¹ Ta alifela diri mbi te kpara feda engbo tiga kumuka ana bhe djadi, mafa ba engi yetoye de bali de, d'engi ngbo moro e nde; ² Engbo bili ta, engi anabe esaka o ikoye de o ngama mbi go dhinga te wuwuye etoto. ³ Nidi mini biba, dhenga te ningbo enani o djadi, nino ngbo esa kitima bali na to ne; ⁴ Engo bili ta go dhinga te dhinga nolingita ete, Eme no tima engaye, ezu teye te wurose, ezu teye esa makpama, ⁵ ba engi siya ono nongbo esa makpama, ba nikoto o dingani. ⁶ atokano ba ide o djadi, Eme tima go gumani mee engaye, no ewanga: Aba! Apaye! ⁷ Adeno mota de bali mama, sono mode djadi; te mongbo de djadi, motiga di te dongo Eme. ⁸ Go gara dhenga, inombela mbela Eme de, ingbo mele fe ono nongbo de o siti eme. ⁹ Tano, tiane imbela Eme yi, Eme mbelayi, tokane idji tokana teyi fe o kokoro ngo de tsinga na kito, te le tokana ile na meleye? ¹⁰ Itsiya o kini, o fe, o dhenga de o karanga! ¹¹ makpe namele kokoro kitima feyi. ¹² Ingbo bakanara, so madi bayi. O ndayi, maku tema feyi. ¹³ Ino melera sitingo bili de. Imbela ba amele teye fofofe aluba na so ba no te ma ngbo di feyi gigina go ngali Eme. ¹⁴ Ano, ino ora te male na so, inongbo dama, ino sirima de, ino tsema de, ile ta ma bakana anzelu bili ka Eme, bakana Yezu-Klisto. ¹⁵ Nengo ne esudha lidjadja kayi e? So modjeyi ba ano ngbo naye jojo, imele nagbe dilayi te ito fera. ¹⁶ Mata de iyalayi toka ngbilingo te mafa feyi? ¹⁷ Ongo te ongbodi feyi njonjo ama, oma na ye eyi de a, ba itiga ta fe wo. ¹⁸ Aleke nangbo de gomo namele jongo go dhenga nde, angbo de be go dhinga te ma ana be esugayi. ¹⁹ O djinga ma, fe oda madje keke namazu, mbi te Klisto mele teyi goyi, ²⁰ Male tsiane nangbo edeyi, de nadji oli, so mambambanga tema tokayi. ²¹ Ifa fema eyi no ele nangbo esa makpama, idje nayi makpama nede? ²² A ete teye ba Abarama ngbo de o djadi bhochu, bili te worose bali, ano bili te worose kote. ²³ Engo bili ta, nona bali ezuteye te na so, ano no na worose kote ezu teye te madhonda na ngali. ²⁴ Djogo ne bane ta o worose nogbe buyi bhochu, bili te ganga na Sinai, ezu toka kitima bali, ade Agara. ²⁵ Sono Agara ngbo de ele Sinaya go Arabiya, abe bakana Yerusalema na tsiane, nongbo go kitima bali de o djingaye. ²⁶ Engobili ta Yerusalema n'etikpe engbo go malanga, no de yiya; ²⁷ So a yete teye: ngbo de lidjadja, induma, emo no ezu de! Be kpamo de mowanga, motsiya namo de ke namazu! So o djadji na bakule ngboga nedjo fe o djadji no ose wo. ²⁸ Feyi, o ndayi bakana Isaka engbo de djadi na madhonda na ngali; ²⁹ Abeba no enozu teye te na so ngbo lese no enozu teye te malanga ka sipiriti, ano biba toka na tsiane. ³⁰ Engo bili ta mayete fafe? Like bali de engaye, so enga bali tiga de he de bakana enga worose kote. ³¹ Adeno, o ndayi, ni nani o djinga bali de, ta no ono na worose kote.