¹ Matsiya gara anzelu bili dewo, engbo na ke go kpe, te edhika teye de sangu; wango engbo go ndjongu, te landjongu engbo tote bakana ela, te lengu bakana nakurubhu na ewa. ² Go sakangu engi zoro mbo buku ngbadha. Tengi ho leye na kokpa gungu, te ngu ho leye na gale fe to. ³ Tengi wanga ndjandjaka, bakana wanga mazambula, dhinga engi wanga, omogbala dje liwo. ⁴ Dhinga te o mogbala marazi edje liwo, anongbo ba mayete, te madje li bili go kpe efa fele: tere engo te o mogbala marazi no ofa, yete de. ⁵ Anzelu no ngbo tsiango ngbo mele fe ngu de feto, te e eme kokpaye etikpe, ⁶ tengi kolo duye fe kpara engbo de khowo karanga de o karanga, emele kpe de o ingbo fe to de to nde, de ongu de o e nde engbo go ngu, dhinga tsia ama, ⁷ Engo bili ta go kini na li anzelu na marazi, dhinga tengi hu ngunga ete, ongo no owo teye eshule teye, bakana engi nofa ete fe moro kitima kaye de o profeta kaye. ⁸ Deli te madjeekoto go kpe, tengi fa tokana ba : neneke moza mbo bibiliya ngbadha esaka anzelu no elu etikpe fe de to. ⁹ Te maneke sidinga anzelu no, mafa fengi ba engi to fele mbo bibiliya, tengi to fele ba zaza, de momi; anongbo susu gobuma, engo bili ta, dhinga te mami ete, buma esika do he susu. ¹⁰ Tenga mbo bibbiliya esaka anzelu no, ano ngbo gugu go moma, bakana mowo, ta be dhinga te akoto gu buma akoto susu. ¹¹ Ofa fele ba: ayoba mofa ngbilingo fe to nedjo o kpara, de o kote, de o yingili, de o ngama.