¹ Go Galatiya, embila engo bili de tokane! eda esiti egi, go jila kada ogbala Yezu Kristu ete de tsinga go kuruse. ² Etsia bane ongo male eshudha feyi: dena mele ongo go makpama emeka de kuluku sele guma ka Eme na male ngaliye ka Eme. ³ Mombila naemo engo de? Na kuteye de kulu ka elimo sidinganga, tsiane ile natse ongono tokango na kote? ⁴ Eyi idje tsinga pima? Te angbo bane a sisiti. ⁵ Kpara no to feyi Sipiritu, dengi temele ogbogbokongo esugayi, engi temele anga go ngbilili makina oko go bu ojojongo ka male? ⁶ Bakana Abarama engbo na wanga fe Eme, te otambisa ongone na gbo, ⁷ Embilayi ba okpara na male ode inga Abarama. ⁸ Dongo na mahete, engbo natsia nafa ba Eme gbongo ka ohile Eme de go na male, egilano ingi fa tojongali fe Abarama: okotinde ngbo de mabenisi kamo. ⁹ Bi bakana te kpara koto nale engbo de mabenisi de Abarama mini kpara na male. ¹⁰ Tano te okpara nde zoro butewonamele ongo go bu makpama owuo de omoro ligbiri,bakana o hete ete: te ositimo de molede na tsia mahete nde gobuku na makpama, de moho go kitima. ¹¹ Ogbongo ka kpara bili de go djila Eme de makpama abi fano, bakana ofayi: okpara na ngbilingo koho de male. ¹² Nafa, makpama gulu ongo na malede, ongo bili ta ofa ba : te kpara ongo kangi namele go kitima koho biteye. ¹³ Kirisitu esiayi go ositingo na makpama, te ositingo koto fe feyi bakana ohete ete: te siti kpara le ba ohi ngorongi go elu. ¹⁴ Anga dene te Abarama ekoto nato jo mabenisi fe ohi le Eme de nale bakana efayi tete. ¹⁵ Ondayi mate lo ongo bakana de okpara, naza metere bili jojo, de namele jongo fe kpara, te kpara bili emede, naho garango gondjondjona. ¹⁶ Gini bakana otoyi ete ngaliye fe Abarama de ondaiye na sidi kangu, ofana de: fe ondaiye na sidi, bakana engbo fe okpara bili; de na kho sidi, nafa ba, de Kirisitu. ¹⁷ Anga deno engo mabitsingahe: naza dhinga bili, de Eme koto nale gosa gumangi, dangb0 kokorode, anga ba ngali otoyi ete akotoyi sisiti, de makpama ekoto karanga kama bala de tuku bata sidinganga, ¹⁸ Tano te bhondi eyiya de makpama, ekoto go ngali ka Eme de, bagini, go ngali Eme eto fe Abarama go grasia fengu. ¹⁹ Tokana bi go makpama? Otoyi ete tokana go bu nangone mbi nakoto fewuo sidi de ngaliye okokisi ete, omele, otambisa ete de o angel, de o ndenge nagele ojongo. ²⁰ Bagini, kpara naleke ongo engi be fe kpara bili de, bagini Eme bi kpikpi kaye. ²¹ Be makpama anga godi fe ngali ka Eme? Angele kade! Tengi zayi ete nato makpama bili nakoto maka makowho, anga fano makpama ekotoyi bego ngbilingo. ²² Engo bili ta mahete ndemini edhika teye gosa ligbiri, ano bakana ofayi ete nato bego male ka Yezu Kirisitu fe okpara na male. ²³ Egilano ba male ekoto, engbo nayi ete ndjandjaka gosa makpama na lila teye, natsia male tengingbo na koto. ²⁴ Anga dene makpama engbo ete bakana kpara na shudhango nadhoko dewuo fe Kirisitu, ano omeleyi fano go male. ²⁵ Te male ekotoyi ete, eningbo na de gosa fe okpara eshudha ngo ete, ²⁶ Tano eyindemini enga Eme be go male fe Yezu Kirisitu. ²⁷ Eyindemini, iza batisimo ete fe Kirisitu, ihoyi bongo tokana tokotengu Kirisitu. ²⁸ O yuda de Ogriki tabho mama, omabozo mama de okokoro kpara, de okomoko de worose ta de; tano eyindemini fe bili kpara Yezu Kirisitu. ²⁹ Te ingbo fe Kirisitu, eyi de okpara sidinga Abarama, nebhondi bakana ato ngali ete.