¹ Te madje ndjaka li bili angbo nogo te kame angbo fafe o angelu marazi: ineke ne tike feto o kongu marazi na likabu kame. ² Angelu no nagilano eya neke tengi tike kongu kaye feto, te ositi kano gbi esa te azoro o kpara nongo enani bakana eno de o nongo enani bebe engo kangi. ³ Angelu na bhochu eya tike kongu kaye fe ngbengu te akote ngote, bakana ngote kovo, o ee nde nongbo te djo kpi enani nde. ⁴ Angelu na bata eya tike kongu kaye fe ngbengu de fe o mbombongu. ⁵ Adeno te madjen angelu no o teye tengo kangu efa: mobimbela, mobilado, mongbo enani, movuvuru kokorode mokolo engo kangi. ⁶ O tike ngote ka o vuvuru de o profeta, ano temo to fe wo ongo te ba ondjo, o lengeta bedi ⁷ Te maya dje go otari elibili nofa enani: woyi ngama eme na ewo nde, makolo ngbanga kamo anayebi mbele ⁸ angelu na bata eya tike kongu kaye fe ela te ato teye fengi na tsuru o kpara te ewa kaye. ⁹ o kpara tsuru te ndjaka koku te oya sama ele Eme no kpama te sitingo no, o djinawo tewo de tokana zebatangi ¹⁰ Angelu na bhuleve eya tike kongu kaye fe bhala ngama maka eno te kote ngama kangi ekoto mbilibiti, o kpara ngbo enani kpii esaka magala nami, ¹¹ Te o sama Eme na tikpe toka magala de oka nogbe esaka wo, odji nawo te wo de go ongo ote mele. ¹² Angelu madia eya tike kongu kaye fe ngbengu Efarata, tengbengu eya tse na leke kadje fe ngama nono fogo. ¹³ Matiya temo daragona, te imo eno no no fa ba ni de prifeta o siti Eme bata ndjo go bi bakana o kpara ¹⁴ ade sipiri ka gbongwa de no te dhonda o kpakala ngo aneke kanga ngama na to nde toka na bite te wo toka ego gongbe kini no ka Eme na ewonde. ¹⁵ Tsia mano bakana morozi, kondo engbo ka nongbo de ndjaka dila de no lila o bongo ka ye ba engi dhoko ngilimba de natse a tia lomo kaye ¹⁶ tengibite wo go seke te o bhubhuka nga goli ka o ebere aramage done. ¹⁷ Angelu na marazi eya tike kongu kaye go wavi, go teme na tikpe ndjaka ngali bili eya koto, angbo enani nofe bhala nanga tengi fa : amele teyeyi. ¹⁸ Anongbo ta de golele de oli de gili mongbala de gbe yike seke na to engo ne mele teye de bigogo kpara koto feto. ¹⁹ o ye ye ngbegbata te tendula bata ano o gbata na o kote no te nde. Eme kina teye de ngbe Babilona toka na mele ngi djo kongu vino na ndjaka likabhu. ²⁰ O kosanga nde yangbe ano omaka tokana ganga bili de ²¹ wanga na dji teme lu ele, nguwa na dji tyeme bili anongbo mba kilo bukpa bukpa bala.