¹ Oto fema gbaka bili bakana metere opimi ohi ete, nafa ba; Iya temu na pimi tepelo ka Eme, de o kpara nde mini oza bangi tete, ² Engo bilita na tsia tepelo, ekilidjo, tsewo ekilidjo de mopimi sekede, engo bili so otofe koti, engi koto na dhoko go leye efe bukpa bala de efe bochi. ³ Te mato oyi dango bochi de ndjakawo d˜omalateye bakana o profeta eyo bango na bagadi, ela koto bili de kama bhochi de bukpa madhia. ⁴ Ade omoro kitima bhochi de o gara ozozoro tala olu gilano na ngama nato ⁵ Te kpara iya na mele wo sisiti de ewa koto go mawo na nyukuma ohiyala nde te kpara bili iya na mele wo siti, de omorongu biba ⁶ Engi de wo na dhika kpe angano wage le diri digo dhingano ongbo to ngali ka Eme , o dewo na mele teye de engu koto ngote tengi sama eto de ekhe ne djo bakana eka bigo dhinga konda nato. ⁷ Dhinga te okoto nandjia oyingbo dango, enunongbo le go du engino dego kpara na gilano koto morowo. ⁸ De okovo kawo engbo go da seke ngbengbe na gbata, tengu bhuka bakana sipiritu santu, sodomo na Ezypito da sekeno o gbala ngama kawo tete ⁹ De o komoko esuga o kpara, ingili o eli de okoti, de otsia kovo kawo go ela bata de mbombo tengi lede ba oho kovo kawo go mboko ¹⁰ Tongo kawo ongbo do kpara na eto omaka teye dalidjadja, tengi tsia teye soo de gara de ogara, kokorode o profeta bhochu omele ba o kpara dje tsenga goto ¹¹ sidanga ela bata de mbombo, makina na makowo ekoto eyiya fe Eme ele fewo tengi sudha teye go lewo, te ndjaka tsoro ekoto na mele okpara ngbo tsia ngono. ¹² Engi dje ngali bili eyiya go kpe nafa ba: le kine! tengi le go kokpe, te oyiya ngbo tsia wo. ¹³ Bi go dhingano engidje mayike nato te mbo seke na bukpa go gboto, oyate o kpara koto marazi oya kpi go mayiki nato no te ogara okowo na bebe Eme go kpe ¹⁴ De tsenga na bhochu iya gulu, etsia tsenga na bata ikoto tsiane. ¹⁵ Te Angelu na marazi emi na mbongo todje tokana ngali ndjandjaka go kpe na faba: Gongama na sala o du fe ngama de Kristu, te manyaga kangi ngbo dila dila. ¹⁶ Ogandji kpara bhukpa bhochu de feye bala engbo tete egilano ka Eme be go manyaga kawo, te ogbuku ela ndjo kilo, na bebe Eme. ¹⁷ Na fabaÇ Mato femo grasiya ngama Eme de ewo nde mimi, engbo ete, engbo tiane kokorode moza ewonde go manyaga kamo. ¹⁸ Okoti nde omaka ngakpa, te guma na make enu dhinga ekotoyi na gbo ongo ka omoro kpi, te o kpane ongbo mele kitima fe o profeta, o maka o jongo kawo de o sele mini de onono ozeba elemo, ombombo de o ngbengbe, engi ngbo misa o kpara nde ongbo siti eto, ¹⁹ Te tepelo ka Eme a o teye go kpe, te makunda ekoto go tepelo, totsia mba seke, de ongali de omadula de mayike nato, de o ndjaka sangu.