wanga, nangbo go kitima de go kena mazu. ³ Gara tere ekoto tokana etikpe; tsiya, anongbo ngbe kporo mbembe, enongbo de ndjo marazi de odi bukpa te fe o ndjono tambala marazi. ⁴ So engi nongbo de dangba na o kofala na kpe, etorongi feto. Ngbe kporo no elo egilano worose nongbo tse mazu, toka nasusura engangi, go dhinga te engi zu ete. ⁵ Worose ezu enga komoko, nongbo eto magaga feto nde de borodjo nase. Te engangi eme teye esaka Eme de maneke go manyaga kangi. ⁶ Te worose ekpe go gbe go, yo engi nongbo de da seke Eme eleke fengi, ba engi ngbo zo he esuga o kini koto bili de kama bhochu de bukpa madhiya. ⁷ Te go kpe, engo ekoto, Mikayele de o anzelu kaye ogo go te kote ngbe kporo, te ngbe kporo de o anzelu ogo go, ⁸ Sono onongbo ndjandjaka de, te dawo nongbo tokana mama etikpe. ⁹ Te engi kata teye, ngbe kporo, diri kporo te obuka ba djabulu de Satana, kpara engbo di ndjo fe to nde, engi kata teye fe to, te o anzelu kangi okata tewo sidinga engi mini. ¹⁰ Te madje etikpe eli bili ndjandjaka engbo fa: Tsiane makowho ekotoyi, te ndjaka, te kitima, manyaga ka Eme kani, te gongama ka Klisto kangi, sono onokata enani engi, ifo kpara ka ndayini, kpara engbo fongo egila Eme kani elha de biti. ¹¹ O di woyi fofofe ngote ka enga kandolo de fofofe ngali matambisa jongo Ka Eme, te okunda de makowho kawo mbi nakpe ekpi. ¹² Fofofe ingbo de guguma, o kpe, de hi ingbo go kpe. Dhinga feto de o ngbengu! sono Djaburu ekoyi tengayi, ekoto eneke de ndjandja, nambela ba nidhenga tene. ¹³ Go dhenga ngbe kporo etsiya ba okata niyi fe to, efanga worose enozu djadi komoko. ¹⁴ Te o mbula bhochu ka zuwa eto teye fe worose, ba engi huludi go ngbengo, go dangi, yo engi kpi dhenga bili, o dhenga, de dangba dhenga ngengele, go dila kporo. ¹⁵ Te go djengi, kporo embi bakana ngbengu sidinga worose, ba alindangi. ¹⁶ Te eto ebhanga worose, te eto damoye edjo engu te kporo no ndutu go moye. ¹⁷ Te kporo eza siti guma tokote woroseno, te engi ya eneke toka nago ngo tedu yingili, ono engbo enani elila makpama ka Eme; te ono etambisa jongo ka Yezu. ¹⁸ Te ngbe kporo no eneke nolo egilano ngbengu.